SHINGRAN 17:9 - Jinghpaw Hanson Version Bible

⁹ Ndai yang e hpaji rawng ai nyan lawm nga ai. Baw sanit gaw, dai numsha dung ai bum sanit rai nga ai:

Jinghpaw Common Language Bible 2009

⁹ “Ndai lam hte seng nna hpaji byeng-ya hte machye machyang rawng nga ai. Baw sanit gaw, dai numsha dung ai bum sanit rai nga ai. Shanhte gaw hkawhkam sanit mung rai nga ma ai.

SHINGRAN 17:9 ပူးပေါင်းရင်းမြစ်များ

Daniela 12:4

Nang chyawm gaw, Daniela e, ndai amu htum ai aten du hkra, ndai mungga hpe ip da nna, laika hpe dazik shakap kau u: masha law law wa tam kahkrang hkawm nna, nyan hpaji jat wa na ra ai,” nga nna tsun ai.

HOSEA 14:9

Da ndai hte hpe chye na lu hkra, hpaji rawng ai wa, kadai rai ta? dai lam ni hpe chye lu hkra, nyan rawng ai wa, kadai rai ta? kaning rai nme law, Yehowa a lam ni malang nga nna dinghpring ai ni dai hta hkan hkawm na mara ai: tara tawt lai ai ni chyawm gaw, dai lam ni hta ahtu kataw na mara ai law.”

MAHTE 13:11

Shi htan nna, “Sumsing lamu a mungdan a sung htum ai lam ni hpe chye na shara, nanhte a matu hku nga malit dai; wora ni a matu chye na shara n hku malu ai.

MAHTE 24:15

Dai rai nna, myihtoi Daniela tsun dan ai jahten shabya ai a matsat shabat gaw, dai chyoi pra ai shara e jung nga ai hpe nanhte mu myit yang gaw, laika hti nga ai wa gaw, myit yu nga u ga;

SHINGRAN 13:1

Shaloi nammukdara hta na dawng pru ai matse labye langai mi ngai mu nngai; dai gaw nrung shi hte baw sanit tu nga ai; de a nrung ni hta ja lagup shi gup nna, shi a baw ni hta arawng jahpoi ai amying kap nga ai.

SHINGRAN 13:18

Nang e hpaji byeng-ya rawng nga ai; zai byeng-ya rawng ai wa gaw dai matse labye a nambat sawn chye u ga; dai nambat gaw masha langai mi a nambat rai nga ai; shi a nambat gaw kru tsa e kru shi kru rai nga ai.

SHINGRAN 17:18

Nang mu lu ai numsha mung, mungkan hkawhkam ni hpe madu lu ai mare kaba rai nga ai, nga nna ngai hpe tsun ai.

SHINGRAN 17:3

Shaloi shi ngai hpe wenyi hte nam mali de woi nawng mat wa ai rai nna, baw sanit hte nrung shi tu nna, matsa shatan ai amying hkrai pri re ai hkyeng kabrim ai matse labye a ntsa e dung nga ai numsha hpe, ngai mu nngai.

SHINGRAN 17:7

Dai rai nna, dai lamu kasa gaw, “Hpa majaw nang mau mahka nga n ta?” Dai numsha a sung htum ai lam mung, baw sanit, nrung shi tu nna shi hpe gun ai matse labye a sung htum ai lam mung, ngai nang hpe tsun dan de ga.