SHINGRAN 17:17 - Jinghpaw Hanson Version Bible

¹⁷ Kaning rai nme law, Karai Kasang a myit hku shadik na hte, shanhte myit langai sha rawng lu na, Karai Kasang a mungga dik wa ai nhtoi du hkra, tinang a mungdan dai matse labye hpe ap ya mu ga nga, Karai Kasang gaw shanhte a kraw lawang hta hpaji daw bang ya mu ai.

Jinghpaw Common Language Bible 2009

¹⁷ Hpa majaw nga yang, shanhte gaw Karai Kasang a mungga dik wa ai nhtoi du hkra, shanhte up hkang na ahkang aya, dai matse labye hpe myit hkrum ai hte ap ya mu ga nga, Karai Kasang gaw shanhte a kraw lawang hta shi a yaw shada ai lam hkan galaw na myit bang ya mu ai.

SHINGRAN 17:17 ပူးပေါင်းရင်းမြစ်များ

EZRA 7:27

Yerusalem mare e nga ai Yehowa nta hpe shatsawm na matu, hkawhkam wa a myit shadut ya ai hte, hkawhkam wa, shi a agyi salang ni hte daru magam rawng ai hkringmang ni mahkra a man e ngai hpe myi man pa shangun ai, ji wa ni a Karai Kasang Yehowa gaw a nga u ga law.

SHAKAWN KUNGDAWN 105:25

Bai shi shanhte hpe shi a ali ama ni hpe hkalem sha na, Shi a amyu hpe n dawng na, shadut mu ai.

GA SHAGAWP 19:21

Masha a myit gaw, lam amyu myu maw timung, Yehowa a maw ai lam agrin nga na ra ai.

GA SHAGAWP 21:1

Hkawhkam a myit masin gaw, hka shi hka gai zawn, Yehowa a lata hta rawng nga nna, Shi myit ra ai hte maren shalen dat wu ai.

ESAIA 45:17

Israela chyawm gaw, Yehowa a jaw e htani htana hkye hkrang la ai lam hkrum na ra ai; nanhte gaw htani htana prat dingsa e kaya kahpa hte mak mat ai n hkrum na myit dai.

YEREMIA 32:40

ngai shanhte hpe n kau da, ngamu ngamai shangun na nga, ngai shanhte hte htani htana prat dingsa ga shaka tawn da na nngai; shanhte ngai kaw na n pru mat wa hkra, ngai hpe hkrit hkungga ai myit, shanhte a kraw lawang hta ngai bang da na nngai.

Daniela 12:7

Shaloi, ‘Dai gaw aten mi, aten lahkawng hte aten chyen mi na na ra ai; dai chyoi pra ai amyu a n-gun atsam hpe agrawp daw kau ngut jang, ndai amu yawng ngut wa na ra ai,’ nga nna lachyit nba bu hpun let hka ntsa e tsap nga ai wa gaw, sumsing lamu de hkra lata pai lata sharawt nna, htani htana ahkrung nga ai wa a amying gang let, dagam nga ai hpe, ngai na nngai.

LUKA 22:22

Masha Kasha gaw, san da ai hte maren sa wa na gaw, rai nga ai: rai timung, shi hpe ap kau ai wa hta dingnye nga na ra ai,” ngu mu ai.

LUKA 22:3

Dai shaloi e, sape shi lahkawng hta lawm ai, Iskarut ngu ai Yuda hta, Satan shang wu ai rai nna,

LUKA 22:37

kaning rai nme law, ngai nanhte hpe tsun made ga, ngai hte seng maseng gaw ngut mat na rai ra ai majaw, ‘Dai wa gaw tawt lai ai ni hta hti lawm mat nga ai,’ nga nna ka da ai ga gaw, ngai hta dik lu na rai nga ai,” ngu nna tsun mu ai.

YAWHAN 10:35

Chyum laika hta na ga hpe n kau mai ai rai nna, Karai Kasang a mungga dep la lu ai ni hpe, Karai daw ni ngu lu ai rai yang gaw,

YAWHAN 13:18

Nanhte yawng hpe sha-ang nna ngai tsun nngai n rai: ngai lata la ai ni hpe gaw, ndai chye da we ai: rai timung, Nye a shat sha ai wa gaw, shi a lahtin hte ngai hpe shingdit nngai, nga nna ka da ai ga shadik na a majaw rai nga ai.

YAWHAN 13:2

Shana shat sha nga yang, gumlau Nat gaw Simun a kasha Yuda Iskarut a kraw kata e shi hpe ap kau na, hpaji daw bang ya boi nu ai rai nna,

YAWHAN 19:24

Dai majaw shanhte gaw, “Palawng ndai hpe anhte n gang je ai sha, kadai mahtang la ang na gaw hpaida da ga,” nga nna shada da tsun ma ai; dai gaw, “Shanhte nye a hpun nba hpe shada karan la nna, Nye a kata palawng hpe mung hpaida da ma ai,” nga nna laika hta rawng ai ga dik wa na matu rai nga ai.

YAWHAN 19:28

Dai hpang Yesu gaw amu mahkra ngut sai hpe chye wu jang, “Ngai hpang kara nngai,” nga nna laika shadik na matu tsun wu ai.

2 KORINHTU 8:16

Dai hta kaga, Titu a kraw lawang e, nanhte a matu mara dai zawn tsang ai myit nan jaw da ai Karai Kasang gaw, a nga u ga.

SHINGRAN 10:7

sanit ngu na lamu kasa a pahtau dum shangoi ai nhtoi hte hta, Karai Kasang gaw shi a shangun ma ni ngu ai myihtoi ni hpe tsun da ai kabu gara shiga hte maren, shi a sung htum ai lam dik wa na sai, nga ai.

SHINGRAN 15:1

Bai, sumsing lamu hta e galu kaba nna mau ging ai mauhpa amu kaga hpe ngai mu nngai; ari zinli sanit lang ai lamu kasa sanit rai nga ma ai: dai ari zinli ni gaw jahtum na ari rai nga ai; kaning rai nme law, Karai Kasang a pawt bu ai gaw dai hte hte ngut wa na ra ai.

SHINGRAN 17:13

Dai ni gaw myit langai sha rawng nna, dai matse labye hpe tinang a hpung shingkang hte ahkang aya ap ya ma ai.

SHINGRAN 19:9

Bai, dai lamu kasa gaw, “Dai Sagu Kasha a hkungran ai poi de shaga la hkrum ai ni gaw, a lu ma ai,” ngu nna ka da u, nga nna mung, “Ndai ga gaw Karai Kasang a tengman ai mungga rai nga ai, nga nna mung,” ngai hpe tsun nngai.

SHINGRAN 6:11

Dai ni langai hte langai hpe hpraw ai hpun palawng galu jahpun nna, shanhte zawn sat kau hkrum na mara ai, tinang ni a kanawn manang ni hte kahpu kanau ni hkum tsup wa lu ai nhtoi du hkra, chyahkring mi naw sim sa nga lu na rai myit dai, nga nna shanhte hpe tsun dan mu ai.