SHINGRAN 2:14 - Jinghpaw Hanson Version Bible

¹⁴ Rai timung, sumla ni hpe nawng ya ai hkungga sha na hte hpye ai amu galaw na lam ngu ai myit kataw shara hpe, Israela kashu kasha ni a man e tawn da na, Balak hpe hpaji daw ya ai Balam a sharin shaga ai lam hta hkan nang ai ni nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

Jinghpaw Common Language Bible 2009

¹⁴ Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

SHINGRAN 2:14 ပူးပေါင်းရင်းမြစ်များ

ESAIA 57:14

Bai shi gaw, “Nye a amyu masha ni numdaw numdan n hkrum mu ga, htu kau mu, htu kau mu, lam hpe lajang mu ga,” nga nna tsun ai.

YEREMIA 6:21

Dai re ai majaw Yehowa ning nga ai: “Ndai amyu masha ni a man e ahtu kataw shara ngai tawn da na nngai: kawa hte kasha ni rau ahtu kataw na mara ai: htingbu ni hte jinghku ni rau, hten byak hkrum na mara ai.”

EZEKELA 3:20

Bai, dinghpring ai wa gaw htak mat nna, dinghpring ai lam yit kau ai hte shut hpyit nga yang, ngai gaw shi a man e ahtu kataw shara tawn da nna, shi si na ra ai; nang shi hpe n shadum ai majaw, dai wa gaw tinang a yubak hta si na ra ai; shi galaw yu ai dinghpring ai amu hpe nawn na n rai: shi a asai hpe chyawm gaw, na a lata na ngai hpyi la na nngai.

EZEKELA 44:12

Shanhte gaw tinang a hpara ni a man e, mung masha ni a amu galaw nna, shut hpyit ai lam hkan galaw hkra, Israela masha ni a matu ahtu kataw shara tai yu ai majaw, ngai Madu Yehowa gaw nye a lata shanhte hpang de sharawt nna, shanhte gaw tinang a yubak hpe hkam sha na mara ai.

BU HKAWM 24:14

Ya chyawm gaw nye a amyu hpang de ngai wa na ni ai; madat la, ndai amyu masha ni htawm hpang de na a amyu hpe kaning di na maru ai gaw ngai madun de ga,” ngu nna Balak hpe htan wu ai.

BU HKAWM 31:16

Yu mu, shanhte Balam daw ya ai hpaji hkan nna, Israela kashu kasha ni hpe Peora lam hta Yehowa a man e shut hpyit shangun mu ai majaw, Yehowa a shawa hpung hta dai ari zinli du ai re.

BU HKAWM 31:8

Sat kau hkrum ai ni hta na, Ewi, Rekem, Zura, Hura, Reba ngu ai Midian hkawhkam manga lawm ma ai: Beora kasha Balam hpe mung nhtu hte sat kau mu ai.

MAHTE 18:7

Myit kataw shara nga nga ai majaw, mungkan ga na ni dingnye lu ma ai: myit kataw shara n nga hkra gaw, n rai lu ai; rai timung, myit kataw shara shabyin dat ai wa gaw, dingnye lu ai.

KASA 15:29

dai hte hpe nanhte koi gam nga yang, mai kaja na rai malit dai. Hkam kaja nga myit ga law,” nga ai.

KASA 21:25

Kamsham ai maigan masha ni a lam chyawm gaw, shanhte sumla hpe nawng ai rai hte, asai, du manat sat ai shan, ndaw liknga lam koi gam na, anhte dawdan let ga shangun sagaw ai,” ngu nna tsun mu ai.

ROMA 11:9

Dawi mung, “Shanhte a sha ku tinang a matu dawnggawng hte mahkam, Myit kataw shara hte madawng hkrum na lam tai u ga;

ROMA 14:13

Dai re ai majaw, anhte shada da hpa n jeyang saga; kadai rai timung, tinang hpunau a matu ahtu kadawng shara hte myit kataw shara n tawn da na lam she, jeyang nga mu.

ROMA 14:21

Shan sha na hte tsabyi lu na rai timung, na nhpu nnau hpe myit kataw shangun na lam hpa rai timung koi gam kau na gaw, mai kaja nga ai.

ROMA 9:32

Hpa majaw law nga yang, kamsham ai hte n re ai sha, magam bungli hte sha hkan shachyut ma ai majaw n dep lu ma ai.

1 KORINHTU 1:23

anhte chyawm gaw, Wudang hta jen da hkrum ai Hkristu a lam hkaw dan ga ai; dai wa Yuda ni a man e myit kataw shara, maigan amyu ni a man e angawk angak, rai nga ai:

1 KORINHTU 7:2

rai timung, hpye ai amu koi na matu, la langai hte langai tinang a num lu u ga, num langai hte langai tinang a la lu u ga.

HEBRE 13:4

Hkungran ai lam gaw, yawng mayawng a man e arawng lu u ga; hkungran ai yup ra mung, san seng nga u ga: kaning rai nme law, hpye ai amu galaw ai ni hte num shaw la shaw ai ni hpe, Karai Kasang tara dara na wu ai.

YAWSHU 24:9

Shaloi Moba hkawhkam, Zipora kasha Balak mung rawt nna, Israela hpe gasat wu ai: nanhte hpe matsa sat na matu mung, Beora kasha Balam hpe shaga wu ai:

1 PETRU 2:8

“Ahtu kataw shara hte myit kataw shangun na lunghkrung mung tai wa sai.” N madat n mara nga ma ai majaw, dai mungga hta shanhte kataw wa masai: shing rai hkrum mu ga mung, shanhte hpe san da ngut sai rai.

2 PETRU 2:15

Dai malang ai lam hpe shanhte kau da manu ai rai nna, n ding n man ai shabrai hpe tsawra wu ai Beora a kasha Balam a lam hta, hkan nga ma ai:

YUDA 1:11

Shanhte gaw dingnye lu mu ga! kaning rai nme law, Ka-in a lam hta e shanhte hkan hkawm ma ai rai nna, shabrai lu la na matu Balam a lam dam mat ai hta gumbawm ma ai hte, Kora a gumlau gumle ai amu hta e hten bya mat ma ai.

SHINGRAN 2:20

Rai timung, tinang dai myihtoi num nga ai, dai numsha Yezebela gaw, nang hta naw nga lu ai majaw, nang hpe mara shagun shara ngai mu nngai: shi gaw nye a shangun ma ni hpe, hpye ai amu galaw na hte sumla ni hpe nawng ya ai hkungga sha na lam sharin ya nna, shanhte hpe shut shangun mu ai.

SHINGRAN 2:4

Rai timung, shawng na tsawra ai lam hpe nang kau da ndai majaw nang hta mara shagun shara ngai mu nngai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

SHINGRAN 22:15

Shinggan e gaw, gwi n re ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte nga ma ai, nga nna ngai hpe tsun nngai.