SHINGRAN 18:5 - Jinghpaw Hanson Version Bible

⁵ kaning rai nme law, shi a yubak lamu dep hkra law wa ai rai nna, Karai Kasang gaw shi a n ding n hpring ai lam ni hpe matsing da nu ai.

Jinghpaw Common Language Bible 2009

⁵ Hpa majaw nga yang, shi a yubak mara ni lamu dep hkra sumpum taw nga ai rai nna, Karai Kasang gaw shi a n hkru n shawp ai lam ni hpe myit dum matsing da nu ai.

SHINGRAN 18:5 ပူးပေါင်းရင်းမြစ်များ

2 HKAWHKAM LABAU 28:9

Rai timung Oded mying ai Yehowa a myihtoi langai mi dai yang e nga ai: dai wa gaw Samari mare de bai wa ai luksuk ni hpe sa tau la nna, shanhte hpe, “Yu mu, nanhte a nji nwa ni a Karai Kasang Yehowa gaw Yuda amyu hpe pawt bu ai majaw, shanhte hpe nanhte a lata hta ap ya manit dai; nanhte mung lamu dep hkra, n-yun bu ai hte shanhte hpe sat kau manu hka.

EZRA 9:6

“Nye a Karai Kasang e, anhte a yubak gaw baw lim hkra law nga nna, anhte a mara gaw sumsing lamu dep nga ai majaw, nye a Karai Kasang a man e nye a myi man sharawt mada yu na, ngai hkrit kaya ai hte myi man sum nga nngai.

YEREMIA 51:9

Anhte gaw Babelon mare hpe shamai mayu timung, shi n mai hkraw ai: shi hpe kau da nna, anhte langai hte langai tinang a buga de nhtang wa ga; shi hkrum ai ari ahpri gaw, sumsing lamu de du nna, sumwi hpe dep nga ai.

YONA 1:2

Rawt u, kaba la ai Ninewe mare de sa nna, shama ai ga hte jahtau tsun u: kaning rai nme law, shanhte a n hkru ai amu, nye a man de hkrang lung wa ra ai, ngu wu ai.

SHINGRAN 16:19

Dai rai nna, dai galu kaba ai mare gaw masum brang ga mat wa ai; masha amyu ni a mare ni mung kadawng daw mat shajang ma ai; Babelon mare kaba hpe mung Karai Kasang a sindawng kahtet ai pawt bu ngu ai tsabyi jahku a gawm lu shangun na, shi a man e dai mare hpe matsing da nga ai.