SHINGRAN 20:8 - Jinghpaw Hanson Version Bible

⁸ lamu ga njut mali na Goga hte Magoga ngu ai masha amyu baw ni hpe hkalem la nna, majan gasat na matu jahpawng la na, pru sa wa na ra ai; shanhte a nambat gaw nammukdara zaibru daram law nga ai.

Jinghpaw Common Language Bible 2009

⁸ Mungkan ting chyam bra nga ai Goga hte Magoga ngu ai masha amyu ni yawng hpe hkalem na matu pru sa wa na ra ai. Satan gaw hpyen gasat na matu panglai na zaibru daram law ai shi a masha ni hpe jahpawng da na ru ai.

SHINGRAN 20:8 ပူးပေါင်းရင်းမြစ်များ

1 HKAWHKAM 4:20

Ya Yuda hte Israela amyu masha ni gaw, nammukdara makau na zaibru zawn law ma ai hte, lu lu sha sha let pyaw pyaw nga ma ai.

2 HKAWHKAM LABAU 18:21

dai wenyi gaw, Ngai pru nna shi a myihtoi ni mahkra a n-gup hta masu ai wenyi tai na nngai, ngu nna htan wu ai. Yehowa mung, Nang shi hpe lau lu na wu ai: dai hku sa galaw su, ngu dat wu ai.

ESAIA 10:22

Israela amyu e, na a masha ni gaw nammukdara zaibru daram law nga timung, madat dingsat chyu sha nhtang wa na ra ai: dinghpring ai hte tawn da sai dawdan ai lam dik wa na ra ai.

YEREMIA 33:22

Sumsing lamu na zaw nawng zaw wa ni hpe n hti yu lu ai hte, nammukdara zaibru hpe n hteng yu lu ai zawn, nye shangun ma Dawi a aru arat hpe mung, nye a man e daw jau nga ai Lewi masha ni hpe mung, ngai shalaw jahtam na we ai, nga ai.

EZEKELA 38:1

Bai Yehowa mungga ngai kaw du nna,

EZEKELA 38:2

“Masha kasha e, Rosha, Meshek Tubala mung ni a du, Magoga masha Goga hpang de myi man yawng nna, myihtoi htoi let htawn tsun u;

EZEKELA 39:1

Nang gaw, “masha kasha e, myihtoi htoi let Goga hpe htawn tsun u, ‘Madu Yehowa ning nga ai: Yu u, Rosha, Meshek, Tubala du Goga e, ngai nang hpe hkap daw na nngai:

EZEKELA 39:6

Dai hta kaga ngai gaw, Magoga mung hte, zunlawng ni hta apyaw alaw shanu nga ai ni hpang de wan shangun dat nna, ngai Yehowa rai nga ai hpe, shanhte chye lu na mara ai.

HEBRE 11:12

Dai re ai majaw, la chyasi zawn re ai wa langai hta na sha, sumsing lamu a shagan ni hte, nammukdara makau na n dang hti ai zaibru made, law htam wa ai kashu kasha ni pra wa masai.

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.

SHINGRAN 16:14

dai ni gaw lamik kumla galaw dan nna, Chyahtum chyalai n-gun rawng ai Karai Kasang a nhtoi kaba shani na majan gasat na matu, mungkan ting na hkawhkam ni hpe jahpawng la na pru sa wa ai nat a wenyi ni rai nga ma ai.

SHINGRAN 20:10

Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 20:3

dai shaning hkying mi garai n lai ai laman e, masha amyu baw ni hpe n hkalem kau lu u ga, dai sung htum ai shara kata de shi hpe jahkrat bang da nna, dai shara hpe la da ai hte de a ntsa e dazik shakap da wu ai: dai shaning hkying mi lai jang, ladaw mi sha shi hpe naw raw dat na rai nga ai.

SHINGRAN 7:1

Dai hpang lamu kasa mali gaw, lamu ga a njut mali hta tsap nga nna, ga ntsa e mung, nammukdara ntsa e mung, hpun magup a ntsa e mung, nbung n bung lu u ga, ga man mali maga de na nbung ni hpe manat shadang da nga ma ai gaw, ngai mu nngai.

TARA AGYI 7:12

Ya Midian masha ni, Amalek masha ni hte sinpraw hkran masha ni nlang hte gaw, dai kadit e but nga nna, dinggam-yaw zawn law nga ma ai: shanhte gawla-uk ni mung, nammukdara zaibru made hti n dang hkra law nga malu ai.

1 SAMUELA 13:5

Shaloi Hpilisti masha ni gaw Israela masha ni hpe gasat na nga, hpyen leng mun masum, gumra hpyen hkying kru hte, nammukdara zaibru zawn law ai masha hpe jahpawng la nna, rawt sa wa nhtawm, Bet-awen sinpraw maga Mikmasha e dap jung ma ai.