SHINGRAN 21:17 - Jinghpaw Hanson Version Bible

¹⁷ Bai, dai bunghku hpe shadawn wu yang, masha shadawn ai hte bung ai, lamu kasa a shadawn ai lam gaw, dawng latsa e mali rai nga ai.

Jinghpaw Common Language Bible 2009

¹⁷ Bai, dai bunghku hpe mung shadawn wu yang, masha a shadawn ai hte bung ai, lamu kasa a shadawn ai lam gaw pe 216 tsaw nga ai.

SHINGRAN 21:17 ပူးပေါင်းရင်းမြစ်များ

TARA JAHPRANG 3:11

(Kaning rai nme law, Rehpim ngu ai amyu hta na hkrat ai, Bashan hkawhkam Oga chyu sha ngam nga sai; yu u, shi a yup ku gaw hpri yup ku rai nga ai: dai gaw Amon kashu kasha ni a mung na Raba mare hta nga nga lu ai n rai ni? masha a dawng hku sawn yang, dai gaw galu de dawng jahku, nda de dawng mali rai nga ai.)

SHINGRAN 13:18

Nang e hpaji byeng-ya rawng nga ai; zai byeng-ya rawng ai wa gaw dai matse labye a nambat sawn chye u ga; dai nambat gaw masha langai mi a nambat rai nga ai; shi a nambat gaw kru tsa e kru shi kru rai nga ai.

SHINGRAN 14:3

Shanhte gaw, dai tingnyang man e mung, dusat amyu mali hte salang ni a man e mung, mahkawn ga ningnan zawn mahkawn mangoi nga ma ai: ga ntsa na mari la hkrum sai ni, ngu ai, masha sen mi mun mali e hkying mali hta kaga, dai mahkawn ga hpe kadai mung n sharin la lu ma ai.

SHINGRAN 21:16

Dai mare gaw njut mali rai nga nna, de a dingdung maga hte nda maga maren rai nga ai: shaloi dai mai-aw nren hte dai mare hpe shadawn wu yang, mai hkying mi sanit tsa manga shi daram rai nga ai: de a dingdung maga, nda maga hte tsaw de maren rai nga ai.

SHINGRAN 21:9

Shaloi, hpang jahtum na ari zinli hte hpring chyat re ai gawm sanit lang ai lamu kasa sanit hta na langai mi sa du nna, ngai hte ga tsun ai gaw, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga ai.

SHINGRAN 7:4

Shaloi dazik shakap hkam la ai ni hpe hti ai nambat ngai na nngai; Israela kashu kasha amyu yawng hta na sen mi mun mali e hkying mali dazik shakap ai hkam la masai;