SHINGRAN 21:27 - Jinghpaw Hanson Version Bible

²⁷ Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.

Jinghpaw Common Language Bible 2009

²⁷ Rai ti mung, awu asin re ai hpa mung dai mare de shang lu na n rai. Matsat shabat awu asin amu galaw ai wa, masu magaw lam hkan ai wa mung dai mare hta galoi mung shang lu na n rai. Sagu Kasha a asak laika hta amying ka lawm ai ni chyu sha dai mare hta shang lu na mara ai.

SHINGRAN 21:27 ပူးပေါင်းရင်းမြစ်များ

SHAKAWN KUNGDAWN 101:8

N hkru ai amu galaw ai ni nlang hte hpe, Yehowa a mare na jahkoi kau na, Dai mung na tara n lang ai ni yawng hte hpe, Ngai jahpawt shagu atsai awai di kau na mawe ai.

PRU MAT 32:32

rai timung, shanhte a yubak dat kau mayu yang gaw, dat kau ya u; dai n rai yang gaw, nang ka da ai laika hta na nye mying mung arut kau ya e law,” ngu nna hpyi wu ai.

ESAIA 35:8

Dai shara e, ningmaw lam mung, lam masun mung, hku na ra ai rai nna, dai hpe, Chyoi pra ai lam ngu na maru ai; n san n seng ai ni dai hku lai sa lu na n rai; bawng lawt ai ni hkrai sa lu nna, dai lam hkan ai ni hta angawk ai wa pyi, lam yit na n rai.

ESAIA 52:1

Ziun e, hprang u, hprang u, na a n-gun atsam dagraw u; chyoi pra ai mare Yerusalem e, na a tsawm htap ai hpun palawng hpe mawn sumli u: kaning rai nme law, ya kaw nna matu n gadoi ai hte n san n seng ai wa kadai mung, nang kaw shang lu na n rai.

ESAIA 60:21

Na a amyu masha ni gaw, hkum ting dinghpring ai ni, tai na mara ai; ngai gaw arawng sadang lu la na matu, shanhte gaw, ngai hkai da ai bawng, nye lata shabyin ai amu ngu ai mungdan hpe, prat dingsa madu na mara ai.

EZEKELA 44:9

Madu Yehowa ning nga ai: Israela kashu kasha ni hta hkran ai, myit masin mung, ashan mung, matu gadoi n hkam ai tsasam masha kadai mung, nye a chyoi pra ai shara hta shang lu na n rai.

YOELA 3:17

Shing rai, nye a chyoi pra ai Ziun bum ntsa e shanu nga ai, nanhte a Karai Kasang Yehowa, ngai rai nga ai hpe, nanhte chye lu na marin dai: dai shaloi e Yerusalem mare chyoi pra ai shara tai nna, tsasam masha ni dai mare hpe htawm hpang de kabye lu na, n rai.

JAW JAU 13:46

Ana dai, n mai dingsa gaw shi hta awu asin arai nga ai: shi gaw n san n seng rai nga ai: shi hkrai nga nga na rai nna, shi a nga shara gaw dap shinggan e rai na rai nga ai.

ZEHKARIA 14:21

Dai hta n-ga, Yerusalem mare hte Yuda mung hta nga ai di ni yawng, Zaw nawng zaw wa up ai Yehowa a matu, chyoi pra na ra ai; hkungga nawng ya ai ni yawng sa nna, dai di ni hpe la nhtawm, shan shadu na mara ai: dai shani kaw nna, Zaw nawng zaw wa up ai Yehowa a nta hta, Hkanani masha lawm sa na n rai.

BU HKAWM 12:15

Shing rai, Miriam hpe dap shinggan e sanit ya tup tawn da kau mu ai; Miriam dap de garai n shang dingsa amyu masha ni mung bu n hkawm ai nga nga ma ai.

BU HKAWM 5:3

dap shinggan e shapraw da mu, ngu nna Israela kashu kasha ni hpe hkang dat u,” ngu wu ai.

MAHTE 13:41

Dai masha kasha gaw shi a lamu kasa ni hpe shangun dat na rai nna, shanhte gaw shi a mungdan hta na, myit kataw shangun ai baw hte tara hte n bung ai amu galaw ai ni nlang hte hpe, lata shaw la nhtawm, wan htung hta kabai bang da na maru ai:

MARKU 7:2

shi a sape nkau mi, lata n shin kau ai, awu asin ngu ai hte shat sha nga ma ai hpe, mu hkrup da mu ai.

LUKA 10:20

Rai timung, nat ni nanhte a ga madat ma ai majaw, hkum kabu myit; nanhte a amying sumsing lamu hta ka da nga ai majaw she, kabu nga mu,” ngu nna shanhte hpe tsun mu ai.

EHPESU 5:5

Kaning rai nme law, hpye ai wa, n san n seng ai wa hte, gawngngu sumla nawku ai wa rai nga ai nammak lawhpa ai wa kadai rai timung, Hkristu yan Karai Kasang a mungdan hta sali wunli hpe n lu nga ai gaw, nanhte nan chye na myit dai.

HPILIPI 4:3

Nye a nrum ntau majing e, dai num yan hpe hkap tau la na, ngai nang hpe mung hpyi nngai; shan gaw Klemen hte, asak jahpan laika hta tinang a amying lawm ai nye a shingdep shingtau shaje ni hte, dai kabu gara shiga hta, ngai hte rau bungli galaw ma ai.

1 TIMOHTI 1:10

hpye ai amu galaw ai ni, la shada tam ai ni, masha hpe lagu ai ni, masu magaw ga tsun ai ni, masu dagam ai ni hte san seng ai sharin shaga ai ga hte nhtan shai ai lam kaga naw nga a yang gaw, de a matu mara jep ai tara tawn da nga ai:

HEBRE 12:14

Masha yawng mayawng hte ngwipyaw lu hkra mung, chyoi pra ai hpe dep lu hkra mung, hkan tam nga mu; chyoi pra ai n rawng yang gaw, kadai mung dai Madu hpe mu lu na n rai.

2 PETRU 3:13

Shing rai byin wa timung, shi a ga ndat majaw, dinghpring rawng ai sumsing lamu nnan hte ginding aga nnan hpe, anhte myit mada nga ga ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying n ka lawm ai mungkan masha nlang hte gaw, dai matse labye hpe nawku na mara ai.

SHINGRAN 20:12

Si mat wa ai ni mung kaji kaba dai tingnyang a man e tsap nga ma ai hpe, ngai mu nngai; shaloi laika ni hpe hpaw tawn nga ai: asak laika ngu ai laika kaga hpe mung hpaw tawn nga ai: si mat wa sai ni gaw, tinang a arawn alai hte maren, laika ni hta ka da ai hku hkan nna, tara dawdan ai hkrum ma ai.

SHINGRAN 20:15

Asak laika hta amying n lawm ai wa kadai mung, dai wan nawng hta jahkrat bang kau ai hkrum nga ai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

SHINGRAN 3:5

Dang lu ai wa gaw, ning re ai hpun palawng ahpraw bu hpun lu na ra ai; shi a amying hpe dai asak laika hta na ngai gaja wa shaprai kau ya na n rai; dai wa a amying hpe nye Wa a man e mung, shi a lamu kasa ni a man e mung, ngai shadan ya na we ai.