SHINGRAN 22:14 - Jinghpaw Hanson Version Bible

¹⁴ Asak jahkrung ai hpun hpang de du lu na hte, mare kata de chyinghka hku shang lu na ahkang lu la hkra, tinang a hpun palawng hkrut kau ai ni gaw, a lu ma ai.

Jinghpaw Common Language Bible 2009

¹⁴ Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.

SHINGRAN 22:14 ပူးပေါင်းရင်းမြစ်များ

NINGPAWT NINGHPANG 2:9

Ya Yehowa Karai Kasang gaw yu chyoi ai hte sha na matu mai kaja ai hpun amyu myu hpe, ga hta nna tu shangun wu ai: dai sun a ka-ang e asak jahkrung jaw ai hpun hte, kaja ai hte n kaja ai chye ginhka shangun ai hpun mung tu nga ai.

NINGPAWT NINGHPANG 3:22

Shaloi Yehowa Karai Kasang gaw, “Yu mu, masha wa gaw kaja ai hte n kaja ai hpe chye ginhka lu ai lam hta, anhte hta na langai mi zawn tai nga ai, ya shi gaw prat dingsa hkrung nga lu na matu, shi a lata ladawn nna asak jahkrung ai hpun a asi di sha na, n mai nga ai,” nga ai rai nna,

SHAKAWN KUNGDAWN 112:1

Yehowa hpe hkrit hkungga nna, Shi htet da ai ga hta e, awng nga ai wa gaw, a nga ai.

SHAKAWN KUNGDAWN 118:20

Ndai gaw, Yehowa a chyinghka rai nga ai: Dinghpring ai ni, shang lu na ma ai.

PRU MAT 19:10

Dai rai nna Yehowa gaw Mawshe hpe, Dai amyu masha ni hpang de yu wa nna, dai ni, hpawt ni nhtoi hta shanhte shachyoi shapra nna, shanhte a hpun palawng hkrut shangun u;

Daniela 12:12

Dai hta n-ga, nhtoi hkying mi masum tsa sumshi manga ya du hkra, ala nga nna, shakut sharang ai wa gaw, a nga ai.

YAWHAN 10:7

Dai re ai majaw Yesu shanhte hpe bai tsun mu ai gaw, “Ngai nanhte hpe gaja wa teng teng tsun dan made ga, Ngai gaw sagu ni shang ai chyinghka hku rai nga nngai.

YAWHAN 10:9

Ngai gaw chyinghka hku rai nga nngai: ngai hta shang ai wa gaw, hkye hkrang la hkrum na wu ai rai nna, shang wa pru wa rai lu ai hte, udat shara mu na wu ai.

YAWHAN 14:15

Nanhte ngai hpe tsawra myit dai rai yang gaw, nye a ga matsun hkan shatup na myit dai.

YAWHAN 14:6

Yesu gaw, “Lam gaw ngai rai nga nngai, tengman ai hte asak mung, ngai rai nga nngai: ngai hta nna n rai yang gaw, kadai mung nye Wa kaw n du wa lu ai.

YAWHAN 4:12

Anhte a wa Yaku gaw ndai hka htung anhte hpe jaw da ma ni ai rai nna, shi hkum nan hte shi a kashu kasha ni, shi a yamnga ni, ndai hta na lu masai: nang gaw shi hta grau kaba nni?” ngu nna shi hpe tsun wu ai.

1 KORINHTU 7:19

Matu gadoi hkam ai gaw, hpa n rai nga ai; matu gadoi n hkam ai mung, hpa n rai nga ai: Karai Kasang a htet da ai lam hkan nang na chyu sha, akyu rai nga ai.

1 KORINHTU 8:9

Shing wa nga timung, nanhte a ahkang gaw n-gun n ja ai ni a myit kataw shara n tai u ga, sadi nga mu.

1 KORINHTU 9:5

Kasa kaga ni hte, Madu a kanau ni hte Kehpa zawn, kamsham ai madu jan woi hkawm na ahkang, anhte n lu ga ni?

GALATI 5:6

Kaning rai nme law, Hkristu hta e matu gadoi hkam ai lam rai timung, matu gadoi n hkam ai lam rai timung, hpa akyu n nga ai rai nna, tsawra myit hte shachyen ai makam masham hkrai sha, akyu rawng nga ai.

1 YAWHAN 3:3

Shi hta e, dai zawn myit mada lu ai masha gaw, shi hkum nan chyoi pra nga ai hte maren, tinang hkum hpe mung shachyoi shapra nga ai.

1 YAWHAN 5:3

Kaning rai nme law, Karai Kasang a hkang da ai ga hpe hkan galaw ai lam gaw, shi hpe tsawra ngu ai lam rai nga ai; shi a hkang da ai ga chyawm gaw, yak la nga ai n rai.

SHINGRAN 2:7

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, Karai Kasang a Hparadisu e tu ai asak hkrung ai hpun a asi, sha lu na ahkang, ngai jaw na we ai.

SHINGRAN 21:12

de a bunghku gaw galu kaba ai hte tsaw la nga ai: mare chyinghka shi lahkawng hpaw nga ai rai nna, dai chyinghka ni a ntsa e lamu kasa shi lahkawng sin nga ma ai: dai hta n-ga, Israela a kashu kasha amyu shi lahkawng ni a amying mung dai hta ka kap nga ai.

SHINGRAN 21:27

Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.

SHINGRAN 22:2

Dai hka nu a hkin-gau maga mi hte maga mi de, asi amyu shi lahkawng si ai asak jahkrung ai hpun tu nga ai rai nna, de a asi mung shata shagu si nga ai: dai hpun a lap ni mung, masha amyu ni a ana shamai shatsai na matu rai nga ai.

SHINGRAN 22:7

“Yu u, ngai alawan du na ring ngai: Ndai laika hta rawng ai myihtoi ga hpe hkan nang nga ai wa gaw, a lu ai,” nga nna ngai hpe tsun nngai.

SHINGRAN 7:14

Ngai gaw, Nye a Madu e, nang chye nga ndai, ngu nna shi hpe htan we ai. Shaloi shi gaw, Dai ni gaw, dai ru tsang kaba kata na hkrang pru wa nna, tinang a hpun palawng hpe Sagu Kasha a asai hta hkrut jahpraw la ai ni rai nga ma ai.