SHINGRAN 2:23 - Jinghpaw Hanson Version Bible

²³ Shi a kashu kasha ni hpe si lam hte ngai sat kau na we ai: shaloi, nhkyun hte kraw lawang hpe sawk yu ai wa ngai rai nga nngai gaw, Hpung ni yawng chye lu n mara ai: nanhte hta na langai hte langai hte hpe, tinang ni a amu hte maren ngai htang jaw na made ai.

Jinghpaw Common Language Bible 2009

²³ Shi a hpang hkan nang ai ni hpe mung ngai sat kau na mawe ai. Dai shaloi ngai gaw, masha shagu a myit mang ai lam ni hte maw mawn ai lam ni hpe yawng chye ya ai Madu ngai rai nga nngai gaw, hpung ni chye lu na mara ai. Nanhte hta na langai hte langai hpe, tinang galaw sai amu hte maren ngai htang jaw na made ai.

SHINGRAN 2:23 ပူးပေါင်းရင်းမြစ်များ

1 HKAWHKAM LABAU 17:18

Nang gaw, na a mayam Dawi hpe madun dan ai arawng sadang lam, ngai nang hpe hpa naw tsun lu na rai nga a ta? nang gaw na a mayam wa hpe chye nga ndai.

1 HKAWHKAM LABAU 28:9

“Ya chyawm gaw, ngai sha Shawlumon e, na nwa a Karai Kasang hpe chye u: ngwipyaw ai myit hte tsawra ai kraw lawang hte, shi hpe daw jau u; Yehowa gaw myit masin mahkra hpe sawk yu nna, myit mamyit lam mahkra hpe chye ya nga ai: nang shi hpe tam yang, mu na wu ai; shi hpe kau da yang, nang hpe tutnawng kau da na ndai.

1 HKAWHKAM LABAU 29:17

Nye a Karai Kasang e, nang gaw kraw lawang hpe dinglik yu nna, dinghpring ai myit hpe sharawng nga ndai, ngai chye nga nngai. Ngai gaw nye dinghpring ai hta, tsawra ai myit hte ndai arung arai yawng mayawng sak jaw nngai: dai hta kaga, nang e hpawng nga ai, na a amyu masha ni mung nang hpe sak jaw ai lam, kabu gara ai myit hte ngai mada mu nngai.

2 HKAWHKAM LABAU 6:30

nang gaw sumsing lamu e nga ai na a shanu shara hta madat mara ya mi; nang masha myit masin hpe chye ya nga ai hte maren, yubak hpe raw dat kau ya nna, langai hte langai hte hpe amu bungli galaw ai hku hkan nna, htang ya mu; nang chyu sha shinggyim masha ni a myit masin hpe chye ya nga ndai.

YOBA 24:23

Shi shanhte hpe shingbyi shara jaw nna, shanhte dai hta shamyet nga ma ai; shi a myit shanhte hpe hkan yu nga ai.

SHAKAWN KUNGDAWN 139:1

Yehowa e, nang ngai hpe manaw yu nna chye nga ndai.

SHAKAWN KUNGDAWN 26:2

Yehowa e, ngai hpe dinglik yu nna chyam yu e, Nye a nhkyun ni hte masin salum hpe manaw yu u.

SHAKAWN KUNGDAWN 44:21

Kraw e makoi da ai hpe chye ai Karai Kasang, Dai hpe sawk yu na, n rai ni?

SHAKAWN KUNGDAWN 62:12

Madu e, nang kaw nna chyeju pru nga ai: Kaning rai nme law, tinang galaw ai hte maren, Nang langai hte langai hpe bai htang na ndai.

SHAKAWN KUNGDAWN 7:9

Tara n lang ai ni a n hkru ai lam sim mat malu ga; Dinghpring ai ni hpe mahtang shagrin mu. Dinghpring ai Karai Kasang gaw, Masin hte nhkyun ni hpe chyam yu ai wa rai nga ai.

YEREMIA 11:20

Kraw lawang hte myit masin hpe manaw yu nna, dinghpring ai hku dawdan ai, Zaw nawng zaw wa up ai Yehowa e, nang shanhte hpe matai dawp ai lam, ngai mu lu na nngai: nye a amu ngai nang hpe sa shawk ni ai.

YEREMIA 17:10

langai hte langai hpe tinang a arawn alai hte maren, tinang hkam ang ai shabrai karan jaw na matu, ngai Yehowa gaw myit masin hpe sawk yu nna, nhkyun ni hpe manaw yu nngai.

YEREMIA 20:12

Dinghpring ai ni hpe dinglik yu nna, myit masin hte kraw lawang hpe chye lu ai, Zaw nawng zaw wa up ai Yehowa e, nye a amu hpe na a man e ngai shapraw dan ai majaw, nang shanhte hpe matai dawp ai lam, ngai mu lu n ga.

ZEHPANI 1:11

Hpaga hkyet e shanu nga ai ni e, hkrap shabam nga mu: kaning rai nme law, hpaga ga ai amyu masha ni yawng, n-yawm mat masai; gumhpraw gun sa ai ni yawng, htum mat masai.

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

LUKA 16:15

Dai rai nna Yesu gaw, “Nanhte gaw masha ni a man e tinang hkum hpe dingman chye shadan ai ni rai myit dai; rai timung, Karai Kasang gaw nanhte a kraw lawng hpe chye ya nga ai: kaning rai nme law, masha e shagrau ai gaw Karai Kasang a man e matsat shabat rai nga ai.

YAWHAN 21:17

Bai masum lang, “Yawhan a kasha Simun e, nang ngai hpe tsawra nga nni?” ngu nna san wu ai. Masum lang du hkra, Nang ngai hpe tsawra nga nni? nga nna shi hpe san wu ai majaw Petru myit yawn nna, “Madu e, nang gaw yawng mayawng hpe chye nga ndai; ngai nang hpe tsawra nga nngai gaw, nang chye nga ndai,” ngu nna, htan wu ai. Yesu gaw, “Nye a sagu ni hpe bau nga u.

YAWHAN 4:16

Yesu gaw, “Na madu wa hpe naw wa shaga la nna, nang de sa rit,” ngu wu ai.

KASA 1:24

Shing rai shanhte akyu hpyi ma ai gaw, “Yawng mayawng a myit masin chye chyang ai Madu e, Yuda gaw shi hte seng ai shara de wa mat na nga,

ROMA 14:12

Dai rai nna, anhte langai hte langai, tinang dai tinang lam a jahpan, Karai Kasang kaw dan na ra ga ai.

ROMA 8:27

kraw lawang e sawk yu ai wa chyawm gaw, Wenyi a myit hpa rai nga ai gaw chye ya nga ai: kaning rai nme law, Karai Kasang ra ai hte maren, chyoi pra ai ni a matu mara shi hpyi htinglu ya nga ai.

2 KORINHTU 5:10

Kaning rai nme law, dai hkumhkrang hte kaja ai rai timung, n kaja ai rai timung, galaw saga ai hte maren, langai hte langai hkam la shajang mu ga, anhte nga manga Hkristu a tingnyang man e dawng pru na ra ga ai.

GALATI 6:5

kaning rai nme law, langai hte langai gaw tinang a lit gun hpai shajang na rai nga ai.

TARA JAHPRANG 13:11

Egutu mung hte mayam tai nga ai nta na nang hpe shaw woi wa ai na a Karai Kasang Yehowa kaw na dam mat ma na hku maw ai majaw, dai wa hpe nlung hte kabai sat kau na rai myit dai.

TARA JAHPRANG 17:13

Shaloi amyu masha ni nlang dai shi na nna, hkrit gari let htawm hpang e tinang myit n hkan ai nga nga na mara ai.

TARA JAHPRANG 19:20

Shaloi masha gale ni mung dai na nna hkrit ai hte htawm hpang de dai zawn re ai amu n shapraw ai nga na mara ai.

TARA JAHPRANG 21:21

Shaloi mare na lasha ni nlang hte gaw dai kasha hpe nlung hte kabai sat kau na rai ma ai: shing di nang hta na n shawp ai yubak seng kau nna, Israela amyu nlang hte gaw dai shi na ai hte hkrit kang nga na mara ai.

HEBRE 4:13

Shi a man e n dan n leng ai hpan da ai arai langai mi mung n nga ai; yawng mayawng gaw shi myi a man e dan leng nga ai hte asan brang lang rai nga ai rai nna, anhte shi a man e jahpan dan lu na ga ai.

1 PETRU 1:17

Dai hta kaga, myi man n tau yu ai sha, langai hte langai a amu hte maren dawdan nga ai Kawa hpe nan, nanhte hpyi shaga myit yang gaw, nanhte manam tai hkawm nga ai aten hte yang, hkrit kamyin ai hte hkan shatup nga mu.

SHINGRAN 2:11

Wenyi gaw Hpung ni hpe kaning nga tsun ai gaw, na tu ai wa gaw na la u ga. Lahkawng lang ngu na si ai lam gaw, dang lu ai wa hpe hkra lu na n rai.

SHINGRAN 2:7

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, Karai Kasang a Hparadisu e tu ai asak hkrung ai hpun a asi, sha lu na ahkang, ngai jaw na we ai.

SHINGRAN 20:12

Si mat wa ai ni mung kaji kaba dai tingnyang a man e tsap nga ma ai hpe, ngai mu nngai; shaloi laika ni hpe hpaw tawn nga ai: asak laika ngu ai laika kaga hpe mung hpaw tawn nga ai: si mat wa sai ni gaw, tinang a arawn alai hte maren, laika ni hta ka da ai hku hkan nna, tara dawdan ai hkrum ma ai.

SHINGRAN 20:13

Shaloi nammukdara gaw tinang hta rawng ai, masha chyasi ni hpe bai ya wu ai; si hkrung si htan hte katsan ga mung, tinang ni hta rawng ai chyasi ni hpe bai ya mu ai; masha langai hte langai gaw tinang a arawn alai hte maren, tara dawdan ai hkrum ma ai.

SHINGRAN 22:12

Yu u, ngai alawan du na ring ngai; langai hte langai hpe tinang a amu hte maren bai htang jaw na, ging dan ai shabrai ngai lang da we ai.

SHINGRAN 6:8

Shaloi ngai yu yang, yu u, atsit nsan ai gumra nga nga ai rai nna, dai hta jawn ai wa a amying gaw, Si du rai nga ai; katsan ga mung dai wa kaw hkan nang nga ai. Ri nhtu hte, hku hku ai hte, ana ahkya hte ga ntsa na matse labye zingri ai hte sat kau na matu, lamu ga daw mali hta na daw mi a ntsa e up ai ahkang, shanhte lu la ma ai.

1 SAMUELA 16:7

Yehowa chyawm gaw, “Shi a myi man, shi a hkum shing-yan hkum yu et; ngai shi e n la we ai; Yehowa gaw masha mu de nna mu ai n rai; masha gaw ahpraw asam sha yu chye ma ai, Yehowa chyawm gaw myit masin she yu ai,” ngu nna Samuela hpe tsun wu ai.