SHINGRAN 17:4 - Jinghpaw Hanson Version Bible

⁴ Dai numsha gaw hkyeng mang ai hte hkyeng kabrim ai hpun palawng bu hpun nna, aja, lungseng, pale hte mawn sumli nga ai; shi hpye ai amu a n san n seng ai hte, matsat shabat lam hpring chyat re ai aja gawm, shi a lata hta lang da wu ai:

Jinghpaw Common Language Bible 2009

⁴ Dai numsha gaw, hkyeng mang ai hte shaba pu nsam rawng ai bu hpun palawng bu hpun nna, hpu ging ai ja, lungseng, pale hte mawn sumli nga ai. Shi gaw shi a hpye ai amu a asi rai nga ai n san n seng matsat shabat lam hte hpring chyat re ai ja gawm, shi a lata hta lang da wu ai.

SHINGRAN 17:4 ပူးပေါင်းရင်းမြစ်များ

1 HKAWHKAM 14:24

shawa la shawa num ni mung dai mungdan hta shang nna, Yehowa gaw Israela amyu a man e shapraw shachyut kau ai maigan amyu ni a matsat shabat lam mahkra hpe hkan galaw ma ai.

2 HKAWHKAM 21:2

Shi gaw, Israela kashu kasha ni a man na, Yehowa shaden kau ai, maigan amyu ni a matsat shabat lam hkan let, Yehowa man e n hkru ai amu galaw nga ai.

EZRA 9:11

masha ni a n san n seng ai hte, maga mi hte maga mi de hpring chyat rai nga ai matsat shabat amu majaw, awu asin re ai mungdan rai nga ai rai nna,

ESAIA 66:3

Usu lang ai wa gaw, masha sat ai wa hte bung nga ai; sagu kasha hpe nawng ya ai wa gaw, gwi du htau ai wa hte bung nga ai; lusha hkungga jaw ai wa gaw, wa sai hkungga jaw ai wa hte bung nga ai; lawban nat nawng ya ai wa gaw, sumla hpe shaman ya ai wa hte bung nga ai. Gaja wa shanhte gaw tinang ra ai lam lata la nna, tinang a myit masin gaw, tinang matsat shabat lam hta pyaw nga ma ai.

YEREMIA 51:7

Babelon mare gaw, Yehowa lang nna, mungkan ting hpe shanang kau ai ja gawm rai nga ai: masha amyu baw ni gaw, dai hta rawng ai tsabyi jahku lu ma ai majaw, mana bu ma ai.

SHARUNG SHAYAWT 1:9

Shi a n san n seng ai dan leng nga timung, htawm hpang e hkrum na ra ai lam hpe n dum nga ai; Dai re ai majaw shi mau hkra shagrit kau ai hkrum nna, shi hpe shalan shabran ai wa n nga ai: Yehowa e, ngai hkrum ai nni nkri hpe yu u; hpyen wa gaw shi hkum hpe shagrau wu ai.

EZEKELA 20:30

“Dai re ai majaw Israela dap hpe tsun u, ‘Madu Yehowa ning nga ai: Israela dap e, nanhte gaw nji nwa ni a htung hking hte maren, tinang hkum hpe awu asin di let, shanhte a matsat shabat amu ni hpe hkan galaw nna shut hpyit ai, n rai nga myit ni?

EZEKELA 24:11

Dai hpang di kaman wan n-ga ntsa e tawn da u; de a magri byawng hkra, wan shagrung u: dai hta rawng ai agang chyalang byawng mat nna, dai hta kap ai nhkan mat mat u ga.

EZEKELA 24:13

Nang hta kap ai agang chyalang hta n se n sa ai mung lawm nga ai; ngai nang hpe kashin timung, nang n tsai hkraw ndai majaw, nye pawt kahtet ai na a ntsa e garai n dik dingsa, na a agang chyalang tsai mat lu na n rai.

EZEKELA 28:13

nang gaw Karai Kasang a sun ngu ai, Eden hta, rawng nga ndai: lungseng amyu myu, lungseng hkyeng, utahpaya, sin, myek-yoi, chyawng, nagahtoi, nila, mya, patemya ni hpe, ja hta hkrep nna na hkum hpe mawn sumli ndai: shupsheng hte sumpyi chye galaw ai ni mung, nang hta lawm nna, nang shangai wa ai shani e na a matu lajang da masai.

EZEKELA 36:25

Ngai nanhte a ntsa e san seng ai ntsin lapri nna, nanhte san seng na myit dai; nanhte hta kap ai agang chyalang yawng hte, nanhte a hpara sumla ni hta na ngai nanhte hpe jasan jaseng na nngai.

Daniela 11:38

Dai hpara ni a malai, shi gaw hpyen dap ni a hpara hpe hkungga lara na ra ai: shi a kaji kawa ni n chye ai hpara hpe mung, shi hkungga lara nna, aja hte gumhpraw, lungseng hte gali lakan nawng ya na ra ai.

HOSEA 9:10

“Ngai gaw, zaibru jang e tu ai tsabyi si zawn, Israela hpe mu hkrup nngai; shawng si ai lakum hpun hta shawng myin ai lakum si zawn, nanhte a nji nwa ni hpe, ngai mu mada nngai: rai timung shanhte gaw, Bala-peora hpang de sa nna, tinang hkum hpe kaya kahpa lam hta ap kau nhtawm, tinang ra ai hpara hte maren, matsat shabat hkum tai wa masai.

TARA JAHPRANG 29:17

dai re ai majaw, anhte a Karai Kasang Yehowa kaw na yit mat wa mayu ai myit pru nna, dai masha amyu ni a hpara hpe sa nawku ai numsha, lasha, shing n rai amyu lakung langai ngai nanhte hta n nga pru u ga mung; nanhte hta na agung hte pila si si chye ai aru npawt n tu pru u ga mung;

SHINGRAN 14:8

Bai, lahkawng ngu na lamu kasa kaga gaw hkan sa nna, “Masha amyu shagu hpe hpye ai amu ngu ai pawt shabu ai tsabyi jahku lu shangun ai, galu kaba ai Babelon mare gaw, kadawng daw mat sai, kadawng daw mat sai,” nga nna tsun ai.

SHINGRAN 18:12

gun rai ngu ai gaw, ja arai, gumhpraw arai, lungseng, pale, lachyit sumpan, zingnyung, lai nba, hkyeng kabrim ai nba; manam pyaw ai hpun amyu myu, magwi kawng arai amyu myu, manu rawng ai hpun arai, magri arai, hpri arai, lunghpraw arai amyu myu;

SHINGRAN 18:16

ahkying mi hta sha dai hte wa law ai sutgan jahkoi kau ai hkrum sahka gaw!” nga nna hkrap ngu hkrap ngoi ai hte sharung shayawt let tsun na mara ai.

SHINGRAN 19:2

shi a tara dara ai lam ni tengman ai hte dinghpring nga lu ai; hpye ai amu hte ga ntsa ting hpe shut hpyit shangun ai shawa num kaba hpe shi dawdan nna, shi a shangun ma ni a asai matai, dai num a ntsa e bai htang ya nu ai law,” nga nna tsun ai, ngai na nngai.

SHINGRAN 21:21

Dai mare chyinghka shi lahkawng mung pale shi lahkawng rai nga ai; mare chyinghka langai hte langai, pale langai ngai rai nga ai: dai mare a nmaw lam gaw pat zawn tu san ai ja jet rai nga ai.

SHINGRAN 9:21

masha sat ai amu hta na mung, mandan lakle amu hta na mung, num shut hpyit ai amu hta na mung, lagu lagut re ai amu hta na mung, shanhte myit malai n lu ma ai.