SHINGRAN 2:12 - Jinghpaw Hanson Version Bible

¹² Bai, Pergamu mare na Hpung a kasa hpe ning ngu ka dat u: Nshan lahkawng dai ai ntawng nhtu lang ai wa gaw, ning nga nga ai:

Jinghpaw Common Language Bible 2009

¹² “Pergamu mare na hpung a lamu kasa hpe ning ngu ka dat u: “Ndai gaw nshan lahkawng maga dai ai ntawng nhtu lang ai wa kaw na mungga rai nga ai.

SHINGRAN 2:12 ပူးပေါင်းရင်းမြစ်များ

ESAIA 11:4

shi gaw, dinghpring ai hku hkan let, matsan mayan ni hpe tara dara nna, myit malang ai hku hkan let, ga ntsa na myit gyip ai ni a hpang maga de dawdan na ra ai; shi n-gup ngu ai shingna hte ga ntsa hpe ari jaw nna, shi nten na pru ai nsoi nsa hte, tara n lang ai ni hpe sat kau na ra ai.

ESAIA 49:2

shi nye a n-gup hpe dai ai nhtu zawn shatai ya nna, shi a lata a shingnip hta ngai hpe ka-up da ni ai; atu nsan ai pala shi ngai hpe shatai nna, shi a pala ndum hta ngai hpe kyem da ni ai:

HEBRE 4:12

Kaning rai nme law, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ningtawng nhtu hta mung grau dai ai hte, myit masin hte wenyi hpe mung, nra hkrihkraw hte laswi hpe mung, dinghkren ginhka chye nna, kraw lawang na myit mamyit hte maw mawn ai hku hpe jeyang hparan ya lu ai.

SHINGRAN 1:11

Hpung sanit hpang de shagun dat u, nga nna nye a shingdu de hpahtau zawn ngoi ai nsen kaba ngai na nngai.

SHINGRAN 1:16

Shi a hkra lata hta shagan sanit lang da wu ai; shi a n-gup hta na nshan lahkawng dai ai ntawng nhtu pru nga ai; shi a myi man gaw htoi kang ai jan zawn tu ala nga ai.

SHINGRAN 19:15

Masha amyu baw ni hpe kahtam na matu, shi a n-gup hta na dai ai ntawng nhtu pru nga ai; shanhte hpe mung hpri sumdoi hte shi up na ra ai: Chyahtum chyalai n-gun rawng ai Karai Kasang a sindawng kahtet ai pawt bu ngu ai tsabyi htumbyen hta shi kabye shup nga ai.

SHINGRAN 19:21

ngam nga ai ni gaw gumra jawn ai wa a n-gup hta na pru ai ntawng nhtu hte sat kau hkrum ma ai rai nna, u ni mahkra gaw shanhte a shan hte hkru hkru kat kat rai nga ma ai.

SHINGRAN 2:1

Ehpesu mare na Hpung a kasa hpe ning ngu ka dat u; Hkra lata hta dai shagan sanit lang da nna, aja pyengdin sanit ni a ka-ang e hkawm sa ai wa ning nga nga ai:

SHINGRAN 2:16

Dai re ai majaw myit malai lu u; shing n rai yang, ngai nang kaw alawan du nna, nye a n-gup nna pru ai ntawng nhtu hte shan hte hpe gasat na we ai.

TARA AGYI 3:16

Ehud gaw dawng mi galu nna, nshan lahkawng dai ai nhtu galaw nna, hkra magyi na labu kata e tsat tawn mu ai.