SHINGRAN 18:9 - Jinghpaw Hanson Version Bible

⁹ Shi hte hpye ai amu galaw nna, sawse lawklek ai ga ntsa hkawhkam ni gaw, dai mare hkru ai wan hkut mu ma ai shaloi, shi hkrum ai ari hpe hkrit nna tsan tsan e tsap nga let,

Jinghpaw Common Language Bible 2009

⁹ Shi hte hpye ai amu galaw nna sawse lawklek ngang kayut ai ga ntsa na hkawhkam ni gaw, dai mare hkru ai wan kaw na pru ai wan hkut hpe mu ma ai shaloi, hkrap ngu hkrap ngoi sharung shayawt na mara ai.

SHINGRAN 18:9 ပူးပေါင်းရင်းမြစ်များ

NINGPAWT NINGHPANG 19:28

Sodom hte Gomora maga de mung, dai ginwang ting de mung shi mada yu wu yang, yu u, wan nhkut gaw wan nmang hta na hku ai wan hkut zawn dai mung ting hta nna mawng lung nga ai.

SHAKAWN KUNGDAWN 58:10

Dinghpring ai wa gaw matai dawp ai mu lu yang, kabu na ra ai; Tara n lang ai ni a asai hta shi a lagaw hpe kashin na ru ai.

ESAIA 13:19

Shing rai, mungdan ni a baw, Hkalde masha ni a dan hkung ai hpung shingkang ngu ai, Babelon mare gaw, Karai Kasang jahten kau ai Sodom yan Gomora zawn rai na ra ai.

ESAIA 30:33

Kaning rai nme law, moi chyaloi nhkoi kaw nna, Tohpet shara hpajang da sai; gaja wa, hkawhkam wa a matu lajang da sai; dai shara hpe sung ai hte dam lada di nu ai; de a sumpum gaw wan hte hpun law law rai nga ai: Yehowa a nsoi nsa gaw, byawng mat ai kan zawn, dai hpe shachyi na ra ai.

YEREMIA 50:40

Karai Kasang gaw Sodom, Gomora hte grup yin na mare ni hpe jahten kau nna shingran katsi ai zawn, Babelon mare hta kadai mung n nga ai hte, shinggyim kasha kadai mung n shanu nga na ra ai, nga nna Yehowa tsun ai.

YEREMIA 50:46

Babelon mare hpe gasat la ai nsen majaw, lamu ga gari nga ai; de a ngoi kadu ai nsen hpe, masha amyu ni na lu ma ai.

YEREMIA 51:8

Babelon mare gaw akajawng sha kadawng nna, hten mat sai; shi a matu sharung shayawt mu; shi a hkala nba mai wa lu yang, shamai na matu, balsam naw sa la mu.

EZEKELA 27:35

Zunlawng ni hta shanu nga ai ni yawng, nang hkrum ai lam majaw, mau mat ma ai: shanhte a hkawhkam ni gaw nachying hkrit gari nna, myi man sum let nshung si bun ma ai.

Daniela 4:14

‘Hpun hpe kran kau u; lakung lakying ni hpe krum kau mu; asi alap ni hpe sharun ayai kau mu: ashu ashan ni gaw dai hpun npu na pru wa nna, u ni gaw lakung lakying ni hta na pyen mat wa mu ga.

TARA JAHPRANG 29:23

htawm hpang prat na nanhte a kashu kasha ni hte sumtsan mung na sa ai tsasam wa mu ma yang, masha amyu myu ni gaw, “Ndai mungdan hpe hpa majaw Yehowa ning di wu ai i? Nde wa pawt ai sindawng gaw kaning re ai i?” nga nna san shajang na mara ai.

1 TIMOHTI 5:11

Dai hta aprat kaji ai gaida jan ni hpe shinggan kau mu: shanhte gaw Hkristu a lam n hkam sharang lu ai shaloi e, hkungran mayu ma ai rai nna,

SHINGRAN 14:11

shanhte hpe nni nkri zingri ai hta na wan hkut gaw, htani htana prat dingsa amawng lung nga ai; dai matse labye hte shi a hkrang sumla hpe nawku ai ni hte, shi a amying a masat dingsat hkam la ai wa gaw, shani shana n ban n sa lu ma ai,” nga nna nsen kaba hte tsun nga ai.

SHINGRAN 17:2

ga ntsa hkawhkam ni gaw shi hte hpye ai amu galaw nna, mungkan ga e nga ai ni gaw, shi a hpye ai amu a tsabyi jahku hte nang ma masai,” nga nna ngai hpe tsun ai.

SHINGRAN 18:18

“Dai galu kaba ai mare hte bung ai gaw, gara mare rai nga a ta?” nga nna jahtau ma ai.

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.

SHINGRAN 18:3

Kaning rai nme law, shi a hpye ai amu ngu ai tsabyi jahku hte masha amyu baw shagu kadawng daw mat masai; ga ntsa hkawhkam ni mung shi hte rau hpye ai amu galaw nna, shi a hpung shingkang hte sawse lawklek ai lam a majaw, mungkan ga na hpaga ni sut su wa masai,” nga nna ja ai nsen hte jahtau wu ai.

SHINGRAN 18:7

Shi tinang hkum shareng nna sawse lawklek kaba wa ai made, zingri zingrat ai hte sharung shayawt ai, shi hpe htang jaw mu: kaning rai nme law, shi gaw, Ngai hkawhkam jan hkaw dung nga nngai; ngai gaida jan n rai; galoi mung sharung shayawt ai ngai n hkrum na nngai, nga nna kraw kata e tsun nga ai.

SHINGRAN 19:3

Bai lang mi shanhte gaw, “Haleluya: dai mare a wan hkut gaw, htani htana prat dingsa amawng lung nga ai,” nga ma ai.

SHINGRAN 2:22

Yu u, ngai shi hpe yup ra hta kabai tawn na we ai; shi hte rau num shaw la shaw ai amu galaw ai ni hpe mung shi a arawn alai hta na myit n malai ma yang gaw, tsin-yam tsindam kaba hta, ngai kabai tawn na mawe ai.