SHINGRAN 20:9 - Jinghpaw Hanson Version Bible

⁹ Dai ni gaw lamu ga pang pat lung wa nna, chyoi pra ai ni a dap hte, dai tsawra ai mare hpe, wang nga ma ai: shaloi sumsing lamu de na wan hkrat nna, shanhte hpe hkru kau mu ai.

Jinghpaw Common Language Bible 2009

⁹ Shanhte gaw lamu ga pang pat yan kaput lung wa nna Karai Kasang a masha ni dap jung da ai dabang hte Madu tsaw ra ai mare hpe wang da nga ma ai. Rai ti mung sumsing lamu de na wan hkrat nna hkru jahten kau ai hkrum ma ai.

SHINGRAN 20:9 ပူးပေါင်းရင်းမြစ်များ

NINGPAWT NINGHPANG 19:24

Shaloi Yehowa gaw lamu de nna Sodom hte Gomora ntsa de kan hte grung ai wan jahtu dat wu ai:

2 HKAWHKAM 6:15

Ya Karai Kasang masha a hkringmang wa gaw jahpawt jau jau rawt nna pru wa yang, yu u, gumra hte hpyen leng ni rau luksuk hpung mi gaw dai mare hpe wang tawn nga ma ai rai nna, shi a shangun ma gaw, “Alaw, nye a madu e, an kaning rai na ga ta?” ngu nna tsun wu ai.

YOBA 38:18

Lamu ga dam lada ai hpe nang mada yu nit ni? Yawng mayawng hpe mu chye yang tsun u.

SHAKAWN KUNGDAWN 106:18

Shanhte a hpung hta e, wan nat mu ai rai nna, Wan nli gaw tara n lang ai ni hpe hkru kau mu ai.

SHAKAWN KUNGDAWN 87:2

Yehowa gaw Yaku a htingra ni nlang hte hta, Ziun bum na chyinghka ni hpe, grau tsawra wu ai.

SHAKAWN KUNGDAWN 97:3

Shi a man e wan hkawm nga nna, Shi a grup yin hkan na hpyen ni hpe hkru kau mu ai.

ESAIA 30:33

Kaning rai nme law, moi chyaloi nhkoi kaw nna, Tohpet shara hpajang da sai; gaja wa, hkawhkam wa a matu lajang da sai; dai shara hpe sung ai hte dam lada di nu ai; de a sumpum gaw wan hte hpun law law rai nga ai: Yehowa a nsoi nsa gaw, byawng mat ai kan zawn, dai hpe shachyi na ra ai.

ESAIA 37:36

Shing rai Yehowa a lamu kasa pru sa nna, Asuri masha ni a hpyen dap hta marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni nlang si mang rai nga ma ai.

EZEKELA 38:16

mungdan hpe sumwi ka-up ai zawn, nye a amyu Israela hpe lung gasat na ndai; shing rai, Goga e, maigan amyu ni a man e na a jaw e ngai shagrau sha-a ai hkrum ai shaloi, shanhte ngai hpe chye lu hkra, hpang jahtum ai aten e ngai nang hpe nye a mungdan de woi jashawn na nngai.”

EZEKELA 38:22

Ngai gaw ana zinli hte mung, sat kau ai hte mung, shi hpe dawdan na nngai; shi a ntsa e mung, shi a hpyen masha ni a ntsa e mung, sin kaba, wan hte kan, tung hkra jahtu na nngai.

EZEKELA 38:9

Nang gaw laru marang zawn lung wa nna, nang hte, nang hta lawm ai hpyen masha wunawng wuwa yawng hte hpawn, dai mungdan hpe sumwi zawn ka-up na marin dai.”

EZEKELA 39:6

Dai hta kaga ngai gaw, Magoga mung hte, zunlawng ni hta apyaw alaw shanu nga ai ni hpang de wan shangun dat nna, ngai Yehowa rai nga ai hpe, shanhte chye lu na mara ai.

MIHKA 2:13

Lam hpaw ai wa gaw, shanhte a shawng e lung wa sai; shanhte ru kabang wa ai hte, chyinghka de du nna, dai hku pru wa masai: shanhte a hkawhkam wa gaw, shanhte a shawng e sa wa nna, Yehowa gaw shanhte a baw rai nga ai.

HABAKU 1:6

yu mu, gumshem ai hte larau ladau nga nna, tinang a buga n re ai lamu ga hpe madu lu na matu, ga ntsa ting hta hproi hkawm ai Hkalde amyu masha ni hpe, ngai sharawt nngai.

BU HKAWM 11:1

Ya dai amyu masha ni gaw aput apai nga nna, Yehowa a na hta n shawp ai ga tsun ma ai: Yehowa dai na jang masin pawt bu nna, Yehowa a wan shanhte hta grung wa ai hte dap shingnawm e hkru mat wa ai.

BU HKAWM 16:35

Lawban nat nawng ai masha ni tsa e manga shi hpe mung, Yehowa kaw na wan pru nna hkru kau mu ai.

LUKA 17:29

rai timung, Lawt gaw Sodom mare na pru wa ai nhtoi hta, lamu na wan hte kan marang htu nna, nlang hte hpe yeng seng kau mu ai:

LUKA 19:43

Kaning rai nme law, nang hpang de kawan katsan yu sa ai aten ahkying hpe nang n dum n chye ndai majaw, nang hpe hpyen ai ni gaw na a grup yin e gaduk dap jung nna wang da let, nang hpe maga shagu pat shadang nhtawm,

LUKA 21:20

Yerusalem mare hpe hpyen luksuk ni hte wang kawan da ai hpe, nanhte mu myit yang chyawm gaw, dai mare hten bya na, ni wa ra ai gaw, dum chye mu.

LUKA 9:54

Sape Yaku yan Yawhan gaw dai mu jang, Madu e, shanhte hpe jahkru kau na, an gaw lamu de na wan shaga na, nang hkraw nga n ni? ngu mu ai.

TARA JAHPRANG 23:14

kaning rai nme law, na a Karai Kasang Yehowa, nang hpe hkye la nna, masha hpyen ni hpe na a lata hta ap kau na nga, na a dap e hkawm nga ai: dai re ai majaw nang kaw na n san n seng ai lama ma mu nna, nang hpe n koi kau da n ga gaw, na a dap chyoi pra nga na rai lit dai.

2 HTESALONI 1:8

nanhte hta nni nkri jahkrum ai ni hpe, nni nkri bai nhtang jaw na hte, nni nkri hkrum nga ai ni nanhte gaw, anhte hte rau ban sa ai nhtang jaw na ra ai. Karai Kasang a dingman ai hku rai nga lu ai.

HEBRE 13:13

Dai rai nna, anhte mung, shi hte rau aroi arip hkam let, dai dap shinggan shi hpang de pru sa wa saga.

SHINGRAN 11:5

Masha langai ngai shan hpe zingri mayu yang, shan a n-gup hta na wan pru nna, hpyen ni hpe hkru kau na mu ai; marai langai ngai mung shan hpe zingri mayu yang, shing re ai hte sat kau ai shi hkrum lu na ra ai.

SHINGRAN 13:13

Dai hta kaga, shi gaw masha ni a man e lamu de nna ga ntsa de wan pyi jahkrat lu hkra, lamik kumla kaba galaw dan nga ai.