SHINGRAN 21:6 - Jinghpaw Hanson Version Bible

⁶ Dai hta kaga shi gaw, “Dai hte gaw ngut mat sai; ngai gaw Alhpa hte Omega, apawt ningshawng mung, ahpang jahtum mung, rai nga nngai: hpang kara ai wa hpe asak hka hpawk na ntsin, manu jahpu n hpyi ai sha, ngai jaw na we ai.

Jinghpaw Common Language Bible 2009

⁶ Dai hta kaga shi gaw, Amu ngut sai! Ngai gaw Alhpa hte Omega, npawt nhpang mung, hpang jahtum mung, rai nga nngai, Hpang gara ai wa kadai hpe mung, dai asak hka hpawk kaw na ntsin hpe manu jahpu n jaw ai sha lu lu na ahkang ngai jaw na we ai.

SHINGRAN 21:6 ပူးပေါင်းရင်းမြစ်များ

SHAKAWN KUNGDAWN 36:9

Nang hte rau asak hka hpawk rai nga ai; Na a nhtoi majaw anhte nhtoi mu lu na ga ai.

ESAIA 12:3

Dai re ai majaw nanhte gaw, hkye hkrang la ai hka htung ni hta, kabu gara ai myit hte, hka ja lu na marin dai.

YEREMIA 2:13

“Kaning rai nme law, nye a amyu gaw lam lahkawng hta shut masai: shanhte gaw, asak hka hpawk ngu ai, ngai hpe kau da nna, hka n rawng lu ai ntsin htung, gaja wa, ga mat ai ntsin htung, tawk manu ai.”

HOSEA 14:4

“Nye a pawt bu ai myit kawp mat sai majaw, shanhte a htak mat ai hpe ngai shamai shatsai ya nna, hpa n hpyi ai sha, shanhte hpe tsawra na nngai.

YOELA 3:18

Dai aten e, bum ni gaw, dwi ai tsabyi jahku yun nna, kawng ni gaw, nga chyu lwi na ra ai: Yuda hka lawng hka hkawng ni yawng, hka lwi na ra ai; Yehowa nta kaw na hka hpawk hpaw pru nna, Shitim kadit hpe madit na ra ai.

YAWHAN 4:10

Shaloi Yesu gaw, Karai Kasang a kumhpa hte, “Ngai hpe ntsin jaw lu e, nga nna nang kaw hpyi ai wa hpe, nang chye wu taw gaw, nang shi kaw hpyi nna, shi gaw nang hpe hkrung ai ntsin jaw na nit dai,” ngu nna shi hpe htan wu ai.

YAWHAN 4:11

Dai numsha mung, “Madu e, nang ntsin ja na rai hpa mung n lu ndai, hka htung mung sung nga ai; dai re ai majaw dai hkrung ai ntsin gaw, nang kanang na lu n ta?

YAWHAN 4:14

dai ngai jaw ai ntsin gaw, dai wa hta htani htana asak a matu lwi pru ai hka hpawk tai na ra ai,” ngu nna shi hpe htan wu ai.

ROMA 3:24

jahpu n ya ai sha, shi a chyeju hte, Yesu Hkristu a htingrai htingra ya ai a gawp e, dinghpring ai gaw du lu na ma ai.

ROMA 8:32

Shi kasha lala hpe lahpawt lama n di ai sha, anhte mahkra a matu mara shi hpe ap ya ai wa gaw, shi hte nawng yawng mayawng anhte hpe jaw na, n rai ni?

1 KORINHTU 2:12

Anhte chyawm gaw mungkan ga a wenyi hpe hkam la saga ai n rai; Karai Kasang e anhte hpe jaw da ai chyeju hpe anhte chye lu u ga, Karai Kasang kaw na Wenyi hpe anhte hkam la saga ai:

1 KORINHTU 3:12

Marai langai ngai dai npawt nhpang hta e, aja, gumhpraw, lungseng, hpun, nawnam hte yi hku hte hte gaw kahtap dam a yang gaw, langai hte langai a bungli gaw dan pru wa na ra ai:

1 KORINHTU 3:21

Dai re ai majaw, kadai rai timung masha hta e hkum gumrawng nga mu ga. Kaning rai nme law, yawng mayawng hte gaw nanhte a npu e rai nga ai:

1 KORINHTU 3:5

Apolo gaw kadai rai nga a ta? Pawlu mung kadai rai nga a ta? Shan gaw shangun ma rai nga nna, shan a jaw e nanhte kamsham ai kaw du lu myit dai: dai Madu e jaw da mu ai hte maren, shan langai hte langai shachyen lu ma ai.

SHINGRAN 1:11

Hpung sanit hpang de shagun dat u, nga nna nye a shingdu de hpahtau zawn ngoi ai nsen kaba ngai na nngai.

SHINGRAN 1:17

Dai wa hpe mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, Hkum hkrit et, ngai gaw ningshawng wa mung, jahtum wa mung, rai nga ai hte,

SHINGRAN 1:8

“Ngai gaw Alhpa mung rai nga nngai, Omega mung rai nga nngai,” nga nna ndai aprat e, moi na aprat e anga nga ai hte, htawm hpang du na ra ai wa, Chyahtum chyalai n-gun rawng ai Madu Karai Kasang gaw tsun nga ai.

SHINGRAN 10:6

sumsing lamu hte dai hta e nga ai, ginding aga hte dai hta e nga ai, nammukdara hte dai hta e rawng ai hte hpe hpan tawn da nna htani htana prat dingsa ahkrung nga ai wa hpe gang nna dagam wu ai gaw, Ahkying ladaw ngu ai n nga na sai;

SHINGRAN 16:17

Bai, sanit ngu na wa shi a gawm nbung hta ru gat dat wu ai: shaloi, “Ngut mat sai,” nga nna nawku Htingnu kata tingnyang kaw na nsen kaba pru wa ai:

SHINGRAN 22:13

Ngai gaw Alhpa hte Omega, ningshawng wa hte jahtum wa, apawt ningshawng mung, ahpang jahtum mung, ngai rai nga nngai.

SHINGRAN 22:17

Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.

SHINGRAN 3:14

Bai, Ladoki mare na Hpung a kasa hpe ning ngu ka dat u: Kangka re ai hte tengman ai sakse wa, Karai Kasang hpan tawn da ai a npawt nhpang, Amen ngu ai wa, ning nga nga ai:

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.