SHINGRAN 20:10 - Jinghpaw Hanson Version Bible

¹⁰ Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.

Jinghpaw Common Language Bible 2009

¹⁰ Dai hpang, shanhte hpe hkalem ai Nat mung, wan hte kan grung ai nawng hta jahkrat bang kau ai hkrum wu ai. Dai yang e, dai matse labye hte dai masu ai myihtoi mung, shawng kaw nna rawng nga ma ai. Shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 20:10 ပူးပေါင်းရင်းမြစ်များ

Daniela 7:11

Ya dai nrung kaji tsun ai ga kaba a nsen majaw, ngai mada yu nga yang, dai dusat hpe sat kau nhtawm, shi a hkumhkrang hpe wan hte nat nna shamyit kau ai du hkra, ngai a yu nga nngai.

MAHTE 25:41

Bai, pai maga de nga ai ni hpe, ‘Dagam dala hkrum ai ni e, ngai hte hka wa nna nat gumlau hte shi a salung sala ni a matu lajang da ai n htum n mat ai wan de shang wa mu:

MAHTE 25:46

Shaloi shanhte gaw n htum n wai ari de shang wa na mara ai; dinghpring ai ni mahtang n htum n wai asak de shang lu na mara ai,” ngu wu ai.

MAHTE 7:15

Kraw lawang hta e amya sha na chyahkyawn myit rawng nna, sagu hpyi bu hpun let nanhte kaw sa du ai myihtoi masu ni hpe koi gam mu.

SHINGRAN 16:13

Shaloi, baren numraw a n-gup hta na mung, matse labye a n-gup hta na mung, masu ai myihtoi a n-gup hta na mung, shu zawn n san n seng ai wenyi masum pru wa ai hpe, ngai mu nngai:

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 20:8

lamu ga njut mali na Goga hte Magoga ngu ai masha amyu baw ni hpe hkalem la nna, majan gasat na matu jahpawng la na, pru sa wa na ra ai; shanhte a nambat gaw nammukdara zaibru daram law nga ai.

SHINGRAN 9:17

Bai, dai shingran hta ning re ai gumra ni hte, dai ni hta jawn ai ni hpe ngai mu nngai; shanhte gaw wan, wakintu hte kan nsan ai sinda magap dagap ma ai: gumra ni a baw gaw hkanghkyi baw zawn san nna, n-gup hta na wan numli, wan hkut hte kan pru nga ai.