SHINGRAN 17:3 - Jinghpaw Hanson Version Bible

³ Shaloi shi ngai hpe wenyi hte nam mali de woi nawng mat wa ai rai nna, baw sanit hte nrung shi tu nna, matsa shatan ai amying hkrai pri re ai hkyeng kabrim ai matse labye a ntsa e dung nga ai numsha hpe, ngai mu nngai.

Jinghpaw Common Language Bible 2009

³ Shaloi Wenyi gaw ngai hpe woi nawng mat wa nna, dai lamu kasa gaw, ngai hpe nam mali de woi sa mat wa ai. Dai shara e baw sanit hte nrung shi tu nna Karai Kasang hpe matsa shatan ai mying hkrai pri ka da ai, hkyeng mang ai matse labye a ntsa e dung nga ai numsha langai mi hpe ngai mu nngai.

SHINGRAN 17:3 ပူးပေါင်းရင်းမြစ်များ

1 HKAWHKAM 18:12

ngai nang kaw nna pru wa yang, Yehowa a Wenyi gaw ngai n chye ai shara de nang hpe woi htawt mat na ra ai: shing rai, ngai Ahab hpe sa tsun yang, shi nang hpe n mu hkrup nna, ngai hpe sat kau na nngai: na mayam, ngai wa chyawm gaw, brang ram prat kaw nna Yehowa hpe hkrit hkungga ni ai.

2 HKAWHKAM 2:16

Bai shanhte gaw, “Yu u, na a mayam ni hta n-gun ja ai masha marai manga shi rai nga ma ai; shanhte gaw na a madu hpe sa tam mu ga: Yehowa a Wenyi gaw shi hpe shapoi la nna, bum langai ngai a ntsa e, shing n rai, kadit langai ngai a kata e, mahkoi wa jahkrat kau da wu ai nhten,” ngu nna hpyi mu yang, shi gaw, “Hkum sa tam myit,” ngu mu ai.

Shawlumon A Mahkawn Ga 8:5

Shi a tsawra ai wa a lata hta shamyet let, Nam mali de na pru ai num gaw, kadai wa rai ta? Ngai nang hpe ndai magaw hpun npu e jasu ni ai: Dai yang e na nnu gaw, nang hpe shangai nna, Nang hpe shangai ai kanu shinggyim machyi hkrum sai.

EZEKELA 11:24

Shaloi Wenyi gaw ngai hpe pawn nna, Karai Kasang a Wenyi a shingran hte, Hkalde mung na bawng dung ai ni hpang de, woi wa nngai. Shing rai ngai mu yu ai shingran gaw, ngai hte hka nna lung wa ai.

EZEKELA 3:12

Shaloi Wenyi gaw ngai hpe pawn nna, nye a shingdu de, “Yehowa a hpung shingkang, shi a shara hta e a nga u ga law,” nga nna wu kadu ai nsen kaba, ngai na nngai.

EZEKELA 8:3

Shi gaw lata hkrang ladawn nna, nye a kara latsin mi lang nga ai: shaloi Wenyi gaw aga hte lamu lapran e ngai hpe pawn shalun nna, Karai Kasang kaw na shingran hte, Yerusalem mare a dingdung maga ang ai kata wang chyinghka de, ngai hpe woi wa nngai: dai yang e, nsu nnawn shangun ai, nsu nnawn ngu ai sumla tingnyang rai nga ai.

Daniela 11:36

“Dai hkawhkam wa gaw shi myit ra ai hte maren galaw nna, hpara ni mahkra ntsa e tinang hkum hpe shagrau shatsaw ai hte, hpara ni a Karai Kasang hpe shinggan kau nna, mauhpa ga tsun na ra ai; pawt sindawng hpring ai aten du hkra, shi awng wa na ra ai; kaning rai nme law ndat da ai lam gaw dik wa na ra ai.

Daniela 7:20

de a baw hta tu ai nrung shi hpe mung, hpang e tu nna, shawng na hta nrung masum hpe jahkrat kau ai hte, masha myi tu nna, ga kaba chye tsun ai n-gup tu ai hte, manang ni hta grau nna hkrit na nsan ai, nrung kaji tu ai lam hpe mung, ngai chye mayu nngai.

Daniela 7:25

Dai wa gaw Tsaw Htum ai Wa hpe shatan nna, Tsaw Htum ai Wa a chyoi pra ai ni hpe shaba na ra ai: shi gaw aten ladaw hte tara hpe, galai kau na maw ai rai nna, shanhte gaw aten mi, aten lahkawng hte aten chyen mi, shi a lata hta ap kau ai hkrum na mara ai.

Daniela 7:8

Dai nrung ni hpe ngai mada yu nga yang, yu u, dai nrung ni a ka-ang e, nrung kaji langai mi tu pru nga ai; dai nrung majaw, shawng na nrung ni hta na nrung masum hpe, pawt hte nawng baw kau wu ai: bai, yu u, ndai nrung kaji hta masha myi hte bung ai myi tu nna, ga kaba chye tsun ai n-gup tu nga ai.

MAHTE 27:28

Shanhte shi a hpun palawng raw kau nna, ahkyeng nsan ai nba lawai ya mu ai:

KASA 8:39

Hka na lung wa ma yang, dai Madu a Wenyi Hpilip hpe woi mat wa nna, Unuk wa mung shi sa wa ai lam de kabu gara let bai wa wu ai rai nna, shi e bai n mu wu ai.

2 HTESALONI 2:4

dai wa gaw Karai ngu mangu hte mung, nawku ai lam yawng mayawng hte mung, nhtan shai nga ai hte tinang dai shagrau la nna, Karai Kasang a nawku Htingnu hta dung nga let, shi hkum nan hpe Karai Kasang shatai da wu ai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, Nang mu ai hte maren laika hta ka la nhtawm, Ehpesu, Samurna, Pergamu, Htuatira, Sardi, Hpiladehpi hte Ladoki mare ni hta nga ai,

SHINGRAN 12:14

Dai num gaw lapu kaw na lawt lu nna, nam mali na shi a shara de pyen wa lu nhtawm, dai yang e prat mi, prat lahkawng hte prat ka-ang hkup bau lanu ai hkrum lu hkra, dai landa kaba a singkaw lahkawng maga, shi hpe jaw dat wu ai.

SHINGRAN 12:3

Bai, mauhpa amu kaga sumsing lamu kata e dan pru ai gaw: yu u, hkyeng ai baren numraw kaba dan pru ai; shi gaw baw sanit hte nrung shi tu nna, shi a baw ni hta ja lagup sanit gup nga ai.

SHINGRAN 12:6

Dai numsha gaw, nam mali de hprawng mat wa ai; dai yang e nhtoi hkying mi ni tsa e kru shi ya tup shi hpe bau mu ga, Karai Kasang gaw shi a matu nga shara lajang da ya wu ai.

SHINGRAN 17:18

Nang mu lu ai numsha mung, mungkan hkawhkam ni hpe madu lu ai mare kaba rai nga ai, nga nna ngai hpe tsun ai.

SHINGRAN 17:4

Dai numsha gaw hkyeng mang ai hte hkyeng kabrim ai hpun palawng bu hpun nna, aja, lungseng, pale hte mawn sumli nga ai; shi hpye ai amu a n san n seng ai hte, matsat shabat lam hpring chyat re ai aja gawm, shi a lata hta lang da wu ai:

SHINGRAN 18:12

gun rai ngu ai gaw, ja arai, gumhpraw arai, lungseng, pale, lachyit sumpan, zingnyung, lai nba, hkyeng kabrim ai nba; manam pyaw ai hpun amyu myu, magwi kawng arai amyu myu, manu rawng ai hpun arai, magri arai, hpri arai, lunghpraw arai amyu myu;

SHINGRAN 18:16

ahkying mi hta sha dai hte wa law ai sutgan jahkoi kau ai hkrum sahka gaw!” nga nna hkrap ngu hkrap ngoi ai hte sharung shayawt let tsun na mara ai.

SHINGRAN 21:10

Shaloi shi ngai hpe wenyi hta woi nawng mat wa ai hte, galu kaba, tsaw la ai bum ntsa de woi du nna, Karai Kasang a hpung shingkang dan hkung ai hte, Karai Kasang a man sumsing lamu de na yu hkrat wa ai chyoi pra ai mare Yerusalem, ngai hpe madun dan nngai.

SHINGRAN 4:2

Dai hte tsun ngut ai shaloi jang, wenyi hta ngai nawng mat wa nngai; shaloi, yu u, sumsing lamu hta e tingnyang dung nga ai rai nna, dai tingnyang hta marai langai mi dung nga ai.