SHINGRAN 20:2 - Jinghpaw Hanson Version Bible

² Shi gaw Nat hte Satan rai nga ai, moi na lapu ngu ai baren numraw hpe rim la nna, shaning hkying mi du hkra, sharen da na matu, gyit hkang da wu ai:

Jinghpaw Common Language Bible 2009

² Shi gaw, dai Nat Satan rai nga ai, moi na lapu ngu ai baren numraw hpe rim la nna, shaning hkying mi du hkra sharen da na matu gyit hkang wu ai.

SHINGRAN 20:2 ပူးပေါင်းရင်းမြစ်များ

NINGPAWT NINGHPANG 3:1

Ya dai lapu gaw, Yehowa Karai Kasang galaw ai nam mali na dusat nhprang mahkra hta hpaji grau rawng nga ai. Shi gaw dai numsha hpe, “Ndai sun hta tu ai hpun mahkra hta na, nan n sha lu na rai myit dai, nga nna Karai Kasang gaja wa tsun a ni?” Ngu nna san wu ai.

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

YOBA 1:7

Shaloi Yehowa gaw Satan hpe, “nang gade nna du pru n ta?” Ngu nna san wu ai. Satan gaw, “ga ntsa e htinglet hkawm nna, le nang wonang jawt du ai kaw na pru nngai,” ngu nna Yehowa hpe htan wu ai.

ESAIA 24:22

Bawng dung ai ni hpe htawng hta sharawng da ai hte maren, shanhte hpe shinggyin la nna, htawng hta sharawng da nhtawm, nhtoi law law lai jang, shi shanhte hpe ari jaw na ra ai.

ESAIA 27:1

Dai shani e, Yehowa gaw, shi a ja la ai, galu kaba nna n-gun ja ai nhtu hte, lawan chye a baren lapu hte magyi magaw re ai baren lapu hpe, kawan katsan yu nna, nammukdara e, rawng ai numraw hpe sat kau na ra ai.

EZEKELA 47:5

Bai dawng hkying mi shadawn yang, ngai n rap lu ai hka nu tai wa sai: hka gaw tung wa nna, lagaw hte n rap lu ai majaw, hpung-yawt rap ai hka nu tai nga ai.

MAHTE 19:29

Nye amying a matu mara, nta, kahpu kanau, kajan, kanu kawa, kashu kasha hte yi hkauna hte hpe kau da ai wa kadai rai timung, htam law law wa lu la nna, htani htana asak a sali wunli hkam la na ru ai.

MAHTE 8:29

Shan gaw, “Karai Kasang a Kasha e, an nang hte hpa seng nga ga ta? aten garai n du yang, an hpe zingri na nang sa du rin ni?” ngu nna jahtau mu ai.

MARKU 4:15

Lam makau e mungga hpe gat da nna, taw nga ai hte chyawm gaw, dai mungga hpe na la ai shaloi jang, Satan gaw sa du nna, shanhte hta gat da ai mungga hpe shaw la kau ai ni hpe, ang nga ai.

MARKU 5:7

Nang ngai hpe n zingri n ga, Karai Kasang hta, ngai nang hpe dagam de ai,” ngu nna nsen kaba hte jahtau wu ai.

YAWHAN 12:31

Ndai mungkan ga gaw, ya jeyang ai hkrum nga ai, ndai mungkan Du wa gaw, ya shinggan de shaden kau ai, hkrum na rai wa sai.

YAWHAN 16:11

tara jeyang ai lam dawdan da na gaw, ndai mungkan ga a Du wa tara jeyang hkrum sai majaw, rai na rai nga ai.

ROMA 16:20

Ngwipyaw ai a npawt Karai Kasang gaw, gade n na yang, nanhte a lagaw npu e Satan hpe kabye arin na ra ai. Anhte a Madu Yesu a chyeju gaw nanhte hte rau anga nga u ga law,

HEBRE 2:14

Dai re ai majaw, kashu kasha ni asai ashan hkan dagraw ai zawn, shi mung, si lam up ai wa ngu ai Nat wa hpe shabyak kau lu na hte,

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.

2 PETRU 2:4

Kaning rai nme law, Karai Kasang gaw yubak galaw kau ai lamu kasa ni hpe pyi lahpawt lama n di ai sha, ngarai mung de jahkrat kau mu ai rai nna, tara dara ai nhtoi du hkra shanhte hpe rim da let, chyang htat ai nsin sin ai nhkun hta e rawng da mu ai hte;

YUDA 1:6

bai shi gaw tinang a aya hpe hprai kau nna, tinang nang a buga kau da ai lamu kasa ni hpe mung, dai dawdan ai nhtoi kaba du hkra, prat dingsa na hpri sumri hte, nsin kata de gyit hkang da mu ai.

SHINGRAN 12:13

Dai baren numraw gaw ga de jahkrat kau hkrum ai chye wu jang, shadang lasha shangai ai num hpe zingri zingrat wu ai.

SHINGRAN 12:15

Dai num hpe hka hpungla hte shayawng kau na nga, lapu gaw shi a n-gup hta nna hka nu na hka zawn, dai numsha hpang de shalwi dat wu ai.

SHINGRAN 12:17

Dai baren numraw mung dai numsha a lam sindawng kahtet bu nna, Karai Kasang a hkang da ai ga hkan nang ai hte, Yesu a sakse ga lang ai ni ngu ai, shi a amyu matu gale ni hpe gasat kau na pru wa nna,

SHINGRAN 12:3

Bai, mauhpa amu kaga sumsing lamu kata e dan pru ai gaw: yu u, hkyeng ai baren numraw kaba dan pru ai; shi gaw baw sanit hte nrung shi tu nna, shi a baw ni hta ja lagup sanit gup nga ai.

SHINGRAN 12:4

Shi a nmai gaw lamu shagan htam masum hta na htammi magawn la nna, ga de jahkrat dat wu ai: kasha shangai magang ai num shangai ngut jang, shi a kasha hpe sha kau na nga, baren numraw gaw dai num a man e la tsap nga ai.

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.

SHINGRAN 13:2

Dai ngai mu ai matse labye gaw rawnggawk hte bung nna, shi a lagaw tsap lagaw zawn, shi a n-gup hkanghkyi n-gup zawn rai nga ai: baren numraw gaw, shi a hpung shingkang hte shi a tingnyang mung, kaba la ai ahkang aya mung, dai matse labye hpe ap ya wu ai.

SHINGRAN 13:4

dai matse labye hpe ahkang aya ap ya ai baren numraw hpe nawku ma ai; shanhte dai matse labye hpe mung nawku nna, “Ndai matse labye hte kadai wa bung nga a ta? kadai wa shi hpe gasat lu na a ta?” nga shajang ma ai.

SHINGRAN 20:10

Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 20:7

Dai shaning hkying mi lai jang, Satan gaw htawng hta na raw dat ai hkrum nna,

SHINGRAN 9:11

Dai ni a hkawhkam gaw sung htum ai shara na ngarai a kasa rai nga ai; shi a amying gaw, Hebre ga hte Abadon; bai, Heleni ga hte shi a amying Apolion rai nga ai.