SHINGRAN 19:13 - Jinghpaw Hanson Version Bible

¹³ Asai lapri bun ai hpun palawng shi bu hpun nna, shi a amying gaw, Karai Kasang a Mungga, nga nna mying nga ai.

Jinghpaw Common Language Bible 2009

¹³ Asai galwi tawn ai palawng shi bu hpun nna, shi a mying gaw, “Karai Kasang a Mungga,” nga nna mying nga ai.

SHINGRAN 19:13 ပူးပေါင်းရင်းမြစ်များ

SHAKAWN KUNGDAWN 58:10

Dinghpring ai wa gaw matai dawp ai mu lu yang, kabu na ra ai; Tara n lang ai ni a asai hta shi a lagaw hpe kashin na ru ai.

ESAIA 9:5

Kaning rai nme law, anhte a matu kasha shangai nna, anhte hpe shadang sha jaw mi ai: shi a lahpa ntsa e up ai ahkang mara nga na rai nna, shi a amying hpe, “Mauhpa wa, Hpaji daw ai wa, Daru Magam Karai Wa, Htani htana Kawa, Ngwipyaw Madu,” ngu nna shamying na mu ai.

YAWHAN 1:1

Shawng ningpawt e Mungga nga ai; dai Mungga gaw Karai Kasang hte rau rai nga ai rai nna, dai Mungga nan Karai Kasang rai nga ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

1 YAWHAN 1:1

Shawng npawt kaw nna nga ai rai nna, anhte na yu ai hte, anhte a myi hte mu yu ai hpe, anhte mada yu ai hte anhte a lata hte hkra ai, asak hkrung ai mungga a lam, anhte nanhte hpe gawn dan ga ai;

1 YAWHAN 5:7

Dai Wenyi gaw tengman ai npawt rai nga ai majaw, dai Wenyi nan sakse hkam nga ai.

SHINGRAN 14:20

Dai tsabyi htumbyen hpe mare shinggan e kabye shup nna, dai hta na pru ai asai gaw, gumra runghtung dep hkra tung nna, stadia hkying mi kru tsa du hkra lwi wa ai.