SHINGRAN 18:3 - Jinghpaw Hanson Version Bible

³ Kaning rai nme law, shi a hpye ai amu ngu ai tsabyi jahku hte masha amyu baw shagu kadawng daw mat masai; ga ntsa hkawhkam ni mung shi hte rau hpye ai amu galaw nna, shi a hpung shingkang hte sawse lawklek ai lam a majaw, mungkan ga na hpaga ni sut su wa masai,” nga nna ja ai nsen hte jahtau wu ai.

Jinghpaw Common Language Bible 2009

³ Hpa majaw nga yang, masha amyu baw shagu gaw, dai mare a hpye ai amu hta myit kayut baw bang ai ngu ai sabyi ntsin hpe lu masai. Ga ntsa na hkawhkam ni mung, shi hte rau hpye ai amu galaw ma ai, ga ntsa na hpaga la ni mung dai mare a ladu lai ai myit kayut sawse lawklek ai a majaw sut su wa masai,” nga nna ja ai nsen hte jahtau wu ai.

SHINGRAN 18:3 ပူးပေါင်းရင်းမြစ်များ

ESAIA 47:15

Shing rai nang shakut sharang ai amu hta nang hten byak hkrum na ndai: na a ram prat kaw nna nang hte hpaga ga ai ni langai hte langai gaw tinang a buga de hprawng wa nna, nang hpe hkye la na wa n nga na sai.

YEREMIA 51:34

Babelon hkawhkam Nebuhkadneza gaw, anhte hpe kawa sha nna, adup kau mi ai; shi anhte hpe man ai namtau zawn shatai mi ai; baren zawn shi anhte hpe mayu kau nna, anhte a dawi sau ai shahpa hte, shi a kan hpe jahpring nu ai: shi anhte hpe shaden kau ma ni ai.

YEREMIA 51:7

Babelon mare gaw, Yehowa lang nna, mungkan ting hpe shanang kau ai ja gawm rai nga ai: masha amyu baw ni gaw, dai hta rawng ai tsabyi jahku lu ma ai majaw, mana bu ma ai.

SHARUNG SHAYAWT 4:5

Mu mu mai mai sha ga ai ni gaw, shingbyi shara kata, mare lam ni hta nga nga ma ai: Hkyeng mang ai yup ra ntsa e yup ga ai ni gaw, nga hkyi sumpum machyu nga ma ai.

NAHUM 3:4

dai gaw, ahpraw tsawm nna, shaba wawt ai ni a madu jan ngu ai, shawa num a law la ai hpye ai amu majaw, rai nga ai; shi gaw shi a shawa num a amu hte maigan amyu ni hpe, de a shaba wawt ai amu hte baw sang ni hpe, dut kau nga ai.

LUKA 7:25

Shing n rai, hpa yu na sa myit ta? mani ai hpun palawng bu hpun ai wa hpe rai ni? yu mu, tsawm htap ai hpun palawng bu hpun nna nhpaw n-ya rai nga lu ai ni gaw, hkawhkam a htingnu ni hta nga ma ai.

1 TIMOHTI 5:11

Dai hta aprat kaji ai gaida jan ni hpe shinggan kau mu: shanhte gaw Hkristu a lam n hkam sharang lu ai shaloi e, hkungran mayu ma ai rai nna,

SHINGRAN 14:8

Bai, lahkawng ngu na lamu kasa kaga gaw hkan sa nna, “Masha amyu shagu hpe hpye ai amu ngu ai pawt shabu ai tsabyi jahku lu shangun ai, galu kaba ai Babelon mare gaw, kadawng daw mat sai, kadawng daw mat sai,” nga nna tsun ai.

SHINGRAN 17:2

ga ntsa hkawhkam ni gaw shi hte hpye ai amu galaw nna, mungkan ga e nga ai ni gaw, shi a hpye ai amu a tsabyi jahku hte nang ma masai,” nga nna ngai hpe tsun ai.

SHINGRAN 18:19

Shanhte gaw tinang a baw hta dap hte bun nna, “Dai galu kba ai mare gaw dingnye lu a hka, dingnye lu a hka! nammukdara hta sanghpaw li shayawng lu ai ni yawng hte gaw, dai mare a sutgan kaba ai a majaw sut su wa masai: ahkying mi hta sha shi a katsi katsang rai mat sahka gaw, nga nna hkrap ngu hkrap ngoi ai hte sharung shayawt let jahtau ma ai.

SHINGRAN 18:23

pyengdin a ahtoi mung, nang hta htawm hpang galoi mung htoi tu lu na nrai; la nnan hte num ningnan a nsen mung, nang hta htawm hpang galoi mung na lu na n rai; kaning rai nme law, na a hpaga ni gaw, ga ntsa na daru magam rawng ai ni, rai wa masai; na a mandan lakle amu hte masha amyu baw shagu ni hkalem kau ai hkrum masai.

SHINGRAN 18:7

Shi tinang hkum shareng nna sawse lawklek kaba wa ai made, zingri zingrat ai hte sharung shayawt ai, shi hpe htang jaw mu: kaning rai nme law, shi gaw, Ngai hkawhkam jan hkaw dung nga nngai; ngai gaida jan n rai; galoi mung sharung shayawt ai ngai n hkrum na nngai, nga nna kraw kata e tsun nga ai.

SHINGRAN 18:9

Shi hte hpye ai amu galaw nna, sawse lawklek ai ga ntsa hkawhkam ni gaw, dai mare hkru ai wan hkut mu ma ai shaloi, shi hkrum ai ari hpe hkrit nna tsan tsan e tsap nga let,