SHINGRAN 2:17 - Jinghpaw Hanson Version Bible

¹⁷ Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, makoi da ai manna hpe mung, ahpraw nsan ai lungdin hpe mung, ngai jaw na nngai: dai lungdin hta amying ningnan ka da nga ai rai nna, dai hpe lu la ai wa hta kaga, kadai mung dai amying hpe n chye ya lu ai.

Jinghpaw Common Language Bible 2009

¹⁷ “Wenyi gaw hpung ni hpe kaning nga tsun ai gaw, na tu ai wa gaw na la u ga! “Awng padang lu ai ni hpe, makoi da ai manna muk nkau mi hpe mung, shanhte langai hkrai hpe ahpraw n san ai lungdin hpe mung, ngai jaw na nngai. Dai lungdin hta ka da ai mying ningnan hpe chyawm gaw, lungdin lu la ai wa hta kaga kadai mung n chye ya lu ai.

SHINGRAN 2:17 ပူးပေါင်းရင်းမြစ်များ

SHAKAWN KUNGDAWN 25:14

Yehowa hpe hkrit kamyin ai ni, shi a sung ai lam chye nga nna, shi shanhte hpe shi a ga shaka chye lu shangun mu ai.

SHAKAWN KUNGDAWN 36:8

Na a nta na sau hpum ai hte shanhte hkru kat nga ma ai, na a ngwipyaw ai hka hta na, nang shanhte hpe shalu mu ai.

PRU MAT 16:33

Dai hta kaga Mawshe gaw Arun hpe mung, “Nanhte hta prat mi hte prat mi rem nga na matu, dibu langai mi la nna manna muk uma mi bang nhtawm, Yehowa a man e kyem tawn da u,” ngu wu ai.

GA SHAGAWP 14:10

Myit masin gaw, tinang ruyak ai hpe, dum nga ai; Tinang kabu gara ai hta, tsasam wa lawm lu ai n rai.

GA SHAGAWP 3:32

Kaning rai nme law, Yehowa gaw myit magaw ai ni hpe matsat nga ai. Tengman ai ni chyawm gaw shi hte jinghku hku lu na mara ai.

ESAIA 56:4

Kaning rai nme law, nye a laban nhtoi ni hpe hkan nang nna, ngai ra ai hku lata la ai hte, nye a ga shaka hpe shatup ai unuk ni a lam, Yehowa ning nga ai:

ESAIA 56:5

Ngai gaw nye a nta nhku e mung, nye a bunghku ni a kata e mung, kashu kasha hta grau hpu nna dum mai ai amying shingteng, shanhte hpe jaw na nngai; n hten n run ai, htani htana amying shingteng ngai shanhte hpe jaw na nngai.

ESAIA 62:2

Maigan amyu ni, na a dinghpring ai hpe, hkawhkam ni mahkra gaw, na a arawng sadang hpe, mu mada nna, Yehowa n-gup na pru ai mying nnan hte nang hpe shaga na mara ai.

ESAIA 65:13

Dai re ai majaw Madu Yehowa gaw, “Yu mu, nye a shangun ma ni sha lu na mara ai, nanhte chyawm gaw kawsi hkrum na myit dai; yu mu, nye a shangun ma ni lu lu na mara ai, nanhte chyawm gaw hpang kara na myit dai; yu mu, nye a shangun ma ni kabu gara na mara ai, nanhte chyawm gaw kaya kahpa hkrum na myit dai;

ESAIA 65:15

Nanhte gaw tinang a mying hpe, ngai lata la ai wa a matu, dagam dala lam shatai nna, Madu Yehowa gaw nanhte hpe sat kau na myit dai: shi a shangun ma ni hpe chyawm gaw, amying shingteng kaga shamying na ra ai:

MAHTE 13:11

Shi htan nna, “Sumsing lamu a mungdan a sung htum ai lam ni hpe chye na shara, nanhte a matu hku nga malit dai; wora ni a matu chye na shara n hku malu ai.

YAWHAN 4:32

Shi gaw, “Nanhte n chye ai shahpa ngai lu da we ai,” ngu nna shanhte hpe htan mu ai.

1 KORINHTU 2:14

Myi na ta naw re ai shinggyim masha gaw, Karai Kasang a Wenyi hte seng ai lam hte hpe hkam la lu ai n rai, dai hte gaw shi a matu angawk angak rai nga ai rai nna, Wenyi myit e sha dai hte hpe jeyang lu ai re ai majaw, shi gaw dai hte hpe chye na lu ai n rai.

KOLOSE 3:3

Kaning rai nme law, nanhte si mat ai ni rai nga myit dai rai nna, nanhte a asak gaw Hkristu hte rau, Karai Kasang hta, kyem da nga ai.

SHINGRAN 14:3

Shanhte gaw, dai tingnyang man e mung, dusat amyu mali hte salang ni a man e mung, mahkawn ga ningnan zawn mahkawn mangoi nga ma ai: ga ntsa na mari la hkrum sai ni, ngu ai, masha sen mi mun mali e hkying mali hta kaga, dai mahkawn ga hpe kadai mung n sharin la lu ma ai.

SHINGRAN 19:16

Shi a hpun palawng hte magyi hta, Hkawhkam ni a Hkawhkam, Madu ni a Madu, nga ai amying ka kap nga ai.

SHINGRAN 2:11

Wenyi gaw Hpung ni hpe kaning nga tsun ai gaw, na tu ai wa gaw na la u ga. Lahkawng lang ngu na si ai lam gaw, dang lu ai wa hpe hkra lu na n rai.

SHINGRAN 2:7

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, Karai Kasang a Hparadisu e tu ai asak hkrung ai hpun a asi, sha lu na ahkang, ngai jaw na we ai.

SHINGRAN 3:22

Wenyi gaw Hpung ni hpe kaning nga tsun ai gaw, na tu ai wa gaw na la u ga, nga nna tsun nga ai.

SHINGRAN 3:6

Wenyi gaw Hpung ni hpe kaning nga tsun ai gaw, na tu ai wa gaw na la u ga.