SHINGRAN 21:11 - Jinghpaw Hanson Version Bible

¹¹ Dai mare a htoi tu ala ai gaw, pat zawn san seng nna, hpu la ai nagahtoi lungseng hte bung nga ai:

Jinghpaw Common Language Bible 2009

¹¹ Dai mare gaw Karai Kasang a hpung shingkang hte htoi tu nga ai. Dai mare a htoi tu ala ai gaw, pat zawn san tsawm nna, manu dan ai nagahtoi lungseng hte bung nga ai.

SHINGRAN 21:11 ပူးပေါင်းရင်းမြစ်များ

YOBA 28:17

Aja hte pat dai hte n bung nna, ja jet hte galaw ai gali lakai dai hte galai lu ai, n rai.

ESAIA 4:5

Yehowa gaw Ziun bum na nta ni hte de a shawa hpawng ni a ntsa e, shani e wan hkut sumwi, shana e htoi kabrim ai wan shinglet hpan da nna, de a arawng sadang yawng a ntsa e magap ka-up nga na ra ai.

EZEKELA 1:22

Dai dusat ni a baw ntsa e, hkrit na nsan ai, pat zawn re ai lamu madin din nga ai.

EZEKELA 1:26

Bai shanhte a baw lahta tsang, lamu madin ntsa e, nila lungseng nsan ai tingnyang hkrang dawng pru nga ai: dai tingnyang hkrang ntsa e mung, masha hkrang nsan ai wa langai mi dawng pru nga ai.

EZEKELA 28:16

Rai timung, na a law la ai hpaga majaw, kashun kashe amu hte nang hpring chyat nga nna, nang yubak galaw ndai; dai re ai majaw n san n seng ai wa hpe zawn, Karai Kasang a bum de na, ngai nang hpe kabai kau nngai: yawng hpe ka-up ai Hkerub e, htoi kabrim ai lungseng ni a ka-ang na, ngai nang hpe yeng kau nngai.

EZEKELA 43:2

yu u, Israela Karai Kasang a hpung shingkang gaw, sinpraw maga de na pru wa ai: shi a nsen gaw, hka law law wu kadu ai nsen hte bung nna, lamu ga gaw, shi a hpung shingkang hte htoi tu nga ai.

EZEKELA 48:35

Shing rai mare grup yin shadawn yang, nren mun mi hkying matsat rai na ra ai: dai shani kaw nna, dai mare hpe, Yehowa dung ai mare,” nga nna mying na ra ai.

SHINGRAN 15:8

Shaloi dai nawku Htingnu gaw Karai Kasang a hpung shingkang hte shi a atsam majaw wan hkut hpring ing nna, dai lamu kasa sanit a ari zinli garai n htum htum gaw, dai nawku Htingnu kata de kadai mung n shang lu ai.

SHINGRAN 22:1

Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.

SHINGRAN 22:5

Htawm hpang e shana mung n nga na ra ai; pyengdin a ahtoi mung, jan a nhtoi mung shanhte n ra ma ai: kaning rai nme law, dai Madu Karai Kasang gaw shanhte hpe ahtoi jaw na wu ai; dai hta n-ga, shanhte gaw htani htana prat dingsa up nga lu na mara ai.

SHINGRAN 4:3

Dung nga ai wa a ahpraw asam gaw, nagahtoi hte patemya lungseng zawn san nga ai rai nna, dai tingnyang grup yin e gaw, mya lungseng nsan ai n-goilatum jung nga ai.

SHINGRAN 4:6

bai, dai tingnyang man e, pat seng nsan ai nawng ing nga ai; dai tingnyang a kata e mung, grup yin e mung, shingdu aman grup ting myi tu ai dusat amyu mali nga nga ma ai.