SHINGRAN 17:5 - Jinghpaw Hanson Version Bible

⁵ shi a lahtan e, Ga ntsa na shawa num ni hte matsat shabat lam ni a Kanu, galu kaba ai Babelon, nga nna sung htum ai hte seng ai amying ka da nga ai.

Jinghpaw Common Language Bible 2009

⁵ Shi a lahtan ntsa e, “Ga ntsa na shawa num ni yawng hte n hkru n kaja lam dam lam yit ai ni yawng a kanu, Galu Kaba ai Babelon mare,” nga nna makoi magap ai hte sung htum ai lachyum rawng ai mying langai mi ka da nga ai.

SHINGRAN 17:5 ပူးပေါင်းရင်းမြစ်များ

ESAIA 3:9

Shanhte a myi man nsam, shanhte a lam sakse hkam nga ai; shanhte gaw tinang a yubak hpe Sodom masha ni zawn dan dan galaw nna, makoi magap ma ai n rai; shanhte gaw tinang hkum hpe shaza kau ma ai majaw, tinang a myit masin dingnye hkrum mu ga.

EZEKELA 16:35

“Dai re ai majaw shawa num e, Yehowa a ga madat mara u:

HPILIPI 3:19

Dai ni a chyahtum ai gaw, hten byak ai rai nga malu ai; dai ni a Karai Kasang gaw, tinang a kan rai nga ai hte, tinang a kaya kahpa hta shanhte a gumrawng shara rai nga ma ai; dinghta ga na arai hpe hkrai shanhte myit tsang nga ma ai.

2 HTESALONI 2:7

Kaning rai nme law nga yang, n tara ai a sung htum ai lam ya e pyi shachyen nga ai; rai timung, ban hkum ai wa naw nga nga nna, yeng kau ai hkrum ai du hkra, naw ban hkum nga na ra ai.

SHINGRAN 1:20

nye a hkra lata hta nang mu lu ai shagan sanit hte, aja pyengdin sanit ni amau htum ai lam, ka da u; dai shagan sanit gaw, Hpung sanit ni a kasa ni rai nga ma ai, dai pyengdin sanit mung, Hpung sanit rai nga ai.

SHINGRAN 11:8

Ga malai hku Sodom hte Egutu ngu shamying ai, wudang hta shan a Madu jen da hkrum ai mare kaba a nmaw lam hta, shan a moi mang taw nga ai.

SHINGRAN 14:8

Bai, lahkawng ngu na lamu kasa kaga gaw hkan sa nna, “Masha amyu shagu hpe hpye ai amu ngu ai pawt shabu ai tsabyi jahku lu shangun ai, galu kaba ai Babelon mare gaw, kadawng daw mat sai, kadawng daw mat sai,” nga nna tsun ai.

SHINGRAN 16:19

Dai rai nna, dai galu kaba ai mare gaw masum brang ga mat wa ai; masha amyu ni a mare ni mung kadawng daw mat shajang ma ai; Babelon mare kaba hpe mung Karai Kasang a sindawng kahtet ai pawt bu ngu ai tsabyi jahku a gawm lu shangun na, shi a man e dai mare hpe matsing da nga ai.

SHINGRAN 17:1

Dai shaloi gawm sanit lang ai lamu kasa sanit hta na langai mi gaw, “Sa sa, nang de sa rit, hka law law a ntsa e dung nga ai shawa num kaba hpe daw ai lam, ngai nang hpe madun dan de ga:

SHINGRAN 17:2

ga ntsa hkawhkam ni gaw shi hte hpye ai amu galaw nna, mungkan ga e nga ai ni gaw, shi a hpye ai amu a tsabyi jahku hte nang ma masai,” nga nna ngai hpe tsun ai.

SHINGRAN 17:7

Dai rai nna, dai lamu kasa gaw, “Hpa majaw nang mau mahka nga n ta?” Dai numsha a sung htum ai lam mung, baw sanit, nrung shi tu nna shi hpe gun ai matse labye a sung htum ai lam mung, ngai nang hpe tsun dan de ga.

SHINGRAN 18:2

Dai wa gaw, “Galu kaba ai Babelon gaw kadawng daw mat sai, kadawng daw mat sai; dai shara gaw, nat tsasam ni a de nga ai shara, n san n seng ai wenyi shagu a shingwung shara hte n san n seng ai matsat shabat re ai u amyu myu a shingbyi shara, tai mat sai.

SHINGRAN 18:21

Dai hpang n-gun ja ai lamu kasa langai mi htumrin lung kaba nsan ai nlung kawaw la nna, nammukdara kata de kabai bang kau dat let, “Ndai hkrat shang wa ai zawn, galu kaba ai Babelon mare mung kabai bang kau ai hkrum na ra ai! htawm hpang galoi mung shi hpe bai mu lu na n rai.

SHINGRAN 19:2

shi a tara dara ai lam ni tengman ai hte dinghpring nga lu ai; hpye ai amu hte ga ntsa ting hpe shut hpyit shangun ai shawa num kaba hpe shi dawdan nna, shi a shangun ma ni a asai matai, dai num a ntsa e bai htang ya nu ai law,” nga nna tsun ai, ngai na nngai.

SHINGRAN 7:3

nga nna lamu ga hte nammukdara hpe zingri na ahkang lu ai lamu kasa mali hpe, nsen kaba hte jahtau wu ai.