SHINGRAN 20:14 - Jinghpaw Hanson Version Bible

¹⁴ Shaloi si hkrung si htan hte katsan ga gaw, dai wan nawng hta jahkrat bang kau ai hkrum ma ai: dai wan nawng gaw lahkawng lang na si lam rai nga ai.

Jinghpaw Common Language Bible 2009

¹⁴ Shaloi si hkrung si htan hte si ai ni a katsan ga gaw, wan nawng hta jahkrat bang kau ai hkrum ma ai. (Dai wan nawng gaw lahkawng lang ngu na si ai lam rai nga ai.)

SHINGRAN 20:14 ပူးပေါင်းရင်းမြစ်များ

HOSEA 13:14

Shing rai ngai gaw shanhte hpe katsan ga de na mawai la na rai ni? si hkrung si htan kaw na, gare la na rai ni? Si hkrung si htan e, na a ana zinli, kanang nga a ta? Katsan ga e, nang shapraw ai tsin-yam tsindam, kanang nga a ta? myit malai na lam, ngai n mu nngai.”

1 KORINHTU 15:26

Hpang chyahtum na hpyen wa ngu ai, si hkrung si htan gaw, yeng kau ai hkrum na ra ai.

1 KORINHTU 15:53

Kaning rai nme law, ndai hten mat chye ai gaw, n hten n mat chye ai dagraw lu na ra ai; ndai si mat chye ai mung, n si n mat chye ai, dagraw lu na ra ai.

SHINGRAN 1:18

ahkrung nga ai wa mung, ngai rai nga nngai; ngai si ni ai rai timung, yu u, htani htana prat dingsa e ngai ahkrung nga nngai: si hkrung si htan mungdan a sumsaw hte, katsan ga na sumsaw ngai lang nngai.

SHINGRAN 14:10

Karai Kasang a sindawng kahtet ngu ai gawm hta hpaw bang tawn ai pawt bu ai tsabyi jahku jet lu lu na ra ai; dai hta n-ga shi gaw chyoi pra ai lamu kasa ni a man e mung, dai Sagu Kasha a man e mung, wan hte kan kayau ai hta nni nkri zingri ai hkrum na ra ai:

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 2:11

Wenyi gaw Hpung ni hpe kaning nga tsun ai gaw, na tu ai wa gaw na la u ga. Lahkawng lang ngu na si ai lam gaw, dang lu ai wa hpe hkra lu na n rai.

SHINGRAN 20:10

Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 20:13

Shaloi nammukdara gaw tinang hta rawng ai, masha chyasi ni hpe bai ya wu ai; si hkrung si htan hte katsan ga mung, tinang ni hta rawng ai chyasi ni hpe bai ya mu ai; masha langai hte langai gaw tinang a arawn alai hte maren, tara dawdan ai hkrum ma ai.

SHINGRAN 20:15

Asak laika hta amying n lawm ai wa kadai mung, dai wan nawng hta jahkrat bang kau ai hkrum nga ai.

SHINGRAN 20:6

Shawng na ngu ai bai hkrung rawt wa ai lam hta shang lawm lu ai wa gaw, a lu ai wa, chyoi pra ai wa, rai nga ai: lahkawng lang na si ai lam gaw, shanhte a ntsa e ahkang n lu nga ai: shanhte gaw Karai Kasang a hkinjawng ni, Hkristu a hkinjawng ni, rai na mara ai rai nna, dai shaning hkying mi tup Hkristu hte rau up nga lu na mara ai.

SHINGRAN 21:4

shi gaw shanhte a myi hta na myi prwi pru mapru katsut kau ya na ra ai: htawm hpang e si hkrung si htan n nga lu na sai; sharung shayawt ai, hkrap ngu hkrap ngoi ai, hki si ba si ai mung, n nga lu na sai: shawng na lam nga manga hte gaw lai mat wa sai” nga nna tsun ai, ngai na nngai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

SHINGRAN 6:8

Shaloi ngai yu yang, yu u, atsit nsan ai gumra nga nga ai rai nna, dai hta jawn ai wa a amying gaw, Si du rai nga ai; katsan ga mung dai wa kaw hkan nang nga ai. Ri nhtu hte, hku hku ai hte, ana ahkya hte ga ntsa na matse labye zingri ai hte sat kau na matu, lamu ga daw mali hta na daw mi a ntsa e up ai ahkang, shanhte lu la ma ai.