SHINGRAN 18:4 - Jinghpaw Hanson Version Bible

⁴ Bai, sumsing lamu de na nsen kaga gaw, “Nye a amyu masha ni e, dai mare a yubak hta nanhte n lawm myit ga mung, de a ari zinli n hkrum myit ga mung, shi kaw na pru wa mu:

Jinghpaw Common Language Bible 2009

⁴ Dai hpang sumsing lamu de na nsen langai mi gaw, “Nye a amyu masha ni e, pru sa wa marit! Shi kaw na pru wa marit! Shi hte rau yubak mara n galaw myit ga, shi hte rau dai ari n jawm hkrum myit ga!

SHINGRAN 18:4 ပူးပေါင်းရင်းမြစ်များ

NINGPAWT NINGHPANG 19:14

Dai majaw Lawt gaw pru nna shi a shayi sha ni hpe la ai kahkri ni e, “Rawt mu, ndai yang na pru wa mu; mare ndai hpe Yehowa jahten kau na da,” ngu nna hkan tsun wu ai. Kahkri ni chyawm gaw, shi shatu ai sha rai nga ai, nga nna myit ma ai.

SHAKAWN KUNGDAWN 50:18

Lagu lagut mu yang, nang shi hpe ra nga nna, Num shaw ai ni hte rau mazum nga ndai.

ESAIA 48:20

Babelon mare na pru wa mu, Hkalde a masha ni kaw na hprawng wa mu: mahkawn mangoi ai nsen hte, Yehowa gaw shi a shangun ma Yaku hpe hkye hkrang la nu ai, nga nna lamu ga htum hkra tsun shabra mu.

ESAIA 52:11

Pru mu, pru mu, dai shara kaw na pru wa mu; n san n seng ai hpe hkum hkra myit; dai mare kata na pru wa mu: Yehowa a arung arai hpai ai ni e, tinang hkum hpe jasan jaseng mu.

YEREMIA 50:8

Babelon mare na hprawng wa mu; Hkalde mung na pru wa mu; sagu hpung ni a shawng e sagu la zawn tai nga mu.

YEREMIA 51:45

Nye a amyu e, dai mare kata na pru wa mu; Yehowa pawt bu ai kaw na, langai hte langai tinang a asak mawai la mu.

YEREMIA 51:50

Nhtu tsin-yam lawt ai ni e, sa wa mu, hkum hkring nga myit: sumtsan mung hta Yehowa hpe dum nna, Yerusalem mare hta myit manoi nga mu.

YEREMIA 51:6

Babelon mare na hprawng pru mu; langai hte langai tinang asak hpe mawai la mu; mare masha ni a yubak hta, hkum lup mat lawm et; kaning rai nme law, dai gaw Yehowa a matai dawp na aten rai nga ai; shi gaw dai mare hpe matai dawp na ra ai.

YEREMIA 51:9

Anhte gaw Babelon mare hpe shamai mayu timung, shi n mai hkraw ai: shi hpe kau da nna, anhte langai hte langai tinang a buga de nhtang wa ga; shi hkrum ai ari ahpri gaw, sumsing lamu de du nna, sumwi hpe dep nga ai.

MAHTE 23:30

“Anhte gaw ji woi ni a lakhtak e pra ga taw gaw, myihtoi ni a asai hpe shapraw na, shanhte hta lawm na ga ai n rai,” nga nna nanhte tsun myit dai.

2 KORINHTU 6:17

Dai rai nna, Shanhte a ka-ang na pru nhtawm, Kaga lak lak rai wa mu, nga nna dai Madu tsun nga ai. Awu asin re ai hpe hkum hkra mu, Shaloi ngai nanhte hpe hkap la na made ai.

1 TIMOHTI 5:22

Kadai wa a ntsa e mung lata alawan hkum mara ya u; masha kaga a yubak hta hkum bawk lawm nga u: tinang dai san seng nga u.

2 YAWHAN 1:11

kaning rai nme law, dai wa hpe hkap shachyen ai masha gaw, shi a n kaja ai hpai lau hta e lawm mat wa ai.