SHINGRAN 18:6 - Jinghpaw Hanson Version Bible

⁶ Shi di ai hte maren shi hpe di htang mu; shi galaw ai lam hte maren htam lahkawng bai htang mu: shi hpaw ai gawm hta shi hpe htam lahkawng bai hpaw jaw mu.

Jinghpaw Common Language Bible 2009

⁶ Shi nanhte hpe di ai hte maren shi hpe bai di htang mu; shi galaw ai lam yawng mayawng hte maren, htam lahkawng bai htang mu; nanhte a matu gawm hta shi kayau lajang ya ai luhpa hta htam lahkawng ja ai hku jahpring ya mu.

SHINGRAN 18:6 ပူးပေါင်းရင်းမြစ်များ

SHAKAWN KUNGDAWN 137:8

Run kau hkrum ai Babelon shayi sha e, Nang anhte hpe di mi ai hte maren, Nang hpe bai tai lu ai wa gaw, a nga ai.

SHAKAWN KUNGDAWN 28:4

Shanhte a amu hte n hkru ai lam hte maren shanhte hpe bai tai u; Shanhte a lata galaw ai hte maren, shanhte hpe bai jaw u; Shanhte a amu shanhte hpang de nhtang dat u.

ESAIA 40:2

Yerusalem mare hpe ngwipyaw ga tsun mu: shi a hpyen majan ngut wa sai, shi yubak raw dat kau ai hkrum sai, yubak mara majaw ari hkrum ai hta, Yehowa lata hta na chyeju htam lahkawng hkam la nu ai, ngu nna shi hpe jahtau tsun mu.

ESAIA 61:7

Nanhte kaya kahpa hkrum ai a malai, akyu htam lahkawng lu la nna, arawng hpoi hkrum ai a malai, shanhte a kumhtaw hta kabu gara lu na myit dai: dai rai nna shanhte gaw tinang a mung hta akyu htam lahkawng lu la nna, htani htana kabu gara ai hkrum na mara ai.

YEREMIA 16:18

Shanhte gaw nye a mung hpe, tinang a n san n seng ai si mang ni hte awu asin di kau nna, nye a sali wunli ga hpe, matsat shabat hte jahpring ai majaw, ngai shanhte hpe ari htam lahkawng, shawng jaw na nngai.

YEREMIA 17:18

Ngai hpe zingri zingrat ai ni kaya kahpa hkrum mu ga; ngai mahtang kaya kahpa n hkrum u ga; shanhte mak mat mu ga, ngai mahtang mak mat ai n hkrum u ga: ru tsang hkrum ai shani shanhte a ntsa e du shangun nna, shanhte hpe atsai awai agrawp kau mu.

YEREMIA 50:15

Mare grup yin e garu mu; shi yin la sai; langchyi ni daw mat sai, bunghku ni run mat sai: dai gaw Yehowa a matai dawp ai lam rai nga ai majaw, shi hpe matai dawp mu; shi galaw yu ai hte maren, shi hpe galaw mu.

YEREMIA 50:29

Ndan gap ai ni nlang hte hpe, Babelon mare de shaga mu; ndan shachyen ai ni e, mare grup yin wang tawn mu; langai mi muk n lawt u ga; dai mare a arawn alai hte maren tai mu; shi galaw yu ai yawng hte maren, shi hpa galaw mu: kaning rai nme law shi gaw, Israela Chyoi pra ai Wa ngu ai Yehowa hpe gumrawng gumtawng nu hka!

YEREMIA 51:24

Shing rai ngai gaw Babelon mare hte Hkalde masha ni mahkra, Ziun mare hta nanhte a man e galaw ai n hkru ai lam yawng hte maren, shanhte hpe matai htang na nngai, nga nna Yehowa tsun ai.

YEREMIA 51:49

Babelon majaw Israela share ni sat kau hkrum ai zawn, Babelon mare hta, mung shagu na share ni gaw sat kau hkrum na mara ai, nga nna Yehowa tsun ai.

SHARUNG SHAYAWT 3:64

Yehowa e, shanhte a lata galaw ai amu hte maren, nang shanhte hpe nhtang tai na ndai.

ZEHKARIA 9:12

myit mada nga ai bawng dung ni e, hpyen dap de nhtang wa manu: ngai nang hpe chyeju htam lahkawng jaw na nngai, dai ni jang ngai tsun da ni ai.

2 TIMOHTI 4:14

Janghkam wa Alesandru gaw ngai hpe n kaja ai law law wa galaw ni ai; shi a arawn alai hte maren dai Madu gaw shi hpe tai htang na ra ai;

SHINGRAN 13:10

Masha wa hpe sharen ai wa gaw, sharen da ai hkrum na ra ai; nhtu hte sat ga ai wa mung, nhtu hte si na ra ai. Ndai lam hta chyoi pra ai ni a shakut sharang shara hte makam masham lam dan pru nga ai.

SHINGRAN 14:10

Karai Kasang a sindawng kahtet ngu ai gawm hta hpaw bang tawn ai pawt bu ai tsabyi jahku jet lu lu na ra ai; dai hta n-ga shi gaw chyoi pra ai lamu kasa ni a man e mung, dai Sagu Kasha a man e mung, wan hte kan kayau ai hta nni nkri zingri ai hkrum na ra ai:

SHINGRAN 16:19

Dai rai nna, dai galu kaba ai mare gaw masum brang ga mat wa ai; masha amyu ni a mare ni mung kadawng daw mat shajang ma ai; Babelon mare kaba hpe mung Karai Kasang a sindawng kahtet ai pawt bu ngu ai tsabyi jahku a gawm lu shangun na, shi a man e dai mare hpe matsing da nga ai.

SHINGRAN 17:2

ga ntsa hkawhkam ni gaw shi hte hpye ai amu galaw nna, mungkan ga e nga ai ni gaw, shi a hpye ai amu a tsabyi jahku hte nang ma masai,” nga nna ngai hpe tsun ai.

SHINGRAN 17:4

Dai numsha gaw hkyeng mang ai hte hkyeng kabrim ai hpun palawng bu hpun nna, aja, lungseng, pale hte mawn sumli nga ai; shi hpye ai amu a n san n seng ai hte, matsat shabat lam hpring chyat re ai aja gawm, shi a lata hta lang da wu ai:

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.