SHINGRAN 18:17 - Jinghpaw Hanson Version Bible

¹⁷ Sanghpaw li agyi ni yawng, sanghpaw li hta ga hkawm ga sa ai ni yawng, sanghpaw li ma ni hte nammukdara a majaw asak bau lu ai ni yawng hte gaw, tsan tsan e tsap nga nna dai mare hkru ai wan hkut hpe yu let,

Jinghpaw Common Language Bible 2009

¹⁷ Hkying hkum mi laman hta sha, lu ai sut gan arung arai mahkra shi shamat kau nu hka!,” nga nna hkrap ngu hkrap ngoi sharung shayawt na mara ai. Sanghpaw li agyi ni nga manga hte dai hta jawn lawm ai bu hkawm masha ni yawng, sanghpaw li hta amu galaw ai masha ni hte, panglai hka lam hku tam lu tam sha kan bau nga ai hpaga masha ni yawng gaw, tsan tsan e tsap nga nna,

SHINGRAN 18:17 ပူးပေါင်းရင်းမြစ်များ

ESAIA 23:14

Tarshi sanghpaw li ni e, sharung shayawt nga mu; nanhte a mare daju shingran katsi mat sai.

ESAIA 47:9

nang gaw lani chyahkring mi hta sha, kashu kasha si ai hte, madu wa si ai, ngu ai ari lahkawng hkrum na rin dai: shaba wawt ai hte mandan lakle amu mana maga galaw ai made, dai yawng mayawng na a ntsa e du na ra ai.

YEREMIA 51:8

Babelon mare gaw akajawng sha kadawng nna, hten mat sai; shi a matu sharung shayawt mu; shi a hkala nba mai wa lu yang, shamai na matu, balsam naw sa la mu.

SHARUNG SHAYAWT 4:6

Kaning rai nme law, kadai mung n-gun n dat ai, akajawng sha hten byak hkrum ai, Sodom mare a yubak hta, Nye amyu shayi sha yubak gaw, grau kaba nga ai.

YONA 1:6

Dai re ai majaw li agyi wa shi kaw sa nna, “Yup taw nga ai wa e, nang hpa maw n ta? Rawt u, na a Karai Kasang hpe hpyi jahtau u: anhte n hten u ga, dai Karai Kasang anhte hpe myit dum dam nhten,” ngu wu ai.

KASA 27:11

Hpyen du wa mahtang, Pawlu a ga hta, Li hkang ai wa hte li madu a ga hpe, grau nna kam wu ai.

SHINGRAN 17:12

Bai nang mu ai nrung shi gaw, mungdan garai n hkam la lu ai hkawhkam shi rai nga ma ai: shanhte gaw dai matse labye hte rau hkawhkam aya ngu ai hpe ahkying mi ting hkam la ma ai.

SHINGRAN 17:16

Bai, nang mu ai nrung shi hte dai matse labye gaw, dai shawa num hpe n dawng n yawt na mara ai rai nna, shi hpe katsi katsang hte singgu krin shatai kau nhtawm, shi a shan hpe sha kau nna, krawp mat hkra wan hte nat kau na mara ai.

SHINGRAN 18:19

Shanhte gaw tinang a baw hta dap hte bun nna, “Dai galu kba ai mare gaw dingnye lu a hka, dingnye lu a hka! nammukdara hta sanghpaw li shayawng lu ai ni yawng hte gaw, dai mare a sutgan kaba ai a majaw sut su wa masai: ahkying mi hta sha shi a katsi katsang rai mat sahka gaw, nga nna hkrap ngu hkrap ngoi ai hte sharung shayawt let jahtau ma ai.