SHINGRAN 21:8 - Jinghpaw Hanson Version Bible

⁸ Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

Jinghpaw Common Language Bible 2009

⁸ Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 21:8 ပူးပေါင်းရင်းမြစ်များ

GA SHAGAWP 19:5

Masu ai sakse gaw, mara n kap na, n rai; Masu ga tsun ai wa gaw, ari lawt na, n rai.

GA SHAGAWP 19:9

Masu ai sakse gaw mara n kap na, n rai; Masu ga tsun ai wa gaw hten byak hkrum na ra ai.

ESAIA 51:12

Nanhte hpe shalan shabran ai wa gaw, kaga wa n rai, ngai nan rai nga nngai: si ang ai masha hpe mung, tsingdu zawn tai wa na shinggyim masha a kasha hpe mung, hkrit kamyin nna,

ESAIA 57:11

Nang gaw masu nga ai hte, ngai hpe malap kau nna, hpa n nawn ai majaw, kadai hpe hkrit kamyin nga n ta? Ngai na na wa atsin sha nga ai majaw, nang ngai hpe n hkrit nga ai, rai ni?

ESAIA 9:15

Dai amyu hpe woi awn ai ni, shanhte hpe lam shayit mu ai; shanhte hpe hkan nang ai ni mung, shamyit kau ai hkrum ma ai.

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

MAHTE 10:28

Hkum tsawp hpe sha sat kau nna, myit masin hpe n sat kau lu ai ni hpe hkum hkrit mu: myit masin hte hpawn hkum tsawp hpe ngarai mung hta e jahten kau lu ai wa hpe grau nna hkrit nga mu.

MAHTE 25:25

dai rai nna hkrit ai hte ngai sa nna, na a gumhpraw hpe ga hta e lup da se ai: yu u, na a arai naw nga nga lit dai,’ ngu wu ai.

MAHTE 8:26

Shi gaw, “Ai n kam ai ni e, hpa rai hkrit nga myit ta?” ngu nna shanhte hpe tsun mu ai. Shaloi shi rawt nna, nbung hte nawng hpe daru kau wu ai: shing rai nachying atsin sim rai nga ai.

YAWHAN 8:44

Nanhte gaw, nanhte a kawa ngu ai, gumlau Nat hta na prat wa ai ni rai nga myit dai rai nna, nanhte a kawa a kayut ai hku mung, hkan mayu myit dai: shi gaw shawng npawt kaw nna, masha sat ai wa rai nga ai rai nna, shi hta tengman ai lam n rawng lu ai majaw, tengman ai lam hta n nga lu ai: shi masu magaw ga tsun yang, shi a myit hta na hte maren tsun nga ai: shi gaw masu ai wa rai nga ai hte, masu magaw ai a kawa mung, rai nga ai.

TARA JAHPRANG 20:8

Bai hpyen du ni gaw, Hkrit ai myit rawng nna myit htum ai masha kadai lawm nga a ta? dai wa gaw nta de wa u ga; dai n rai yang, shi a majaw, manang ni mung myit htum mat na, tsang ra ai, ngu nna masha ni hpe naw tsun na rai mu ai.

2 HTESALONI 2:9

Dai n tara ai wa a du sa ai gaw, Satan a shachyen ai n-gun atsam, lamik kumla hte, masu ai mauhpa amyu myu hte,

1 TIMOHTI 4:2

hkalem hkalau chye ai wenyi ni hte nat a sharin shaga ai lam hpe madat mara na rai nna, shanhte a myit nsam hpri kahtet hte zawn gaba nga ai, nga nna,

TITU 1:16

Karai Kasang hpe chye chyang ga ai, nga ma timung, matsat shabat re ai ni hte n madat mara ai ni rai nga nna, mai kaja ai amu yawng mayawng a matu n htuk ma ai majaw, tinang a arawn alai hte shi hpe nyet kau ma ai.

HEBRE 12:24

ga shaka ningnan a htinglu wa Yesu hpang de mung, Abela asai hta grau kaja ai lam chye tsun ai lapri bun ai asai hpang de mung, du manit dai.

HEBRE 13:4

Hkungran ai lam gaw, yawng mayawng a man e arawng lu u ga; hkungran ai yup ra mung, san seng nga u ga: kaning rai nme law, hpye ai amu galaw ai ni hte num shaw la shaw ai ni hpe, Karai Kasang tara dara na wu ai.

1 YAWHAN 2:22

Yesu gaw, Hkristu nrai nga ai, nga nna n dang kau ai wa sha nrai yang gaw, masu ai wa gaw kadai rai nga a ta? Dai Kawa hte dai Kasha hpe n dang kau ai wa nan, dai antihkristu ngu ai wa, rai nga ai.

1 YAWHAN 3:15

Shi a kahpu kanau wa hpe n dawng n yawt ai wa kadai rai timung, masha hpe sat kau ai wa rai nga ai: masha hpe sat kau ai wa kadai rai timung, n htum n wai asak shi hta n rawng nga ai, nanhte chye nga myit dai.

1 YAWHAN 5:10

Karai Kasang a Kasha hpe kamsham ai wa hta e, ndai sakse ga a rawng nga ai: Karai Kasang hpe n kam n sham ai wa chyawm gaw, shi hpe masu ai wa shadu wu ai; kaning rai nme law, Karai Kasang gaw shi a Kasha a lam sakse hkam ya ai sakse ga hpe, shi n kam wu ai.

SHINGRAN 14:10

Karai Kasang a sindawng kahtet ngu ai gawm hta hpaw bang tawn ai pawt bu ai tsabyi jahku jet lu lu na ra ai; dai hta n-ga shi gaw chyoi pra ai lamu kasa ni a man e mung, dai Sagu Kasha a man e mung, wan hte kan kayau ai hta nni nkri zingri ai hkrum na ra ai:

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 2:11

Wenyi gaw Hpung ni hpe kaning nga tsun ai gaw, na tu ai wa gaw na la u ga. Lahkawng lang ngu na si ai lam gaw, dang lu ai wa hpe hkra lu na n rai.

SHINGRAN 2:2

Na a arawn alai, na a amu bungli hte na a hkam sharang ai hpe mung, n hkru n hkra re ai masha hpe nang n hkam lu ndai mung, kasa n re ai kasa hpyi hpun ai ni hpe nang san dinglik yu nna, shanhte a masu ai hpe shadan kau ya lu ndai mung, ngai chye nga nngai.

SHINGRAN 21:27

Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.

SHINGRAN 22:15

Shinggan e gaw, gwi n re ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte nga ma ai, nga nna ngai hpe tsun nngai.

SHINGRAN 9:17

Bai, dai shingran hta ning re ai gumra ni hte, dai ni hta jawn ai ni hpe ngai mu nngai; shanhte gaw wan, wakintu hte kan nsan ai sinda magap dagap ma ai: gumra ni a baw gaw hkanghkyi baw zawn san nna, n-gup hta na wan numli, wan hkut hte kan pru nga ai.

SHINGRAN 9:21

masha sat ai amu hta na mung, mandan lakle amu hta na mung, num shut hpyit ai amu hta na mung, lagu lagut re ai amu hta na mung, shanhte myit malai n lu ma ai.

TARA AGYI 7:3

Dai rai nna, Masin kaji ai hte hkrit gari ai ni, Gilead bum kaw na nhtang wa mat mu,” ngu nna masha ni hpe jahtau tsun u, ngu wu ai. Dai majaw masha mun lahkawng e hkying lahkawng wa mat sai rai nna, mun mi sha ngam mat ai.