SHINGRAN 21:5 - Jinghpaw Hanson Version Bible

⁵ Dai tingnyang hta dung nga ai wa mung, “Yu u, arai yawng mayawng hpe ngai ningnan bai gaw da nngai,” nga nna tsun ai. Bai shi gaw, “Ka da u; ndai ga gaw kangka re ai ga, tengman ai ga rai nga ai,” nga nna tsun ai.

Jinghpaw Common Language Bible 2009

⁵ Dai hpang, tingnyang hta dung nga ai wa gaw, “Yu u, ya aten hta arai yawng mayawng hpe ngai ningnan bai gaw da nngai,” nga nna tsun ai. Bai dai Madu gaw, “Ndai ka da u, hpa majaw nga yang, ndai ga ni gaw teng man ai ga, kam lu ai ga rai nga ai,” nga nna tsun ai.

SHINGRAN 21:5 ပူးပေါင်းရင်းမြစ်များ

ESAIA 42:9

Yu mu, shawng hkaw ai lam ni byin wa sai; lam ningnan ni hpe ya ngai tsun nngai; garai n byin pru yang, ngai nanhte hpe tsun shana ya ni ai.

ESAIA 43:19

Yu mu, amu ningnan ngai galaw na nngai; ya pyi byin pru na ra ai; dai hpe nanhte n chye myit ni? Gaja wa, nam mali hkan e nmaw lam, hkraw hkun ai shara e hka nu hka shi, ngai shapraw na we ai.

LUKA 5:38

Tsabyi nnan hpe shanhpyi ndum nnan hta bang na rai nga ai.

2 KORINHTU 5:17

Hkristu hta e marai langai ngai rai nga ai teng yang gaw, shi gaw ningnan hpan da ai wa rai nga ai; dingsa hte gaw lai mat wa sai, yu mu, dai hte gaw ningnan tai wa sai.

HEBRE 12:27

Lang mi naw, nga ai ga a lachyum gaw, n shamu n shamawt lu ai arai ni gaw dinggrin anga nga u ga, shamu shamawt lu ai arai ni hpe galaw da ai arai ni hpe zawn, yeng kau na nga ai, rai nga ai.

SHINGRAN 1:11

Hpung sanit hpang de shagun dat u, nga nna nye a shingdu de hpahtau zawn ngoi ai nsen kaba ngai na nngai.

SHINGRAN 1:19

Dai re ai majaw, nang mu lu sai hpe mung, ya nga nga ai hpe mung, htawm hpang e du na ra ai lam hte hpe mung, ka da u:

SHINGRAN 19:9

Bai, dai lamu kasa gaw, “Dai Sagu Kasha a hkungran ai poi de shaga la hkrum ai ni gaw, a lu ma ai,” ngu nna ka da u, nga nna mung, “Ndai ga gaw Karai Kasang a tengman ai mungga rai nga ai, nga nna mung,” ngai hpe tsun nngai.

SHINGRAN 20:11

Bai, galu kaba ai tingnyang ahpraw mung, dai hta e dung nga ai wa hpe mung, ngai mu nngai; shi a myi man kaw na aga hte lamu gaw hkoi mat wa nna, dai yan a matu nga shara n nga mat ai.

SHINGRAN 22:19

ndai laika hta rawng ai myihtoi ga hta na shaw kau ai wa kadai hpe mung, ndai laika hta ka da ai asak jahkrung ai hpun hte chyoi pra ai mare kaw na, shi hte seng ai wunli wun-gau hpe, Karai Kasang shaw kau ya na ra ai.

SHINGRAN 22:6

Bai shi gaw, “Ndai ga gaw kangka re ai ga, tengman ai ga rai nga ai: myihtoi ni a wenyi ni hpe up ai Madu Karai Kasang gaw, ahkying ladaw gade n na yang byin wa na ra ai lam ni hpe, shi a shangun ma ni kaw madun dan na matu, shi a lamu Kasa shangun dat nu ai.”

SHINGRAN 4:2

Dai hte tsun ngut ai shaloi jang, wenyi hta ngai nawng mat wa nngai; shaloi, yu u, sumsing lamu hta e tingnyang dung nga ai rai nna, dai tingnyang hta marai langai mi dung nga ai.

SHINGRAN 4:9

Dai dusat amyu mali gaw, tingnyang hta dung ai htani htana prat dingsa ahkrung nga ai wa kaw, hpung shingkang, arawng sadang hte chyeju jaw ma ai shaloi e,

SHINGRAN 5:1

Bai, tingnyang hta dung nga ai wa a hkra lata hta, kata e mung ntsa e mung ka da nna, dazik sanit hte shakap da sai laika shabawn hpe ngai mu nngai.