SHINGRAN 17:16 - Jinghpaw Hanson Version Bible

¹⁶ Bai, nang mu ai nrung shi hte dai matse labye gaw, dai shawa num hpe n dawng n yawt na mara ai rai nna, shi hpe katsi katsang hte singgu krin shatai kau nhtawm, shi a shan hpe sha kau nna, krawp mat hkra wan hte nat kau na mara ai.

Jinghpaw Common Language Bible 2009

¹⁶ Bai, nang mu ai nrung shi hte dai matse labye gaw, dai shawa num hpe n ju n dawng na mara ai rai nna, shanhte gaw shawa num kaw na shi lu malu sharun la kau nna singgu krin shatai na maru ai. Shi a shan hpe sha nna wan hte nat kau na mara ai.

SHINGRAN 17:16 ပူးပေါင်းရင်းမြစ်များ

YOBA 31:31

“Nye madu a shan hkru hkru kat kat n sha lu ai,” nga nna, nye a sum hta kadai wa tsun lu na rai ta?

SHAKAWN KUNGDAWN 27:2

Nye a hkum shan sha na, n hkru ai ni sa wa nna, Ngai hpe zingri ai ni hte gumlau ni, ni wa ma jang, Shanhte ahtu kataw nna hkrat mat ma ai.

Daniela 7:5

Bai, yu u, lahkawng ngu na dusat gaw, tsap hte bung nga ai: dai gaw maga mi de shi hkum hpe sharawt nna, garep nra masum, de a n-gup hta mahkang nga ai: shanhte gaw, Rawt u, ashan law law kawa sha u, ngu nna dai dusat hpe tsun mu ai.

JAW JAU 21:9

Hkinjawng a shayi sha gaw shawa num tai nna tinang hkum dai shayuk ai rai yang, dai gaw kawa hpe shayuk ai hku shang nga ai rai nna, shi hpe wan hte nat kau na rai mu ai.

SHINGRAN 12:3

Bai, mauhpa amu kaga sumsing lamu kata e dan pru ai gaw: yu u, hkyeng ai baren numraw kaba dan pru ai; shi gaw baw sanit hte nrung shi tu nna, shi a baw ni hta ja lagup sanit gup nga ai.

SHINGRAN 16:12

Bai kru ngu na wa, shi a gawm Uhprat hka nu kaba hta ru bun dat wu ai: dai rai nna, sinpraw mung na hkawhkam ni sa wa na lam hku na matu, dai hka nu gaw hkyet mat wa ai.

SHINGRAN 17:10

hkawhkam sanit mung rai nga ai; manga gaw hkrat sai, langai mi gaw ya nga nga ai, ngam ai langai mi gaw garai n du ai; dai wa du ai shaloi aten loi sha mi nga lu na ra ai:

SHINGRAN 18:19

Shanhte gaw tinang a baw hta dap hte bun nna, “Dai galu kba ai mare gaw dingnye lu a hka, dingnye lu a hka! nammukdara hta sanghpaw li shayawng lu ai ni yawng hte gaw, dai mare a sutgan kaba ai a majaw sut su wa masai: ahkying mi hta sha shi a katsi katsang rai mat sahka gaw, nga nna hkrap ngu hkrap ngoi ai hte sharung shayawt let jahtau ma ai.

SHINGRAN 18:8

Dai re ai majaw, shi hkrum na ra ai ari zinli ngu ai, si hkrung si htan, sharung shayawt ai hte hku hku ai gaw, lani jan sha du nna, wan hte krawp hkra nat kau ai hkrum na ra ai: kaning rai nme law, shi hpe dawdan ai Madu Karai Kasang gaw, n-gun atsam kaba rawng nga ai.”

SHINGRAN 19:18

shanglawt hte mayam ni a, masha kaji kaba mahkra ni a ashan sha lu na matu, Karai Kasang a poi kaba de zuphpawng marit,” nga nna nsen kaba hte jahtau wu ai.