SHINGRAN 19:4 - Jinghpaw Hanson Version Bible

⁴ Shaloi dai salang hkun mali hte dai dusat amyu mali hte gaw, dingnyawm dagup nna, tingnyang hta dung nga ai Karai Kasang hpe nawku let, “Amen, Haleluya,” nga ma ai.

Jinghpaw Common Language Bible 2009

⁴ Shaloi, dai salang hkun mali hte asak hkrung ai dusat mali hte gaw, dingnyawm dagup nna, tingnyang hta dung nga ai Karai Kasang hpe nawku let, “Amen! Karai Kasang hpe shakawn kungdawn mu!,” nga ma ai.

SHINGRAN 19:4 ပူးပေါင်းရင်းမြစ်များ

1 HKAWHKAM LABAU 16:36

Israela a Karai Kasang Yehowa gaw, Htani htana prat dingsa e a nga u ga law. Shaloi shawa masha ni yawng, Amen, ngu nna, Yehowa hpe shakawn kungdawn mu ai.

NEHEMIA 5:13

Dai hta kaga ngai gaw, nye a palawng galu ahpu let, “Ndai ga shaka n hkan ai wa kadai hpe mung, shi a nta hte shi a amu bungli hta na, Karai Kasang ahpu kau u ga: dai zawn ahpu kau ai hte man mat ai hkrum mu ga,” nga nna tsun jang, shawa hpawng ting, “Amen,” nga nna Yehowa hpe shakawn kungdawn ma ai. Mung masha ni gaw ndai ga shaka tawn da ai hte maren hkan galaw ma ai.

NEHEMIA 8:6

ya Ezra gaw galu kaba re ai Karai Kasang Yehowa hpe shakawn kungdawn wu ai. Mung masha ni nlang hte gaw, tinang a lata sharawt let, “Amen, Amen,” nga ma ai rai nna, ga du hkra gum dagup let, Yehowa hpe nawku nga ma ai.

SHAKAWN KUNGDAWN 104:35

Yubak kap ai ni dinghta ga hta na htum mat nna, Tara n lang ai ni hpang de n pra lu mu ga! Nye a myit masin e, Yehowa hpe sha-a nga u. Halelu-Yah.

SHAKAWN KUNGDAWN 106:48

Israela Karai Kasang Yehowa gaw, Htani htana prat dingsa e, a nga u ga law! Masha amyu shagu, Amen, nga mu ga. Halelu-Yah.

SHAKAWN KUNGDAWN 41:13

Israela a Karai Kasang Yehowa gaw, Htani htana prat dingsa e, a nga u ga law. Amen, rai sa, Amen.

SHAKAWN KUNGDAWN 72:19

Shi a dan hkung nga ai amying nsang prat dingsa e, a nga u ga; Mungdan ting gaw shi a hpung shingkang pri rai nga u ga law. Amen, rai sa, Amen.

SHAKAWN KUNGDAWN 89:52

Yehowa gaw htani htana e, a nga u ga law. Amen, rai sa, Amen.

YEREMIA 28:6

myihtoi Yeremia gaw, Amen, Yehowa dai lam galaw u ga; Yehowa nta na arai ni hte hpawn, Babelon mare e bawng dung ai ni nlang hte hpe ndai shara e bai woi wa nna, nang htoi ya ai myihtoi ga, Yehowa shadik u ga.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, yu mu, lamu ga aprat htum hkra, ngai nanhte hte rau dinggrin anga nga na nngai law, ngu nna shanhte hpe matsun dat mu ai.

MAHTE 6:13

Agung alau nga ai de, anhte hpe n sa shangun ai sha, N kaja ai lam hta na, shaw la mi law.

1 KORINHTU 14:16

Shing n rai, wenyi hte sha nang shaman n yang gaw, karing karang re ai wa gaw na a ga n chye na ai majaw, nang chyeju dum ai ga tsun ai shaloi, shi gaw kaning rai, Amen, nga nna hkan sharau lu na a ta?

SHINGRAN 15:7

Bai, dai dusat amyu mali hta na langai mi gaw, htani htana prat dingsa ahkrung nga ai Karai Kasang a sindawng kahtet ai hte hpring chyat re ai gawm sanit, dai lamu kasa sanit hte hpe ya mu ai.

SHINGRAN 19:1

Dai hte a hpang e sumsing lamu kata e wunawng wuwa law law a wu ai nsen kaba gaw, “Haleluya: Hkye hkrang la ai lam, hpung shingkang hte n-gun atsam gaw anhte a Karai Kasang hte seng nga ai:

SHINGRAN 19:3

Bai lang mi shanhte gaw, “Haleluya: dai mare a wan hkut gaw, htani htana prat dingsa amawng lung nga ai,” nga ma ai.

SHINGRAN 19:6

Bai wunawng wuwa law law a nsen zawn, hka law law kadu ai a nsen zawn, mu ngoi kaba ai a nsen zawn, “Haleluya: Chyahtum chyalai n-gun rawng ai Madu anhte a Karai Kasang gaw, a up nga ai:

SHINGRAN 5:14

Shaloi dai dusat amyu mali gaw, Amen, nga ma ai; salang ni mung dingnyawm nna nawku ma ai.