SHINGRAN 18:10 - Jinghpaw Hanson Version Bible

¹⁰ “Galu kaba ai mare, atsam rawng ai mare, Babelon e, dingnye lu n hka, dingnye lu n hka! ahkying mi hta sha nang hpe dawdan ai lam du sahka gaw!” nga nna shi a majaw hkrap ngu hkrap ngoi ai hte sharung shayawt let tsun na mara ai.

Jinghpaw Common Language Bible 2009

¹⁰ Shanhte gaw, dai mare hkrum sha ai ari hta shanhte mung hkrum sha lawm na hpe hkrit nna, tsan tsan e tsap let, “Galu kaba ai hte atsam rawng ai Babelon mare e! Dingnye lu nga n hka! Dingnye lu nga n hka! Nang gaw hkying hkum mi laman hta sha daw dan ai hkrum nit hka!,” nga nna tsun na mara ai.

SHINGRAN 18:10 ပူးပေါင်းရင်းမြစ်များ

ESAIA 21:9

Yu u, hpyen luksuk ni hte gumra jawn ai ni man man du mara ai, nga nna hkanghkyi zawn shabam nga ai. Bai shi gaw, Babelon mare kadawng mat sai, kadawng mat sai; shi tawk da ai shi a hpara sumla ni yawng, ga hta agrawp kau ai hkrum masai,” nga ai.

ESAIA 47:9

nang gaw lani chyahkring mi hta sha, kashu kasha si ai hte, madu wa si ai, ngu ai ari lahkawng hkrum na rin dai: shaba wawt ai hte mandan lakle amu mana maga galaw ai made, dai yawng mayawng na a ntsa e du na ra ai.

YEREMIA 30:7

Ala, dai gaw kaba ai nhtoi rai nga ai; dai hte bung ai n nga ai; dai gaw Yaku amyu tsin-yam tsindam hkrum ai aten rai nga ai; rai timung shi gaw hkye hkrang la ai, hkrum na ra ai.

EZEKELA 32:9

“Nang n chye ai mungdan amyu ni hta, nang hten byak wa ai lam ngai shana ya yang, amyu baw law law hpe ngai myit ru shangun na nngai:

YOELA 1:15

Ala, dai nhtoi du ra ai; Yehowa a nhtoi ni magang wa nna, dai gaw hten byak ai shani zawn, Chyahtum Chyalai N-gun rawng ai wa kaw na, du na ra ai.

AMO LAIKA (AMOS) 5:16

Dai re ai majaw, Zaw nawng zaw wa up ai Karai Kasang, Madu Yehowa ning nga ai: Lam nmaw yawng hta, hkrap shabam nga nna, mare lam shagu hta, Ala, ala, nga nna jahtau na mara ai: yawn hkyen na matu, yi hkauna galaw ai wa hpe mung, hkrap shabam na matu, sharung shayawt chye ai wa hpe mung, shanhte shaga na mara ai.

BU HKAWM 16:34

Shanhte shabam ai nsen hpe dai grup na Israela masha ni na ma yang, “Anhte hpe mung mayu kau na ra ai,” nga nna hprawng ma ai.

SHINGRAN 11:8

Ga malai hku Sodom hte Egutu ngu shamying ai, wudang hta shan a Madu jen da hkrum ai mare kaba a nmaw lam hta, shan a moi mang taw nga ai.

SHINGRAN 14:8

Bai, lahkawng ngu na lamu kasa kaga gaw hkan sa nna, “Masha amyu shagu hpe hpye ai amu ngu ai pawt shabu ai tsabyi jahku lu shangun ai, galu kaba ai Babelon mare gaw, kadawng daw mat sai, kadawng daw mat sai,” nga nna tsun ai.

SHINGRAN 16:19

Dai rai nna, dai galu kaba ai mare gaw masum brang ga mat wa ai; masha amyu ni a mare ni mung kadawng daw mat shajang ma ai; Babelon mare kaba hpe mung Karai Kasang a sindawng kahtet ai pawt bu ngu ai tsabyi jahku a gawm lu shangun na, shi a man e dai mare hpe matsing da nga ai.

SHINGRAN 17:12

Bai nang mu ai nrung shi gaw, mungdan garai n hkam la lu ai hkawhkam shi rai nga ma ai: shanhte gaw dai matse labye hte rau hkawhkam aya ngu ai hpe ahkying mi ting hkam la ma ai.

SHINGRAN 18:18

“Dai galu kaba ai mare hte bung ai gaw, gara mare rai nga a ta?” nga nna jahtau ma ai.

SHINGRAN 18:19

Shanhte gaw tinang a baw hta dap hte bun nna, “Dai galu kba ai mare gaw dingnye lu a hka, dingnye lu a hka! nammukdara hta sanghpaw li shayawng lu ai ni yawng hte gaw, dai mare a sutgan kaba ai a majaw sut su wa masai: ahkying mi hta sha shi a katsi katsang rai mat sahka gaw, nga nna hkrap ngu hkrap ngoi ai hte sharung shayawt let jahtau ma ai.

SHINGRAN 18:21

Dai hpang n-gun ja ai lamu kasa langai mi htumrin lung kaba nsan ai nlung kawaw la nna, nammukdara kata de kabai bang kau dat let, “Ndai hkrat shang wa ai zawn, galu kaba ai Babelon mare mung kabai bang kau ai hkrum na ra ai! htawm hpang galoi mung shi hpe bai mu lu na n rai.

SHINGRAN 18:8

Dai re ai majaw, shi hkrum na ra ai ari zinli ngu ai, si hkrung si htan, sharung shayawt ai hte hku hku ai gaw, lani jan sha du nna, wan hte krawp hkra nat kau ai hkrum na ra ai: kaning rai nme law, shi hpe dawdan ai Madu Karai Kasang gaw, n-gun atsam kaba rawng nga ai.”