SHINGRAN 19:1 - Jinghpaw Hanson Version Bible

¹ Dai hte a hpang e sumsing lamu kata e wunawng wuwa law law a wu ai nsen kaba gaw, “Haleluya: Hkye hkrang la ai lam, hpung shingkang hte n-gun atsam gaw anhte a Karai Kasang hte seng nga ai:

Jinghpaw Common Language Bible 2009

¹ Dai hte a hpang e, sumsing lamu kata e masha wunawng wuwa kaba langai mi a wu ngoi ai nsen hte bung ai nsen hpe ngai na nngai. Shanhte gaw, “Karai Kasang hpe shakawn kungdawn mu! Hkye hkrang la ai lam, hpung shingkang hte hpung dagu gaw, anhte a Karai Kasang hte seng nga ai!

SHINGRAN 19:1 ပူးပေါင်းရင်းမြစ်များ

1 HKAWHKAM LABAU 29:11

Yehowa e, daru magam, n-gun atsam, hpung shingkang, padang ninglaw hte arawng sadang nang hta anga nga ai law: sumsing lamu hte ginding aga ntsa nga manga hpe nang madu nga ndai; Yehowa e, dai mungdan gaw na a mungdan rai nga ai hte, nga yawng nga pra ntsa e nang grau nga ndai.

SHAKAWN KUNGDAWN 104:35

Yubak kap ai ni dinghta ga hta na htum mat nna, Tara n lang ai ni hpang de n pra lu mu ga! Nye a myit masin e, Yehowa hpe sha-a nga u. Halelu-Yah.

SHAKAWN KUNGDAWN 106:1

Yehowa hpe shakawn kungdawng mu: Yehowa gaw mai kaja nga ai majaw, chyeju dum mu; Shi a chyeju htani htana e anga nga ai.

SHAKAWN KUNGDAWN 111:1

Myit malang ai ni a salang bawng hta e mung, Dai shawa hpawng hta e mung, nye a myit masin mahkra hte, Ngai Yehowa hpe shakawn kungdawn na nngai.

SHAKAWN KUNGDAWN 115:18

Anhte chyawm gaw, ya kaw nna, htani htana du hkra, Yehowa hpe shakawn kungdawn nga na ga ai. Halelu-Yah.

SHAKAWN KUNGDAWN 146:1

Nye a myit masin e, Yehowa hpe shakawn kungdawn u.

SHAKAWN KUNGDAWN 148:1

Sumsing lamu de na, Yehowa hpe shakawn mu, Tsaw Htum ai shara e, shi hpe kungdawn mu.

SHAKAWN KUNGDAWN 149:1

Yehowa hpe mahkawn ga nnan mahkawn mu; Chyoi pra ai ni a hpawng hta e, Shi hpe shakawn kungdawn ai ga, mahkawn mu.

SHAKAWN KUNGDAWN 150:1

Karai Wa a chyoi pra ai shara kaw e, shi hpe shakawn kungdawn mu; Shi a atsam dan hkung ai lamu madin a ntsa e, Shi hpe shakawn kungdawn mu.

SHAKAWN KUNGDAWN 3:8

Yehowa gaw hkye hkrang la ai lam rai nga ai; Na amyu a ntsa e, na a shaman ai gaw, anga nga u ga law. [Selah.]

SHAKAWN KUNGDAWN 62:11

Karai Kasang lang mi ga jaw ni ai: Karai Kasang n-gun a npawt rai nga ai gaw, Lahkawng lang ngai na yu se ai.

YEREMIA 51:48

Dai shaloi e sumsing lamu, ginding aga hte dai hta rawng marawng gaw, Babelon a lam kabu gara ai hte mahkawn mangoi na mara ai: kaning rai nme law, shi hpe jahten shabyak ai ni, dingdung maga de na du na mara ai rai nna,

YONA 2:9

Be be lila masu ai lam hpe awlaw ai ni gaw, Tinang nang a chyeju lam, kau da shajang ma ai.

MAHTE 6:13

Agung alau nga ai de, anhte hpe n sa shangun ai sha, N kaja ai lam hta na, shaw la mi law.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 12:10

Shaloi sumsing lamu kata na nsen kaba gaw, Ya gaw anhte a Karai Kasang a hkye hkrang la ai lam, hpung shingkang hte mungdan mung, shi a Hkristu a ahkang aya mung, rai wa sai: kaning rai nme law, anhte a Karai Kasang a man e, anhte a hpunau ni hpe shani shana mara shagun ai, jahte tam wa gaw, jahkrat kau ai hkrum nu ai.

SHINGRAN 19:6

Bai wunawng wuwa law law a nsen zawn, hka law law kadu ai a nsen zawn, mu ngoi kaba ai a nsen zawn, “Haleluya: Chyahtum chyalai n-gun rawng ai Madu anhte a Karai Kasang gaw, a up nga ai: