SHINGRAN 19:7 - Jinghpaw Hanson Version Bible

⁷ Anhte kabu gara nga ai hte sharawng awng nga ga, shi a hpung shingkang hpe shagrau nga ga: kaning rai nme law, dai Sagu Kasha a hkungran ai poi du ra ai hte, shi a num ningnan jan gaw shi hkum hpe mawn sumli ngut sai rai nna,

Jinghpaw Common Language Bible 2009

⁷ Dai Sagu Kasha a hkungran poi aten du ra ai rai nna, anhte kabu gara nga ai hte awng sharawng nga ga, shi a hpung shingkang hpe shakawn shagrau nga ga, Shi a num ningnan jan gaw, shi hkum hpe mawn sumli ngut sai rai nna,

SHINGRAN 19:7 ပူးပေါင်းရင်းမြစ်များ

SHAKAWN KUNGDAWN 107:42

Myit malang ai ni dai hpe mu lu nna kabu nga ma ai. N hkru ai ni mung tinang a n-gup pat kau ma ai.

SHAKAWN KUNGDAWN 48:11

Nang tara dara ai lam a majaw, Ziun bum kabu gara nga nna, Yuda a shayi sha ni sharawng awng nga mu ga.

SHAKAWN KUNGDAWN 9:14

shaloi na a akyu nlang hte gaw ngai gawn dan nna, Ziun shayi sha a chyinghka lam e, na a hkye la ai lam majaw, kabu gumlawt na nngai.

GA SHAGAWP 29:2

Dinghpring ai ni up yang, mung masha ni kabu nga ma ai; Tara n lang ai wa ahkang aya lu yang, mung masha ni madai nga ma ai.

Shawlumon A Mahkawn Ga 3:11

Ziun shayi chyinghkawn ni e, pru marit: Hkungran nna, myit masin kabu gara ai nhtoi hta, Kanu shagup ya ai, janmau gup nga ai, Hkawhkam Shawlumon hpe mada yu mu law.

ESAIA 52:1

Ziun e, hprang u, hprang u, na a n-gun atsam dagraw u; chyoi pra ai mare Yerusalem e, na a tsawm htap ai hpun palawng hpe mawn sumli u: kaning rai nme law, ya kaw nna matu n gadoi ai hte n san n seng ai wa kadai mung, nang kaw shang lu na n rai.

ESAIA 62:5

Shabrang wa gaw mahkawn hte hkungran ai zawn, na a shadang sha ni gaw, nang hte hkungran na mara ai; la ningnan gaw num ningnan majaw kabu gara nga ai hte maren, na a Karai Kasang na a majaw kabu gara nga na ra ai.

ESAIA 66:10

“Yerusalem hpe tsawra ai ni e, shi hte rau kabu gara ai hte myit pyaw nga mu; shi a lam sharung shayawt ai ni, yawng hte e, shi hte rau kabu gara ai myit hte awng sharawng nga mu:

ESAIA 66:14

Nanhte dai hpe mu lu ai hte, nanhte a myit masin kabu gara nna, nanhte a nrut nra ni tsit lali ai tsingdu zawn, tsang wa na ra ai; Yehowa a lata gaw shi a shangun ma ni hpe maga nna, hpyen ni hpe pawt sindawng ai myit madun dan na ra ai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

MAHTE 1:20

Ndai lam ni hpe naw myit aru nga yang, yu u, Madu a lamu kasa langai mi yup mang hta shi hpe hkum madun dan nna, “Dawi a kasha Yawsep e, na a madu jan Mari hpe la na myit hkum ru et; shi a na-um nasin gaw, dai Chyoi pra ai Wenyi kaw na rai nga ai:

MAHTE 22:2

“Sumsing lamu a mungdan gaw, kasha a matu hkungran ai poi shachyip ai hkawhkam hte bung nga ai:

LUKA 12:36

tinang a madu hkungran poi de na bai wa nna, chyinghka wa akawk yang, shi hpe shaloi jang hpaw la lu hkra ala nga ai ni zawn, nanhte mung rai nga mu.

YAWHAN 3:29

Num nnan lu ai wa gaw, la nnan rai nga ai; la nnan a makau e tsap nga nna, shi a ga na la ai jinghku wa gaw, la nnan a nsen majaw ja ja kabu nga ai: shing re ai kabu gara lam gaw, ngai hta dik wa sali ai.

2 KORINHTU 11:2

Kaning rai nme law, Karai Kasang a nja nhpra ai hte maren, ngai nanhte a lam nja nhpra rai nga nngai; nanhte hpe hkawnsek hpe zawn Hkristu kaw jaw ya nna, madu langai sha hte ngai nanhte hpe hkungran ya made ai.

EHPESU 5:23

kaning rai nme law, Hkristu gaw dai Hpung a baw rai nga ai zawn, dai madu wa mung madu jan a baw rai nga ai: Hkristu shi hkum nan dai hkumhkrang a Hkye hkrang la ai Madu rai nga ai.

EHPESU 5:32

Ndai lam gaw sung htum ai lam kaba rai nga ai: shing nga ai gaw Hkristu a lam hte dai Hpung a lam hpe ngai tsun nga nngai.

TARA JAHPRANG 32:43

Maigan amyu ni e, shi a amyu hte rau kabu mu: Shi a ali ama ni a asai matai shi htang nna, Shi hpe gumlau ai ni e dawdan na mu ai; Shi a mungdan hte shi amyu a matu gawng malai hkungga shi jaw ya na ra ai, nga ai,” rai nga ai.

HPILIPI 3:3

Anhte mahtang, Karai Kasang a Wenyi hte nawku nna, Hkristu Yesu hta gumrawng nga ai hte, hkum shan hta e n shamyet n shanat ai ni gaw, matu gadoi hkam ai ni majing rai nga ga ai:

SHINGRAN 11:13

Dai ahkying hta e nnang nawn kaba anawn wa nna, dai mare daw shi hta daw mi ru hkrat mat wa ai; dai nnang nawn hta si lawm mat ai masha ni a amying hkying sanit rai nga ai: naw ngam nga ai ni chyawm gaw hkrit kamyin nga ma ai rai nna, sumsing lamu a Karai Kasang hpe shagrau shakawn nga ma ai.

SHINGRAN 19:9

Bai, dai lamu kasa gaw, “Dai Sagu Kasha a hkungran ai poi de shaga la hkrum ai ni gaw, a lu ma ai,” ngu nna ka da u, nga nna mung, “Ndai ga gaw Karai Kasang a tengman ai mungga rai nga ai, nga nna mung,” ngai hpe tsun nngai.

SHINGRAN 21:2

Shaloi chyoi pra ai mare ngu ai Yerusalem ningnan gaw, la ningnan a matu mawn sumli ai num ningnan zawn, lajang shachyip ngut nna, Karai Kasang a man sumsing lamu de na yu hkrat wa ai, ngai mu nngai.

SHINGRAN 21:9

Shaloi, hpang jahtum na ari zinli hte hpring chyat re ai gawm sanit lang ai lamu kasa sanit hta na langai mi sa du nna, ngai hte ga tsun ai gaw, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga ai.

1 SAMUELA 2:1

Shaloi Hana akyu hpyi let shakawn wu ai gaw, “Nye a myit masin Yehowa hta kabu nga li ai: Yehowa majaw nye a nrung tsaw nga li ai; Shi a hkye hkrang la ai chyeju hta kabu nngai majaw, Nye a hpyen ni a man e ngai grang lu ni ai.