SHINGRAN 19:8 - Jinghpaw Hanson Version Bible

⁸ hpraw tu ai hte san seng ai lachyit nba hte tinang hkum hpe mawm sumli na ahkang shi lu la nu ai: shing re ai lachyit nba gaw chyoi pra ai ni a dinghpring ai a amu bungli rai nga ai law,” nga nna tsun ai gaw ngai na nngai.

Jinghpaw Common Language Bible 2009

⁸ hpraw tu nna san seng ai lachyit hpun nba hte tinang hkum hpe mawn sumli na ahkang shi lu da nu ai.” (Dai lachyit hpun nba gaw, Karai Kasang a masha ni a kaja ai arawn alai, amu bungli hpe ngu ai rai nga ai.)

SHINGRAN 19:8 ပူးပေါင်းရင်းမြစ်များ

SHAKAWN KUNGDAWN 132:9

Na a hkinjawng ni dinghpring ai hpe bu hpun nna, Na a chyoi pra ai ni kabu gara let jahtau nga mu ga.

GA SHAGAWP 31:22

Shi gaw tsawm ai panep hte nba grang da nna, shi a hpun palawng gaw, mani ai lachyit hte hkyeng sawm ai sumpan rai nga ai.

ESAIA 3:23

jam na ni, kata palawng ni, bunghkaw ni hte myi man awa ni hpe, htawm kau na ra ai.

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

EZEKELA 16:10

Maka ka ai hpun palawng hte ngai nang hpe jahpun nna, tahkisha hpyi kyepdin shadin nngai; mani ai lachyit sumpan hte ngai nang hpe lawai nna, lai palawng jahpun nngai.

EZEKELA 44:17

Shanhte gaw kata wang chyinghka de shang yang, lachyit nba hkrai bu hpun na mara ai: dai yang e amu galaw nga yang, sagu mun bu hpun lu na n rai.

MAHTE 17:2

Shaloi shanhte a man e shi ahpraw asam galai wa ai hte, shi a myi man gaw, jan zawn htoi kabrim nna, shi a hpun palawng nhtoi zawn hpraw tu wa lu ai:

MAHTE 22:12

Dai rai nna shi gaw, “Jinghku wa e, hkungran ai hpun palawng n bu hpun ai mi, nang kaning rai nang e shang lu n ta?” ngu wu ai: shi chyawm gaw atsin sha rai nga ai.

MARKU 9:3

shi a hpun palawng gaw kabrim kabram wa nna, nachying hpraw tu wa lu ai: ga ntsa na tsi chyaw ai wa kadai mung, dai hte wa hpraw jahtap lu ai n rai.

LUKA 24:4

Shing re ai majaw shanhte mau ung ang nga ma yang, yu mu, tu kabrim ai hpun palawng bu hpun ai masha lahkawng shanhte a makau e tsap nga ma ai.

KASA 1:10

Shi lung mat wa nna, shanhte lamu de naw azi yu nga yang, yu mu, hpraw tu ai hpun palawng bu hpun ai marai lahkawng, shanhte a makau e tsap pru nna,

ROMA 13:14

Dai hta n-ga, Madu Yesu Hkristu hpe bu hpun dagraw nga mu: hkum shan a myit marin ai hku shadik na matu, hkum maw hkum hkyen nga myit.

ROMA 3:22

dai gaw Yesu Hkristu hta kamsham ai a majaw, kamsham ai ni nlang hte a matu mara Karai Kasang a dinghpring lu ai lam rai nga ai: lachyen lahka chyawm gaw hpa mung n nga lu ai.

SHINGRAN 15:4

Madu e, nang hpe n hkrit ai hte, na a amying nsang hpe n shagrau ai gaw kadai wa rai na a ta? Nang chyu sha chyoi pra nga ndai; na a dinghpring ai lam ni dan hkung nga ai majaw, masha amyu baw shagu na a man e sa nawku na mara ai law,” nga nna tsun ma ai.

SHINGRAN 15:6

dai Htingnu kaw na ari zinli sanit lang ai lamu kasa sanit pru sa ma ai; shanhte gaw htoi tu san pra ai lungseng mawn sumli nna, tinang a sinda e aja shingkyit kyit nga ma ai.

SHINGRAN 19:14

Sumsing lamu na luksuk ni mung, gumra ahpraw jawn nna san seng hpraw tu ai lachyit nba bu hpun let, shi hpang e hkan nang ma ai.

SHINGRAN 3:18

Dai re ai majaw, nang sut su u ga, wan mang hta jen kau sai ja jet hpe mung, na a singgu krin re ai kaya hpa masha man e n dawng lit ga, nang lawai na matu hpraw ai hpun palawng mung, na a myi mu lu lit ga, chya na matu myi tsi mung, ngai kaw na mari la lu na, ngai nang hpe hpaji daw ya de ai.