SHINGRAN 18:20 - Jinghpaw Hanson Version Bible

²⁰ Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.

Jinghpaw Common Language Bible 2009

²⁰ Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 18:20 ပူးပေါင်းရင်းမြစ်များ

SHAKAWN KUNGDAWN 107:42

Myit malang ai ni dai hpe mu lu nna kabu nga ma ai. N hkru ai ni mung tinang a n-gup pat kau ma ai.

SHAKAWN KUNGDAWN 109:28

Shanhte dagam ma timung, nang gaw shaman ya e; Shanhte rawt ma yang shanhte kaya kahpa hkrum ma ai; na a mayam wa chyawm gaw, kabu gara rai nga ai.

SHAKAWN KUNGDAWN 18:47

Ngai hpang maga e bai tai lu ai lam waw ya nna, Nye a npu e masha amyu ni hpe tawn da ai Karai Wa gaw, a nga u ga law.

SHAKAWN KUNGDAWN 48:11

Nang tara dara ai lam a majaw, Ziun bum kabu gara nga nna, Yuda a shayi sha ni sharawng awng nga mu ga.

SHAKAWN KUNGDAWN 58:10

Dinghpring ai wa gaw matai dawp ai mu lu yang, kabu na ra ai; Tara n lang ai ni a asai hta shi a lagaw hpe kashin na ru ai.

SHAKAWN KUNGDAWN 94:1

Mara bai tai htang ya ai Karai Wa, Yehowa e, Bai tai htang ya ai Karai Wa e, htoi kabrim nga u.

GA SHAGAWP 11:10

Dinghpring ai ni ngamu ngamai yang, mare ting kabu nga ai; Tara n lang ai wa, hten byak hkrum yang chyawm gaw, garu jahtau nga ma ai.

ESAIA 26:21

Kaning rai nme law, ga ntsa masha ni hpe, tinang a yubak majaw, ari jaw na matu, Yehowa gaw shi a shara kaw na pru wa ai; lamu ga gaw shi chyup ai asai bai shapraw dan nna, htawm hpang e sat kau hkrum ai ni hpe makoi magap na n rai.

ESAIA 44:23

Yehowa dai amu galaw ai majaw, sumsing lamu ni e, mahkawn mangoi nga mu; lawu tsang na gingding aga e, marawn jahtau mu: bum ni e, maling hte dai hta tu ai hpun yawng hte e, mahkawn mangoi nga mu: kaning rai nme law, Yehowa gaw Yaku hpe mawai la nna, Israela hta e tinang hkum hpe shagrau sha-a na ru ai.

ESAIA 49:13

Sumsing lamu ni e, mahkawn mangoi mu; ginding aga e, kabu gara nga u; bum ni e, mahkawn mangoi garu mu: kaning rai nme law, Yehowa gaw shi a amyu masha ni hpe shalan shabran nna, nni nkri hkrum ai shi a masha ni hpe, matsan dum na ra ai.

ZEHPANI 3:15

Yehowa gaw, nang hpe dawdan ai ga shabai kau nna, na a hpyen wa hpe manga kau nu ai: Israela hkawhkam ngu ai Yehowa gaw, na a ka-ang e rai nga ai; nang gaw tsin-yam tsindam hpe, htawm hpang e hkrit ra ai, n rai.

EHPESU 2:20

kasa ni hte myihtoi ni, gaw da ai wahpang npawt hta nanhte de kahtap myit dai; Hkristu Yesu nan dai hta e grau htum ai njut nlung rai nga ai;

EHPESU 3:5

dai lam chyawm gaw, dai kabu gara shiga a marang e, Hkristu Yesu hta e, maigan amyu ni gaw Yuda ni hte rau, ga ndat a sali wunli hkam la lu nna, shanhte hte rau hkumhkrang langai sha hte, ga ndat ni hpe jawm lu jawm la ai ni rai nga ma ai hpe,

EHPESU 4:11

Hkristu a hkum hpe shagrin jat wa u ga, gun hpai ang ai bungli a matu, chyoi pra ai ni hpe shakup shatsup na,

TARA JAHPRANG 32:42

Si mana ai ni hte bawng yam ni a, Hpyen du ni hte du gyi ni a asai hte, Nye a pala hpe ngai shanang na we ai; Nye a nhtu mung, shanhte a shan sha na ra ai, ngu nna ngai tsun nga nngai.

2 PETRU 3:2

dai Madu hte Hkye hkrang la ai wa a htet da ai ga hpe mung, nanhte adum nga myit ga, ndai laika yan hta nanhte a san seng ai myit hpe shadum jahprang let, ngai jasu da made ai.

YUDA 1:17

Nanhte chyawm gaw, tsawra ai ni e, anhte a Madu Yesu Hkristu a kasa ni nanhte hpe shawng e tsun dan manit dai ga hpe, adum nga mu:

SHINGRAN 12:12

Dai re ai majaw, sumsing lamu ni hte dai hte hta rawng nga ai ni e, kabu gara nga mu: ginding aga hte nammukdara chyawm gaw dingnye lu ma ai: kaning rai nme law, Nat gaw, shi a nhtoi loi mi sha ngam sai chye wu ai majaw, n-yun bu let nanhte hpang de yu wa sai, nga nna tsun ma ai hpe, ngai na nngai.

SHINGRAN 18:6

Shi di ai hte maren shi hpe di htang mu; shi galaw ai lam hte maren htam lahkawng bai htang mu: shi hpaw ai gawm hta shi hpe htam lahkawng bai hpaw jaw mu.

SHINGRAN 6:10

Shanhte gaw, Chyoi pra ai hte tengman ai Madu e, dinghta ga e nga ai ni a ntsa e anhte a asai matai htang na, nang gaten du hkra tara n dara ai nga nga na n ta? nga nna nsen kaba hte a jahtau nga ma ai.

TARA AGYI 5:31

“Yehowa e, nang hpe hpyen ai ni nlang, dai zawn hten bya ga du mu ga law, Yehowa hpe tsawra ai ni, hpung shingkang hte rawt pru a Ningju jan zawn, kang nga manu ga law,” nga nna shakawn kungdawn nga ma ai. Dai kaw nna mali shi ning tup mung ting majan sim mat ai.