SHINGRAN 21:22 - Jinghpaw Hanson Version Bible

²² Dai mare kata e nawku Htingnu ngai n mu nngai; kaning rai nme law, Chyahtum chyalai n-gun rawng ai Madu Karai Kasang hte Sagu Kasha gaw, dai mare a nawku Htingnu rai nga ai.

Jinghpaw Common Language Bible 2009

²² Dai mare kata e nawku htingnu ngai n mu nngai, hpa majaw nga yang, Chyahtum Chyalai n-gun atsam rawng ai Madu Karai Kasang hte Sagu Kasha gaw, dai mare a nawku htingnu rai nga ai.

SHINGRAN 21:22 ပူးပေါင်းရင်းမြစ်များ

1 HKAWHKAM 8:27

“Karai Kasang gaw ga ning tsa e gaja wa teng teng shanu nga lu na kun? Yu u, sunsing lamu hte sumsing lamu ni a sumsing lamu gaw, nang hpe sharawng da lu na n rai; dai rai yang, ngai gaw da ai hta nang kaning rai rawng lu na n hka!

2 HKAWHKAM LABAU 2:6

Sumsing lamu hte sumsing lamu ni a sumsing lamu gaw, shi hpe n rawng da lu ai rai yang, shi a matu nta galaw na, kadai wa rai nga a ta? shi a man e manam pyaw ai baw nat nawng na hta kaga, shi a matu nta galaw na, ngai hpa wa mi rai nga n hka?

2 HKAWHKAM LABAU 6:18

Karai Kasang gaw, shinggyim masha hte rau ga ntsa e gaja wa teng teng shanu nga lu na kun? yu u, sumsing lamu hte sumsing lamu ni a sumsing lamu gaw nang hpe rawng da lu na n rai: dai rai yang, ngai gaw da ai nta hta, nang kaning rai rawng lu na n hka!

ESAIA 66:1

Yehowa gaw ning nga ai: Sumsing lamu gaw nye a tingnyang, ginding aga gaw nye lagaw a kabye lahkum rai nga ai: nye a matu kaning re ai nta galaw na myit ta? ngai ban sa ai shara, kaning re ai shara rai na a ta?

MAHTE 24:2

Shi mahtang shanhte hpe, Ndai yawng hpe nanhte mada mu ai, n rai ni? Ngai nanhte hpe teng teng tsun made ga, Dai hpe e n run n hpya ai sha nlung langai mi a ntsa e langai mi muk n mara hkra rai mat na ra ai, ngu nna shanhte hpe tsun wu ai.

YAWHAN 10:30

Ngai hte nye Wa gaw langai sha rai nga ai,” ngu nna shanhte hpe htan mu ai.

YAWHAN 13:32

Karai Kasang gaw shi hkum nan Masha Kasha a hpung shingkang shapraw ya na wu ai: rai sa, gade n na yang shi hpe hpung shingkang shapraw ya na ra ai.

YAWHAN 4:21

Yesu gaw, “Numsha e, nye ga hpe kam u: ndai bum e mung n rai, Yerusalem mare e mung n re ai, Wa hpe nawku na aten gaw du na ra ai.

YAWHAN 4:23

Rai timung, tengman ai hku nawku ai ni gaw, wenyi hta mung, tengman ai hta mung, Wa hpe nawku na aten gaw, du wa ra ai rai nna, ya e pyi rai nga ai: Wa gaw shing rai nawku ai ni hpe tam nga ai.

KOLOSE 1:19

Kaning rai nme law, shi hta e hkum dinghkum rawng nga u ga, Kawa gaw sharawng awng nga ai rai nna,

KOLOSE 2:9

kaning rai nme law, Hkristu a gawng shingma hta Karai Wa a marai hkum sumhpa a shanu nga ai.

SHINGRAN 1:8

“Ngai gaw Alhpa mung rai nga nngai, Omega mung rai nga nngai,” nga nna ndai aprat e, moi na aprat e anga nga ai hte, htawm hpang du na ra ai wa, Chyahtum chyalai n-gun rawng ai Madu Karai Kasang gaw tsun nga ai.

SHINGRAN 11:17

“Ya aprat e, moi na aprat e dinggrin anga nga ai Chyahtum chyalai n-gun rawng ai Madu Karai Kasang e, nang gaw, na a daru magam ahkang dagraw nna a up nga ndai majaw, anhte nang hpe shakawn kungdawn ga ai:

SHINGRAN 14:4

Dai ni gaw numsha hte awu asin n rai yu ai ni rai nga ma ai; shanhte gaw hkawn jet zawn rai nga ma ai; shanhte gaw Sagu Kasha sa wa ai shara shagu de hkan nang ai ni rai nga ma ai; dai ni gaw, Karai Kasang a matu mung, Sagu Kasha a matu mung, shawng si ai asi tai mu ga nga, shinggyim masha ni hta na mari la ai ni rai nga ma ai:

SHINGRAN 15:3

Shanhte gaw Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi let, “Chyahtum chyalai n-gun rawng ai Madu Karai Kasang e, na a magam bungli gaw kaba htum ai hte mauhpa rai nga ai: Ju majat prat janat na Hkawhkam wa e, na a magam lam ni gaw dinghpring ai hte tengman ai hkrai rai nga ai;

SHINGRAN 16:14

dai ni gaw lamik kumla galaw dan nna, Chyahtum chyalai n-gun rawng ai Karai Kasang a nhtoi kaba shani na majan gasat na matu, mungkan ting na hkawhkam ni hpe jahpawng la na pru sa wa ai nat a wenyi ni rai nga ma ai.

SHINGRAN 16:7

Bai, dai tawn hkungri na mung, “Rai sa, Chyahtum chyalai n-gun rawng ai Madu Karai Kasang e, na a jeyang ai lam ni gaw tengman ai hte dinghpring nga lit dai law,” nga nna tsun ai, ngai na nngai.

SHINGRAN 19:15

Masha amyu baw ni hpe kahtam na matu, shi a n-gup hta na dai ai ntawng nhtu pru nga ai; shanhte hpe mung hpri sumdoi hte shi up na ra ai: Chyahtum chyalai n-gun rawng ai Karai Kasang a sindawng kahtet ai pawt bu ngu ai tsabyi htumbyen hta shi kabye shup nga ai.

SHINGRAN 4:8

Dai dusat amyu mali gaw singkaw kru hpra hpra tu nna, hkum grup e mung, kata e mung, myi hkrai pri rai nga ai: shanhte gaw shani shana n sim n na, ning nga, Moi na aprat e, ya na aprat e, htawm hpang na aprat e dinggrin anga nga ai, Chyahtum chyalai n-gun rawng ai Madu Karai Kasang gaw, chyoi pra, chyoi pra, chyoi pra a rai nga ai law, nga nna tsun nga ma ai.

SHINGRAN 5:6

Shaloi, dai tingnyang hte dusat amyu mali a ka-ang e mung, dai salang ni a ka-ang e mung sat kau hkrum sai nsan ai Sagu Kasha langai mi tsap nga ai hpe, ngai mu nngai; dai Sagu Kasha gaw nrung sanit hte myi sanit tu nga ai; dai myi sanit gaw, dinghta ga ting hproi hkra shangun dat ai, Karai Kasang a wenyi sanit rai nga ai.

SHINGRAN 7:15

Dai re ai majaw, shanhte gaw Karai Kasang a tingnyang man e ningngai nga lu ma ai hte, shi a nawku Htingnu hta shani shana shi hpe daw jau nga ma ai: tingnyang hta dung ai wa mung, shanhte a ntsa e shi a sum hpyan ka-up na ra ai.

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.