SHINGRAN 18:11 - Jinghpaw Hanson Version Bible

¹¹ Ga ntsa na hpaga ni mung shi a majaw hkrap ngu hkrap ngoi ai hte sharung shayawt nga ma ai; kaning rai nme law, ya kaw nna kadai mung shanhte a gun rai mari lu sa na n rai:

Jinghpaw Common Language Bible 2009

¹¹ Ga ntsa na hpaga la ni mung, hkrap ngu hkrap ngoi hte sharung shayawt nga ma ai; hpa majaw nga yang, shanhte a gun rai ni hpe ya kaw nna kadai mung mari sana ma ai n rai.

SHINGRAN 18:11 ပူးပေါင်းရင်းမြစ်များ

GA SHAGAWP 3:14

Kaning rai nme law, hpaji hpaga ga ai gaw gumhpraw hpaga hte, De a amyat gaw ja jet hte, grau akyu nga ai.

ESAIA 13:19

Shing rai, mungdan ni a baw, Hkalde masha ni a dan hkung ai hpung shingkang ngu ai, Babelon mare gaw, Karai Kasang jahten kau ai Sodom yan Gomora zawn rai na ra ai.

ESAIA 47:15

Shing rai nang shakut sharang ai amu hta nang hten byak hkrum na ndai: na a ram prat kaw nna nang hte hpaga ga ai ni langai hte langai gaw tinang a buga de hprawng wa nna, nang hpe hkye la na wa n nga na sai.

EZEKELA 27:9

Gebala dingla ni hte, de a hpaji rawng ai ni gaw, na a li hkan lajang nga ma ai; nang hte hpaga ga na matu, nammukdara sanghpaw li ni hte li ma ni yawng, nang hta sek nga ma ai.

ZEHPANI 1:11

Hpaga hkyet e shanu nga ai ni e, hkrap shabam nga mu: kaning rai nme law, hpaga ga ai amyu masha ni yawng, n-yawm mat masai; gumhpraw gun sa ai ni yawng, htum mat masai.

ZEHPANI 1:18

Yehowa a sindawng kahtet ai nhtoi hta, shanhte a ja gum hpraw gaw, shanhte hpe mawai la lu na n rai; shi n-yun bu ai wan gaw, mung ting hpe hkru kau na ra ai: kaning rai nme law, shi gaw mung masha ni mahkra hpe alawan shamyit kau na ra ai.

MAHTE 22:5

Shanhte gaw dai ga hpe hpa n na nawn mu ai rai nna, langai ngai gaw tinang a hkauna de, kaga gaw tinang a rai dut ai de sa mat wa ma ai.

YAWHAN 2:16

hkrudu dut ai ni hpe mung, “Ndai rai ni la wa mu; nye Wa a nta hpe hpaga nta hkum shatai mu,” ngu nna tsun mu ai.

2 PETRU 2:3

Shanhte gaw lawhpa ai myit hkan let, hkalem ai ga hte nanhte hpe hpaga ga na marin dai: shanhte hpe dawdan na ari chyawm gaw, moi chyaloi nhkoi kaw nna n lanyan ai hte, shanhte hkrum sha na tsin-yam tsindam gaw gaungwi gausi yup shamwi nga ai n rai.

SHINGRAN 18:15

Dai gun rai dut nna dai mare a majaw lu su ai hpaga ni mung shi hkrum ai ari hpe hkrit nna, tsan tsan e tsap nga let, “Lachyit sumpan, zingnyung hte hkyeng kabrim ai hpun palawng bu hpun nna, aja, lungseng, pale mawn sumli ai galu kaba ai mare gaw, dingnye lu a hka, dingnye lu a hka!

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.

SHINGRAN 18:23

pyengdin a ahtoi mung, nang hta htawm hpang galoi mung htoi tu lu na nrai; la nnan hte num ningnan a nsen mung, nang hta htawm hpang galoi mung na lu na n rai; kaning rai nme law, na a hpaga ni gaw, ga ntsa na daru magam rawng ai ni, rai wa masai; na a mandan lakle amu hte masha amyu baw shagu ni hkalem kau ai hkrum masai.

SHINGRAN 18:3

Kaning rai nme law, shi a hpye ai amu ngu ai tsabyi jahku hte masha amyu baw shagu kadawng daw mat masai; ga ntsa hkawhkam ni mung shi hte rau hpye ai amu galaw nna, shi a hpung shingkang hte sawse lawklek ai lam a majaw, mungkan ga na hpaga ni sut su wa masai,” nga nna ja ai nsen hte jahtau wu ai.

SHINGRAN 18:9

Shi hte hpye ai amu galaw nna, sawse lawklek ai ga ntsa hkawhkam ni gaw, dai mare hkru ai wan hkut mu ma ai shaloi, shi hkrum ai ari hpe hkrit nna tsan tsan e tsap nga let,