SHINGRAN 21:4 - Jinghpaw Hanson Version Bible

⁴ shi gaw shanhte a myi hta na myi prwi pru mapru katsut kau ya na ra ai: htawm hpang e si hkrung si htan n nga lu na sai; sharung shayawt ai, hkrap ngu hkrap ngoi ai, hki si ba si ai mung, n nga lu na sai: shawng na lam nga manga hte gaw lai mat wa sai” nga nna tsun ai, ngai na nngai.

Jinghpaw Common Language Bible 2009

⁴ Shi gaw shanhte a myi hta na myi prwi pru mapru yawng katsut kau ya na ra ai: htawm hpang de si hkrung si htan ngu ai n nga lu na sai; sharung shayawt, hkrap ngu hkrap ngoi ai hte machyi makaw, hki si ba si ai mung n nga lu na sai. Shawng na byin ga ai lam dingsa nga manga hte gaw hkoi mat wa sai,” nga nna tsun ai.

SHINGRAN 21:4 ပူးပေါင်းရင်းမြစ်များ

SHAKAWN KUNGDAWN 144:4

Masha wa gaw nbung hte bung nga ai. Shi a nhtoi ni lai mat wa ai shingnip zawn rai nga lu ai.

ESAIA 25:8

Shi gaw si hkrung si htan hpe mayu kau nu ai; Madu Yehowa gaw myi man shagu a myi prwi katsut kau na ra ai; shi a amyu hkrum ai kaya kahpa hpe mung, ga ntsa ting na shaprai kau na ra ai: dai lam Yehowa tsun da sai.

ESAIA 30:19

Yerusalem mare na Ziun bum ntsa e shanu nga ai amyu e, nang gaw htawm hpang de hkrap sa na, n rai; nang jahtau ai nsen majaw, shi teng teng gaja wa nang hpe matsan dum na ra ai; dai nsen hpe na jang, shi htan na ra ai.

ESAIA 35:10

Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.

ESAIA 51:11

Shing rai, Yehowa a lata hte hkye mawai la hkrum ai ni bai wa nna, Ziun bum de mahkawn mangoi let du na mara ai: shanhte a baw ntsa e, prat dingsa na kabu gara ai gaw, mara nga na ra ai; shanhte gaw sharawng awng nna, ngwipyaw ai lu la na mara ai; yawn hkyen ai hte madai ai gaw hkoi mat na ra ai.

ESAIA 60:20

Ya kaw nna na a ajan shang na n rai, na a shata mung, si na n rai: Yehowa gaw na a htani htana nhtoi tai nna, nang sharung shayawt ai nhtoi ni lai mat sai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

YEREMIA 31:12

Shing rai shanhte gaw, Ziun bum pungding e sa mahkawn mangoi nna, Yehowa chyeju ngu ai, nai man, tsabyi jahku, sau, sagu kasha hte dumsu kasha lu la na matu zuphpawng na mara ai: shanhte a myit masin gaw, ntsin jaw ai sun zawn rai nga nna, shanhte htawm hpang de hpa yawn hkyen hkrum na n rai.

YEREMIA 31:13

Dai shaloi e mahkawn ni ka gumlawt let kabu nna, shabrang ni hte dingla ni rau pyaw na mara ai: shanhte a sharung shayawt ai a malai, kabu gara ai, ngai shatai na nngai; ngai shanhte hpe shangwi shapyaw nna, shanhte yawn hkyen hkrum ai hta kabu shangun na nngai.

HOSEA 13:14

Shing rai ngai gaw shanhte hpe katsan ga de na mawai la na rai ni? si hkrung si htan kaw na, gare la na rai ni? Si hkrung si htan e, na a ana zinli, kanang nga a ta? Katsan ga e, nang shapraw ai tsin-yam tsindam, kanang nga a ta? myit malai na lam, ngai n mu nngai.”

MAHTE 24:35

Sumsing lamu hte ginding aga lai mat wa timung, nye a ga gaw n lai mat na li ai.

1 KORINHTU 15:26

Hpang chyahtum na hpyen wa ngu ai, si hkrung si htan gaw, yeng kau ai hkrum na ra ai.

1 KORINHTU 7:31

ndai mungkan ga hpe sung ai ni gaw, grai wa n sung nga ai zawn, rai wa manu ga; kaning rai nme law, ndai mungkan ga a amawn asam gaw lai mat wa nga ai.

2 KORINHTU 5:17

Hkristu hta e marai langai ngai rai nga ai teng yang gaw, shi gaw ningnan hpan da ai wa rai nga ai; dingsa hte gaw lai mat wa sai, yu mu, dai hte gaw ningnan tai wa sai.

2 KORINHTU 6:17

Dai rai nna, Shanhte a ka-ang na pru nhtawm, Kaga lak lak rai wa mu, nga nna dai Madu tsun nga ai. Awu asin re ai hpe hkum hkra mu, Shaloi ngai nanhte hpe hkap la na made ai.

HEBRE 12:27

Lang mi naw, nga ai ga a lachyum gaw, n shamu n shamawt lu ai arai ni gaw dinggrin anga nga u ga, shamu shamawt lu ai arai ni hpe galaw da ai arai ni hpe zawn, yeng kau na nga ai, rai nga ai.

2 PETRU 3:10

Dai Madu a nhtoi chyawm gaw, lagu lagut zawn du na ra ai; dai nhtoi hta e sumsing lamu ni kadu ai nsen hte lai mat wa nna, arai guji guyang ni, kahtet lai ai hte krawp ayai mat wa nna, aga hte dai hta e nga ai yawng mayawng hte gaw, hkru hkat mat na ra ai.

1 YAWHAN 2:17

Dai dinghta ga hte de a marin ai lam chyawm gaw, lai mat lu ai rai timung, Karai Kasang a myit ai hku hpe hkan galaw ai wa gaw, htani htana e anga nga ai.

SHINGRAN 20:13

Shaloi nammukdara gaw tinang hta rawng ai, masha chyasi ni hpe bai ya wu ai; si hkrung si htan hte katsan ga mung, tinang ni hta rawng ai chyasi ni hpe bai ya mu ai; masha langai hte langai gaw tinang a arawn alai hte maren, tara dawdan ai hkrum ma ai.

SHINGRAN 20:14

Shaloi si hkrung si htan hte katsan ga gaw, dai wan nawng hta jahkrat bang kau ai hkrum ma ai: dai wan nawng gaw lahkawng lang na si lam rai nga ai.

SHINGRAN 21:1

Shaloi, sumsing lamu ningnan, ginding aga ningnan, ngai mu nngai; shawng na lamu hte shawng na aga gaw lai mat wa sai: nammukdara mung dai kaw nna n nga sai.

SHINGRAN 22:3

Dagam dala ngu ai hpa mung htawm hpang n nga na ra ai; Karai Kasang hte Sagu Kasha a tingnyang gaw, dai mare kata e anga nga na ra ai rai nna, shi a shangun ma ni shi hpe daw jau na mara ai:

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.