SHINGRAN 2:5 - Jinghpaw Hanson Version Bible

⁵ Dai re ai majaw, nang garai n hkrat yang na shara hpe bai dum u; myit malai lu u, shawng na arawn alai bai hkan u: shing n rai yang, ngai nang kaw du nna, nang myit malai n lu yang gaw, na a pyengdin hpe de a shara na sit kau ya na de ai.

Jinghpaw Common Language Bible 2009

⁵ Dai rai nna nang gade daram di hkrat yu mat wa sai lam hpe myit yu u! Na a yubak mara ni kaw na kayin wa nna shawng de na zawn bai hkan sa galaw u. Na a yubak mara ni kaw na bai n kayin wa yang gaw, ngai nang kaw du nna na a pyengdin hpe de a shara na sit kau ya na de ai.

SHINGRAN 2:5 ပူးပေါင်းရင်းမြစ်များ

ESAIA 1:26

Moi na tara agyi ni zawn re ai, ngai bai san da nna, nang hpe hpaji daw ya ai ni gaw, shawng na ni hte bung na mara ai: dai hpang na a mying hpe, Dinghpring ai mare, kangka re ai shara, nga nna kajai na mara ai.

ESAIA 14:12

Jahpawt manap a kasha, nhtoi gintawng e, nang gaw sumsing lamu na di hkrat wa nit hka! Amyu baw ni hpe zingri ai wa e, ga du hkra kran daw kau ai hkrum nit hka!

EZEKELA 20:43

Nanhte tinang hkum hpe awu asin di kau ai arawn alai mahkra hpe, dai mung hta nanhte myit dum nna, galaw hkrup ai yubak mahkra a majaw, tinang hkum hpe tinang nan matsat kau na marin dai.

EZEKELA 36:31

Shaloi nanhte gaw, nanhte a n hkru n hkra ai lam hte, n hpru n mai ai arawn alai hpe myit dum nna, tinang a n hkru n hkra ai lam hte matsat shabat amu majaw, tinang a myi man hpe pyi, matsat kau na marin dai.

HOSEA 14:1

“Israela e, nang gaw na a yubak hte ahtu kataw hkrum ai majaw, na a Karai Kasang Yehowa hpang de nhtang wa u.

HOSEA 9:10

“Ngai gaw, zaibru jang e tu ai tsabyi si zawn, Israela hpe mu hkrup nngai; shawng si ai lakum hpun hta shawng myin ai lakum si zawn, nanhte a nji nwa ni hpe, ngai mu mada nngai: rai timung shanhte gaw, Bala-peora hpang de sa nna, tinang hkum hpe kaya kahpa lam hta ap kau nhtawm, tinang ra ai hpara hte maren, matsat shabat hkum tai wa masai.

MALAHKI 3:4

Dai shaloi e, Yuda hte Yerusalem masha ni a kumhpa gaw, moi chyaloi nhkoi na aten e zawn, Yehowa a matu ra sharawng hpa tai na ra ai.

MALAHKI 4:6

Ngai sa nna, mungkan ga hpe dagam dala hte n shachyum hkra, shi gaw kawa ni a myit masin hpe kasha ni hpang de, kasha ni a myit masin hpe tinang a kaji kawa ni hpang de, kayin shangun na ra ai, nga ai.

MAHTE 5:14

Nanhte gaw mungkan ga a nhtoi rai nga myit dai. Bum ntsa e de ai mare hpe shinggang lu na n rai;

MAHTE 5:15

pyengdin hpe shatu nhtawm, mung npu e tawn da ai gaw, kadai n galaw yu ai; pyengdin shadun hta tawn da nna, dai gaw, nta e nga nga ai ni nlang hte hpe jahtoi ya mu ai.

MARKU 12:9

Dai majaw, tsabyi sun madu gaw, kaning di na mu ta? Shi sa du nna, sun galaw ai ni hpe sat kau nhtawm, dai sun masha kaga hpe, htawt shap ya na ru ai.

LUKA 1:17

Kawa ni a myit masin hpe kasha ni hpang de, je hpre ai ni hpe dinghpring ai ni a hpaji ningli lam de kayin wa shangun na hte, dai Madu a matu mazing da ai amyu hpe lajang shachyip da na, Elia a wenyi hte atsam rawng let, shi a shawng numshawn e sa wa na ra ai,” ngu nna shi hpe tsun wu ai.

LUKA 20:16

Shi sa du nna, dai sun galaw ai ni hpe sat kau nhtawm, dai sun masha kaga hpe htawt shap ya na ru ai,” ngu mu ai. Dai ga na ai ni gaw, “Shing n rai u ga,” nga ma ai.

GALATI 5:4

Jep ai tara hta dinghpring mayu ai ni, nanhte gaw Hkristu hte daw hka wa manit dai; nanhte chyeju hta na hkrat mat wa manit dai.

HPILIPI 2:15

shing rai yang mara n rawng nna yubak n kap ai sha, ndai ja la nna myit magaw ai prat a ka-ang e agang chyalang n re ai Karai Kasang a kashu kasha ni nanhte tai wa ai hte,

HEBRE 10:32

Rai timung, jahtoi la hkrum manit dai hpang, tsin-yam tsindam kaba hte katut gasat hkrum ai shaloi na nanhte sharang lu ai, shawng de na nhtoi ni hpe bai dum nga mu:

2 PETRU 3:17

Nanhte chyawm gaw, tsawra ai ni e, ndai hte hpe shawng e chye manit dai majaw, tara n lang ai ni a lam dam mat ai hta e nanhte mung n lawm ai hte, nanhte a ngang hkang ai myit, jahten shabya kau ai n hkrum myit ga, a maja nga mu:

YUDA 1:24

Ya chyawm gaw, kataw katan nrai hkra nanhte hpe bau sin lu ai rai nna, mara n rawng let, kabu gara la ai hte shi a hpung shingkang a man e nanhte hpe tawn da lu na,

SHINGRAN 1:20

nye a hkra lata hta nang mu lu ai shagan sanit hte, aja pyengdin sanit ni amau htum ai lam, ka da u; dai shagan sanit gaw, Hpung sanit ni a kasa ni rai nga ma ai, dai pyengdin sanit mung, Hpung sanit rai nga ai.

SHINGRAN 16:9

Dai rai nna masha ni gaw kahtet kang la ai hte jahkat kau ai hkrum nna, ndai ari zinli ni hpe up byeng ai Karai Kasang a amying nsang hpe matsa shatan ma ai; dai hte wa hkrum ma timung, shi a hpung shingkang shagrau na gaw, shanhte myit malai n lu ma ai.

SHINGRAN 2:16

Dai re ai majaw myit malai lu u; shing n rai yang, ngai nang kaw alawan du nna, nye a n-gup nna pru ai ntawng nhtu hte shan hte hpe gasat na we ai.

SHINGRAN 2:19

Na a arawn alai, tsawra ai myit, makam masham, amu gun hpai ai hte shakut sharang ai hpe mung, na a hpang jahtum na amu bungli gaw shawng na hta grau law nga ai hpe mung, ngai chye nga nngai.

SHINGRAN 2:2

Na a arawn alai, na a amu bungli hte na a hkam sharang ai hpe mung, n hkru n hkra re ai masha hpe nang n hkam lu ndai mung, kasa n re ai kasa hpyi hpun ai ni hpe nang san dinglik yu nna, shanhte a masu ai hpe shadan kau ya lu ndai mung, ngai chye nga nngai.

SHINGRAN 3:19

Ngai tsaw matsaw kadai hpe mung, ngai mara madun nna daru sharin ga nngai. Dai re ai majaw, dum hprang let nga u, myit malai lu u.