SHINGRAN 21:15 - Jinghpaw Hanson Version Bible

¹⁵ Ngai hte ga tsun ai wa gaw, mare hpe mung, mare chyinghka ni hpe mung, de a bunghku hpe mung, shadawn na matu aja mai-aw nren lang nga ai.

Jinghpaw Common Language Bible 2009

¹⁵ Ngai hte ga shaga ai lamu kasa a lata hta, mare hpe mung, de a chyinghka lam ni hpe mung, de a bunghku ni hpe mung, shadawn na matu ja ningren langai mi lang da nga ai.

SHINGRAN 21:15 ပူးပေါင်းရင်းမြစ်များ

EZEKELA 40:3

Shi ngai hpe dai de woi wa nngai; shaloi, yu u, magri nsan ai wa langai mi dai yang e nga nga nna, shadawn na matu, shi a lata hta lachyit sumri hte mai-aw nren lang let, chyinghka lam makau e tsap nga ai.

ZEHKARIA 2:1

Bai ngai mada yu yang, yu u, shadawn sumri lang ai wa langai mi dan nga ai.

ZEHKARIA 2:2

Shaloi ngai gaw, “Nang gade sa n ta?” ngu nna shi hpe san we yang, shi gaw, “Yerusalem mare a dingdung dingda gade dam ai chye lu hkra, dai mare hpe shadawn na matu ngai sa nngai,” nga nna ngai hpe htan ai.

SHINGRAN 21:12

de a bunghku gaw galu kaba ai hte tsaw la nga ai: mare chyinghka shi lahkawng hpaw nga ai rai nna, dai chyinghka ni a ntsa e lamu kasa shi lahkawng sin nga ma ai: dai hta n-ga, Israela a kashu kasha amyu shi lahkawng ni a amying mung dai hta ka kap nga ai.

SHINGRAN 21:16

Dai mare gaw njut mali rai nga nna, de a dingdung maga hte nda maga maren rai nga ai: shaloi dai mai-aw nren hte dai mare hpe shadawn wu yang, mai hkying mi sanit tsa manga shi daram rai nga ai: de a dingdung maga, nda maga hte tsaw de maren rai nga ai.

SHINGRAN 21:21

Dai mare chyinghka shi lahkawng mung pale shi lahkawng rai nga ai; mare chyinghka langai hte langai, pale langai ngai rai nga ai: dai mare a nmaw lam gaw pat zawn tu san ai ja jet rai nga ai.

SHINGRAN 21:25

Dai mare chyinghka ni hpe shani e galoi n la da yu ai; dai yang e shana mung n nga ai.