SHINGRAN 18:14 - Jinghpaw Hanson Version Bible

¹⁴ Na a myit masin ra sharawng ai namsi namsaw gaw hkoi mat masai; hpum sau ai hte tsawm htap ai arai nlang hte mung nang jasum kau nit dai rai nna, hpang de kadai mung dai hte hpe bai mu lu sa na n rai.

Jinghpaw Common Language Bible 2009

¹⁴ Hpaga la ni gaw dai mare hpe, “Nang ra kasit madu la mayu ai kaja ai arai yawng mayawng hkoi mat masai; na a sut ring sut gan hte ra marit hpa tsawm htap arai ni yawng mung hkoi mat masai. Dai arai ni hpe htawm hpang de nang galoi mung bai mu lu sana n rai!”

SHINGRAN 18:14 ပူးပေါင်းရင်းမြစ်များ

SHAKAWN KUNGDAWN 106:14

Nam mali hkan e, shanhte myit marin la nga nna, Shingran katsi ai shara e, Karai Wa hpe dinglik yu ma ai.

SHAKAWN KUNGDAWN 78:18

Tinang a asak a matu shanhte lusha hpyi nna, Tinang a myit hta, Karai Wa hpe chyam yu mu ai.

BU HKAWM 11:34

Dai rai nna, myit marit ai masha ni hpe dai yang e lup makoi mu ai majaw, shara dai hpe Kibrot-hatawa ngu nna shamying mu ai.

BU HKAWM 11:4

Ya shanhte hta lawm nang wa ai kayau kaya re ai amyu masha ni gaw grai marit nga ma ai: Israela kashu kasha ni mung bai hkrap nna, “Anhte sha na shan kadai jaw sana i?

MAHTE 11:8

shing n rai, hpa yu na sa myit ta? mani ai hpun palawng bu hpun ai wa hpe, rai ni? Yu mu, mani ai hpun palawng bu hpun ai ni gaw, hkawhkam a htingnu ni hta nga ma ai.

LUKA 12:20

Shaloi Karai Kasang gaw dai wa hpe, “Masha angawk e, dai na jang na a myit masin hpe dawm la kau ya na ra ai: dai rai nna, nang mahkawng shachyip da ai arai ni gaw, gade a matu tai na ra ta?” ngu wu ai.

LUKA 16:25

Shaloi Abraham gaw, “Sha e, nang gaw naw hkrung nga ai hte yang, na a ngamu ngamai lu la nit dai mung, Lazaru gaw dai hte yang tsin-yam tsindam hkrum nga ai mung, dum nga u; ya chyawm gaw shi nang e bran nga sai, nang mahtang gaw nji nmu hkrum nga nit dai.

1 KORINHTU 10:6

Shanhte gaw n kaja ai arai hpe myit marin nga ma ai zawn, anhte gaw n marin u ga she, dai lam hte gaw anhte matu shari tai wa masai.

YAKU 4:2

Nanhte myit kayut nga timung, hpa n lu la myit dai. Nanhte sat kau nga ai hte manawn masham rai nga timung, hpa n lu la lu myit dai: nanhte hpyen gasat nga ai hte, majan galaw myit dai; nanhte n hpyi myit dai majaw, hpa n lu la myit dai.

SHINGRAN 18:13

maza hpun, shatmai tsi, manam pyaw ai baw, mura, lawban, tsabyi jahku, asau, muk shadung, hkaulan mam, dumsu, sagu, gumra, gumra leng, masha hkum hte masha amyit masin hpe, ngu ai rai nga ai.

SHINGRAN 18:15

Dai gun rai dut nna dai mare a majaw lu su ai hpaga ni mung shi hkrum ai ari hpe hkrit nna, tsan tsan e tsap nga let, “Lachyit sumpan, zingnyung hte hkyeng kabrim ai hpun palawng bu hpun nna, aja, lungseng, pale mawn sumli ai galu kaba ai mare gaw, dingnye lu a hka, dingnye lu a hka!