SHINGRAN 21:23 - Jinghpaw Hanson Version Bible

²³ Dai mare e htoi ya na matu ajan mung, shata mung, n ra nga ai: Karai Kasang a hpung shingkang dai mare hpe jahtoi ya nna, Sagu Kasha gaw de a pyengdin rai nga ai.

Jinghpaw Common Language Bible 2009

²³ Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.

SHINGRAN 21:23 ပူးပေါင်းရင်းမြစ်များ

SHAKAWN KUNGDAWN 84:11

Yehowa Karai Kasang ajan hte n-gang rai nga ai, Yehowa gaw chyeju hte arawng sadang jaw lu ai; Dingman ai hku hkan ai ni hpe, shi kaja ai hpa mung ndang na n rai.

ESAIA 2:10

Yehowa a daru magam hte shi a hpung shingkang dan hkung ai a majaw, lungpu de shang nna, ga nhpu hta makoi nga u.

ESAIA 2:19

Yehowa gaw ginding aga hpe ashun awam dat na nga, shi rawt wa yang, shi a hkrithpa hte dan hkung nga ai hpung shingkang majaw, masha ni gaw lungpu ni hte ginlawng hku ni hta shang na mara ai.

ESAIA 2:21

gaja wa, ginding aga hpe ashun awam dat na nga, Yehowa rawt wa yang, shi a hkrithpa hte dan hkung nga ai hpung shingkang majaw, masha ni gaw sharut n-gam hte lungbra re ai shara de shang na mara ai.

ESAIA 24:23

Dai shaloi e shata gaw mak mat nna, ajan gaw kaya kahpa hkrum na ra ai; kaning rai nme law, Zaw nawng zaw wa up ai Yehowa gaw Ziun bum ntsa Yerusalem mare hta up nga nna, shi a salang ni a man e arawng sadang dan hkung nga na ra ai.

ESAIA 30:26

Dai hta n-ga, Yehowa gaw, shi amyu a nma hpe kayawp nna, shanhte a hkala nba hpe shamai shatsai ai shani e, shata a nhtoi gaw jan a nhtoi zawn, jan a nhtoi gaw, myi na hta, htam sanit htoi na ra ai.

HABAKU 3:3

Karai Kasang gaw Teman mung kaw na, Chyoi pra ai Wa gaw Paran bum na, paw pru wa ai. [Selah.] Shi a hpung shingkang gaw, sumsing lamu hpe ka-up nna. Ginding aga gaw shi hpe shakawn ai lam hte hpring nga ai.

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

MARKU 8:38

Kaning rai nme law, ndai shut hpyit ai hte yubak kap ai amyu hta e, ngai hte ngai tsun ai mungga hpe kaya nga ai wa kadai mung, dai Masha Kasha gaw shi a Kawa a hpung shingkang hte chyoi pra ai lamu kasa ni hte nawng du sa wa yang, dai wa hpe kaya kau na ru ai.

LUKA 2:32

Na amyu Israela a hpung shingkang matu rai nga ai, Na a hkye hkrang la ai lam hpe, nye a myi hte chyaw ngai mu lu se ai,” nga nna tsun ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 1:18

Karai Kasang hpe gade e muk galoi mung n mu yu ai; Kawa a lahpyen e rawng nga ai Kasha shingtai gaw, Karai Wa a hkum shadan dan nu ai.

YAWHAN 1:4

Shi hta asak daju rai nga ai; dai asak gaw masha ni a nhtoi rai nga ai.

YAWHAN 1:9

Mungkan ga de sa nga let, masha nlang hte hpe jahtoi ya ai nhtoi majing chyawm gaw, nga nga sai.

YAWHAN 17:24

“Wa e, gingding aga garai n lat kaw nna, nang ngai hpe tsawra nga ndai majaw, nang ngai e jaw ai hpung shingkang hpe, ngai hpe jaw da ai ni mung mada mu lu mu ga, ngai nga ai shara e shanhte ngai hte rau nga nga lu na hpe, ngai ra nga nngai.

YAWHAN 5:23

Kasha wa hpe n hkungga ai wa gaw, shi e shangun dat ai Kawa hpe mung n hkungga ai rai nga ai.

KASA 22:11

Dai htoi kabrim ai shingkang a majaw ngai myi nmu mat yang, ngai kaw hkan nang ai ni nye a lata dun let, Damasku mare de ngai shang wa nngai.

SHINGRAN 14:4

Dai ni gaw numsha hte awu asin n rai yu ai ni rai nga ma ai; shanhte gaw hkawn jet zawn rai nga ma ai; shanhte gaw Sagu Kasha sa wa ai shara shagu de hkan nang ai ni rai nga ma ai; dai ni gaw, Karai Kasang a matu mung, Sagu Kasha a matu mung, shawng si ai asi tai mu ga nga, shinggyim masha ni hta na mari la ai ni rai nga ma ai:

SHINGRAN 18:1

Dai hte a hpang e lamu kasa kaga gaw sumsing lamu de na yu wa ai, ngai mu nngai; shi gaw ahkang aya kaba lu nna, lamu ga gaw shi a hpung shingkang hte htoi ala nga ai.

SHINGRAN 21:11

Dai mare a htoi tu ala ai gaw, pat zawn san seng nna, hpu la ai nagahtoi lungseng hte bung nga ai:

SHINGRAN 21:25

Dai mare chyinghka ni hpe shani e galoi n la da yu ai; dai yang e shana mung n nga ai.

SHINGRAN 22:5

Htawm hpang e shana mung n nga na ra ai; pyengdin a ahtoi mung, jan a nhtoi mung shanhte n ra ma ai: kaning rai nme law, dai Madu Karai Kasang gaw shanhte hpe ahtoi jaw na wu ai; dai hta n-ga, shanhte gaw htani htana prat dingsa up nga lu na mara ai.

SHINGRAN 5:6

Shaloi, dai tingnyang hte dusat amyu mali a ka-ang e mung, dai salang ni a ka-ang e mung sat kau hkrum sai nsan ai Sagu Kasha langai mi tsap nga ai hpe, ngai mu nngai; dai Sagu Kasha gaw nrung sanit hte myi sanit tu nga ai; dai myi sanit gaw, dinghta ga ting hproi hkra shangun dat ai, Karai Kasang a wenyi sanit rai nga ai.

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.