SHINGRAN 17:7 - Jinghpaw Hanson Version Bible

⁷ Dai rai nna, dai lamu kasa gaw, “Hpa majaw nang mau mahka nga n ta?” Dai numsha a sung htum ai lam mung, baw sanit, nrung shi tu nna shi hpe gun ai matse labye a sung htum ai lam mung, ngai nang hpe tsun dan de ga.

Jinghpaw Common Language Bible 2009

⁷ Dai rai nna, dai lamu kasa gaw, “Hpa majaw nang mau mahka nga n ta? Dai numsha a makoi magap ai hte sung htum ai lachyum hpe mung, baw sanit, nrung shi tu ai matse labye a makoi magap ai hte sung htum ai lachyum hpe mung, ngai nang hpe tsun dan de ga.

SHINGRAN 17:7 ပူးပေါင်းရင်းမြစ်များ

2 HTESALONI 2:7

Kaning rai nme law nga yang, n tara ai a sung htum ai lam ya e pyi shachyen nga ai; rai timung, ban hkum ai wa naw nga nga nna, yeng kau ai hkrum ai du hkra, naw ban hkum nga na ra ai.

SHINGRAN 1:20

nye a hkra lata hta nang mu lu ai shagan sanit hte, aja pyengdin sanit ni amau htum ai lam, ka da u; dai shagan sanit gaw, Hpung sanit ni a kasa ni rai nga ma ai, dai pyengdin sanit mung, Hpung sanit rai nga ai.

SHINGRAN 12:3

Bai, mauhpa amu kaga sumsing lamu kata e dan pru ai gaw: yu u, hkyeng ai baren numraw kaba dan pru ai; shi gaw baw sanit hte nrung shi tu nna, shi a baw ni hta ja lagup sanit gup nga ai.

SHINGRAN 17:8

Nang mu ai matse labye gaw, shawng de nga yu sai, ya gaw n nga ai, rai timung sung htum ai shara kaw na lung wa magang ra ai rai nna, hten byak ai de sa wa na ra ai. Ginding aga nnan lat kaw nna tinang a amying asak laika hta n ka lawm ai, ga ntsa e nga ai masha ni gaw, dai matse labye a nga yu sai hte ya n nga ai, bai nga na ra ai lam ni hpe mu lu ai shaloi, mau mahka na mara ai.

SHINGRAN 18:1

Dai hte a hpang e lamu kasa kaga gaw sumsing lamu de na yu wa ai, ngai mu nngai; shi gaw ahkang aya kaba lu nna, lamu ga gaw shi a hpung shingkang hte htoi ala nga ai.