SHINGRAN 18:19 - Jinghpaw Hanson Version Bible

¹⁹ Shanhte gaw tinang a baw hta dap hte bun nna, “Dai galu kba ai mare gaw dingnye lu a hka, dingnye lu a hka! nammukdara hta sanghpaw li shayawng lu ai ni yawng hte gaw, dai mare a sutgan kaba ai a majaw sut su wa masai: ahkying mi hta sha shi a katsi katsang rai mat sahka gaw, nga nna hkrap ngu hkrap ngoi ai hte sharung shayawt let jahtau ma ai.

Jinghpaw Common Language Bible 2009

¹⁹ Shanhte gaw tinang a baw ni hta ga nhpu hte bun nna, “Dai galu kaba ai mare gaw, dingnye lu a hka! Dingnye lu a hka! Panglai sanghpaw li madu ni hpe shi a sut gan hte lu su shangun ai mare gaw, hkying hkum mi laman lu malu sum hkrum mat sahka!,” nga nna hkrap ngu hkrap ngoi ai hte sharung shayawt let jahtau ma ai.

SHINGRAN 18:19 ပူးပေါင်းရင်းမြစ်များ

2 SAMUELA 13:19

Tama mung, shi a baw hta wan dap hte bun let, shi a ka sawm ai hpun palawng gang je kau nhtawm, baw e lata mara nna hkrap let wa ai.

NEHEMIA 9:1

Ya, dai shata a hkun mali ya hta e Israela kashu kasha ni gaw lusha gam let, lachyit nba bu hpun ai hte ga nhpu hte bun nna zuphpawng nga ma ai.

YOBA 2:12

Shanhte gaw tsan tsan kaw nna shi hpe mu mada timung, shi hpe n chye mu ai majaw, shanhte nsen sharawt nna, hkrap ngu hkrap ngoi let, tinang hpun nba gang je kau ai hte, tinang a baw hta hkrat bun hkra, ga nhpu lamu de agat shalun ma ai.

ESAIA 13:19

Shing rai, mungdan ni a baw, Hkalde masha ni a dan hkung ai hpung shingkang ngu ai, Babelon mare gaw, Karai Kasang jahten kau ai Sodom yan Gomora zawn rai na ra ai.

SHARUNG SHAYAWT 2:10

Ziun shayi sha a salang ni gaw, ga ntsa e dung nna, atsin sha nga nga ma ai; Shanhte gaw tinang a baw ntsa e ga nhpu hpe bun nna, lachyit nba lawai ma ai. Yerusalem a mahkawn ni gaw, ga du hkra gum dagup nga ma ai.

EZEKELA 27:30

hkarang e tsap let, na a matu shabam nna, ja ja hkrap na mara ai; shanhte gaw tinang baw hta nhpu htè bun nna, wan dap hta galu na mara ai:

YAWSHU 7:6

Shaloi Yawshu gaw shi a palawng gang je kau nna, shi hte Israela agyi salang ni gaw tinang a baw hta ga nhpu hte bun let, Yehowa a sumpu man e shana de du hkra dingnyawm dagup nga ma ai.

SHINGRAN 17:16

Bai, nang mu ai nrung shi hte dai matse labye gaw, dai shawa num hpe n dawng n yawt na mara ai rai nna, shi hpe katsi katsang hte singgu krin shatai kau nhtawm, shi a shan hpe sha kau nna, krawp mat hkra wan hte nat kau na mara ai.

SHINGRAN 18:10

“Galu kaba ai mare, atsam rawng ai mare, Babelon e, dingnye lu n hka, dingnye lu n hka! ahkying mi hta sha nang hpe dawdan ai lam du sahka gaw!” nga nna shi a majaw hkrap ngu hkrap ngoi ai hte sharung shayawt let tsun na mara ai.

SHINGRAN 18:3

Kaning rai nme law, shi a hpye ai amu ngu ai tsabyi jahku hte masha amyu baw shagu kadawng daw mat masai; ga ntsa hkawhkam ni mung shi hte rau hpye ai amu galaw nna, shi a hpung shingkang hte sawse lawklek ai lam a majaw, mungkan ga na hpaga ni sut su wa masai,” nga nna ja ai nsen hte jahtau wu ai.

SHINGRAN 18:8

Dai re ai majaw, shi hkrum na ra ai ari zinli ngu ai, si hkrung si htan, sharung shayawt ai hte hku hku ai gaw, lani jan sha du nna, wan hte krawp hkra nat kau ai hkrum na ra ai: kaning rai nme law, shi hpe dawdan ai Madu Karai Kasang gaw, n-gun atsam kaba rawng nga ai.”

1 SAMUELA 4:12

Shaloi Ben-yamin amyu masha langai mi, hpyen ginra na gat wa nna, shi a palawng gang je kau ai hte baw e ga nhpu hte bun let, dai shani jang Shilo de du wa ai.