SHINGRAN 2:10 - Jinghpaw Hanson Version Bible

¹⁰ Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.

Jinghpaw Common Language Bible 2009

¹⁰ Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 2:10 ပူးပေါင်းရင်းမြစ်များ

SHAKAWN KUNGDAWN 31:23

Yehowa a chyoi pra ai ni e, shi hpe tsawra mu: Yehowa gaw sadi sahka re ai ni hpe lanu lahku nga ai: Gumrawng ai amu galaw ai wa hpe chyawm gaw, shi gaja wa ari jaw wu ai.

SHARUNG SHAYAWT 3:57

Ngai nang hpe shaga ai shani e, nang sit sa nna, “Hkum hkrit et,” tsun nit dai.

Daniela 1:12

“Nhtoi shi ya tup, na a mayam ni hpe namlaw namlap hte ntsin sha jaw chyam yu mi:

Daniela 1:14

Shat shadu wa mung yin la nna, nhtoi shi ya tup shanhte hpe chyam yu wu ai.

HABAKU 2:3

Kaning rai nme law, ndai shingran gaw, ndat da ai aten hte seng nna. dik wa na matu, lawan nga ai hte, masu na n rai: ganung nga yang rai timung, ala nga u; dai gaw teng teng du na ra ai; hpang hkrat na, n rai.

MAHTE 10:22

Nye a amying majaw masha nlang hte gaw nanhte hpe n dawng n wawm na myit dai: rai timung, htum hkra shakut sharang ai wa gaw, hkye hkrang la ai hkrum na ra ai.

MAHTE 10:28

Hkum tsawp hpe sha sat kau nna, myit masin hpe n sat kau lu ai ni hpe hkum hkrit mu: myit masin hte hpawn hkum tsawp hpe ngarai mung hta e jahten kau lu ai wa hpe grau nna hkrit nga mu.

MAHTE 24:13

rai timung, jahtum du hkra shakut sharang ai wa gaw, hkye hkrang la ai hkrum na ra ai.

MARKU 13:13

Nye a amying majaw masha nlang hte a n dawng n yawt ai nanhte hkrum na marin dai; jahtum du hkra shakut sharang ai wa chyawm gaw, hkye hkrang la ai hkrum na ra ai.

MARKU 8:35

Tinang asak hpe hkye la mayu ai wa kadai mung, asak sum na ra ai: nye a matu hte, dai kabu gara shiga majaw, asak sum ai wa chyawm gaw, dai hpe hkye la lu na wu ai.

LUKA 21:12

Rai timung, dai lam yawng garai n byin yang, masha ni gaw nanhte hpe rim la nna, zingri zingrat di nhtawm, tara jawng ni hte htawng ni hta ap kau na myit dai hte, nye a amying majaw hkawhkam ni hte du ni kaw sa bang kau ai hkrum na marin dai.

YAWHAN 12:25

Tinang a asak lahpawt ai wa gaw asak sum na ra ai: ndai mungkan ga e tinang asak hpe n dawng ai wa chyawm gaw, htani htana na asak lu la hkra, tinang a asak hpe makawp ai tai na ra ai.

YAWHAN 13:2

Shana shat sha nga yang, gumlau Nat gaw Simun a kasha Yuda Iskarut a kraw kata e shi hpe ap kau na, hpaji daw bang ya boi nu ai rai nna,

YAWHAN 13:27

Dai wa dai muk n-gup mi la sha ngut jang, Satan gaw shi hta shang nu ai. Dai re ai majaw, Yesu gaw, “Nang galaw ra ai amu lau lau galaw u,” ngu nna shi hpe tsun wu ai.

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna, nye myit hpe gawng run shangun ya nga myit ta? gyit hkang ai sha n-ga, Madu Yesu a amying ningsang majaw, Yerusalem e sa si hkam na pyi ngai jin jin rai nga nngai,” ngu nna htan shangap wu ai.

1 KORINHTU 9:25

shingjawng poi hta hkying hkat ai ni gaw, lam shagu hta htang gam nga ma ai. Shanhte gaw hten byak chye ai janmau lu la hkra sharang ma ai; anhte chyawm gaw hten byak n chye ai janmau lu la hkra sharang ga ai.

EHPESU 2:2

ndai mungkan a n-gawn shawa hte, nbung hta hkang ai du wa ngu ai, n madat mara ai kasha ni hta, ya e shachyen nga ai wenyi a lam hte maren, nanhte shawng e hkawm nga manit dai.

EHPESU 6:12

Kaning rai nme law, anhte a gasat gala ai gaw, asai yan ashan hpe n re ai sha, du agyi ni hpe mung, ahkang aya lu ai ni hpe mung, ndai sin mak nga ai mungkan a hpung shingkang rawng ai ni hpe mung, sumsing lamu lahta tang e nga ai. n hkru n hkra ai nat a luksuk ni hpe mung, gasat gala nga ga ai.

YAKU 1:12

Agung alau hkrum yang shakut sharang ai wa gaw, a nga lu ai: kaning rai nme law, dinglik yu ai hkrum ngut jang, Karai Kasang shi e tsawra ai ni hpe ndat da ai asak janmau gaw, shi lu la na ru ai.

1 PETRU 5:4

Shing rai yang gaw, dai Hpung rem agyi wa dan pru ai shaloi e, nanhte gaw n wai n mat ai a rawng sadang a janmau hpe, lu la na mu ai.

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.

SHINGRAN 13:14

Shawng na matse labye a man e galaw lu ai lamik kumla ni hte ga ntsa de nga ai ni hpe shi hkalem kau wu ai rai nna, nhtu hkang nma hkrum timung, naw hkrung nga ai matse labye a hkrang sumla galaw na, ga ntsa nga ai ni hpe tsun dat wu ai.

SHINGRAN 13:2

Dai ngai mu ai matse labye gaw rawnggawk hte bung nna, shi a lagaw tsap lagaw zawn, shi a n-gup hkanghkyi n-gup zawn rai nga ai: baren numraw gaw, shi a hpung shingkang hte shi a tingnyang mung, kaba la ai ahkang aya mung, dai matse labye hpe ap ya wu ai.

SHINGRAN 13:7

[Chyoi pra ai ni hpe gasat dang kau na ahkang mung, shi hpe jaw wu ai]; baw lakung shagu, amyu baw shabu, ga baw amyu shagu hte mungdan shagu a ntsa e up na ahkang mung shi hpe jaw wu ai.

SHINGRAN 17:14

Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.

SHINGRAN 2:13

Nang de nga ai shara ngai chye nga nngai; Satan a tingnyang dung nga ai shara e nang de nga ndai. Nye a mying nsang hpe nang manoi nga ndai rai nna, Satan de nga ai shara e ngu ai, nanhte a ka-ang e, nye a kangka re ai sakse wa Antipa sat kau hkrum ai nhtoi hte hta pyi, nye a makam masham lam hpe nang n nyet kau ndai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai timung, nang sut su nga ndai: Yuda masha ngu ai, rai timung, Yuda masha n teng ai sha, Satan a nawku jawng ngu ai ni a shatan nhkan ai hpe, ngai chye nga nngai.