SHINGRAN 17:14 - Jinghpaw Hanson Version Bible

¹⁴ Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.

Jinghpaw Common Language Bible 2009

¹⁴ Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 17:14 ပူးပေါင်းရင်းမြစ်များ

SHAKAWN KUNGDAWN 110:5

Na a hkra maga e nga ai Madu gaw, Shi a masin pawt ai nhtoi hta e, Hkawhkam ni hpe shanyawp kau na mu ai.

YEREMIA 1:15

Kaning rai nme law, Dingdung mungdan de na amyu baw ni mahkra hpe ngai shaga nna, shanhte sa du nhtawm, langai hte langai, Yerusalem mare chyinghka lam hkan e mung, bunghku grup yin hkan e mung, Yuda mare ni mahkra hta e mung, tinang a tingnyang ni hpe tawn da na mara ai.

YEREMIA 1:19

Shanhte nang hpe hkap gasat timung, dang kau lu na n rai; nang hpe mawai la na matu, ngai nang hte rau rai nga nngai,” nga nna Yehowa tsun ai.

YEREMIA 50:44

Yu mu, Yawdan hka tung wa yang, hkanghkyi lung wa ai zawn, hpyen wa gaw Babelon mung a ngang ai shara de du na ra ai; ngai gaw shanhte hpe akajawng sha hprawng shangun na nngai; san da ai wa kadai hpe mung, dai mung ntsa e up shangun na nngai: kaning rai nme law, ngai hte bung ai wa kadai rai ta? nye a aten hpe kadai madat da a ni? nye a man e tsap nga lu ai sagu rem wa gaw, kadai wa rai ta?”

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

Daniela 2:47

Bai hkawhkam wa gaw, Daniela hpe, “Ndai makoi magap lam nang shapraw dan lu ndai majaw, gaja wa na a Karai Kasang gaw, hpara ni a Karai Kasang, hkawhkam ni a Madu, makoi magap lam shapraw dan lu ai wa rai nga ai,” ngu nna tsun wu ai.

Daniela 7:21

Kaning rai nme law, ngai mada yu yang, moi chyaloi nhkoi na Wa du nna, Tsaw Htum ai Wa a chyoi pra ai ni gaw tara dara na ahkang lu la ai hte,

ZEHKARIA 2:8

Kaning rai nme law, Zaw nawng zaw wa up ai Yehowa ning nga ai: Nanhte hpe hkra ai wa gaw, shi a myi sha hpe hkra ai majaw, nanhte a ka-ang e hpung shingkang tawn da ai hpang, nanhte hpe hpya lu hpya sha ai ni hpang de, shi ngai hpe shangun dat ai.

MAHTE 22:14

“Kaning rai nme law, shaga la hkrum ai ni law nga ma timung, lata la hkrum ai ni mahtang n law ma ai,” ngu wu ai.

MAHTE 25:40

Dai rai nna Hkawhkam wa gaw, “Nanhte hpe ngai teng teng tsun made ga, ‘Ndai ngai nau ni hta na kaji htum ai wa hpe nanhte galaw ai gaw, nanhte ngai hpe galaw manit dai, rai nga ai,’ ngu nna shanhte hpe htan na mu ai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

YAWHAN 15:16

Nanhte ngai hpe lata la myit dai n rai, ngai she nanhte hpe lata la made ai rai nna, nanhte gaw pru sa nna, asi si na hte, nanhte a asi grin nga u ga, ngu nna mung, nye a amying hte Wa kaw nanhte hpyi mahpyi lu la mu ga, ngu nna mung, ngai nanhte hpe san da masade ai.

ROMA 1:6

Yesu Hkristu e shaga la ai ni rai nga myit dai majaw, nanhte mung dai ni hta lawm nga myit dai.

ROMA 8:30

shawng nna san tawn da sai ni hpe mung shi shaga la mu ai; shaga la manu ai ni hpe mung, shi dinghpring shangun mu ai; dinghpring shangun manu ai ni hpe mung, hpung shingkang lu shangun mu ai.

ROMA 8:37

N rai law, anhte hpe tsawra nga ai wa a majaw, ndai yawng hte hpe anhte grau nna hkap dang kau lu ai ni rai ga ai.

1 KORINHTU 15:24

dai hpang e chyahtum ladaw du na ra ai; dai shaloi e shi gaw Kawa Karai Kasang kaw dai mungdan hpe ap ya na ru ai rai nna, du aya yawng mayawng mung, up ai ahkang hte hpung shingkang yawng mayawng hpe mung, shi yeng kau ngut nu ai:

TARA JAHPRANG 10:17

Na a Karai Kasang Yehowa gaw Karai ni a Karai, Madu ni a Madu, galu kaba ai, daru magam re ai, hkrit kang mai ai Karai Wa rai nga ai; shi gaw myi man n tau, manawn kumhpa n sha ai;

1 TIMOHTI 6:15

ahkying aten ang wa yang, dai paw pru ai lam hpe, shi madun dan na ra ai. Shi gaw langai sha rai nga ai a rawng ai Daru Magam re ai du, hkawhkam ni a Hkawhkam, madu ni a Madu rai nga ai rai nna,

2 TIMOHTI 2:4

Hpyen amu gun hpai ai wa kadai mung, tinang hpe hpyen hpung hta shalawm la ai wa a myit htuk lu hkra, ndai aprat na arai ni hta tinang hkum hpe ahkang abai shangun ma ai n rai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

SHINGRAN 1:5

kangka re ai sakse wa, si mat ai ni hta na kasha alat, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwipyaw ai gaw nanhte hta anga nga malit ga. Anhte hpe tsawra nna, shi hkum nan a asai hte anhte a yubak kaw na anhte hpe raw dat mi ai hte,

SHINGRAN 11:7

Shan lahkawng tinang a sakse ga hkam ngut jang, sung htum ai shara de na lung wa ai matse labye gaw, shan hpe gasat nna dang kau na hte, shan hpe sat kau na ra ai.

SHINGRAN 16:14

dai ni gaw lamik kumla galaw dan nna, Chyahtum chyalai n-gun rawng ai Karai Kasang a nhtoi kaba shani na majan gasat na matu, mungkan ting na hkawhkam ni hpe jahpawng la na pru sa wa ai nat a wenyi ni rai nga ma ai.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.

SHINGRAN 2:13

Nang de nga ai shara ngai chye nga nngai; Satan a tingnyang dung nga ai shara e nang de nga ndai. Nye a mying nsang hpe nang manoi nga ndai rai nna, Satan de nga ai shara e ngu ai, nanhte a ka-ang e, nye a kangka re ai sakse wa Antipa sat kau hkrum ai nhtoi hte hta pyi, nye a makam masham lam hpe nang n nyet kau ndai.

SHINGRAN 3:21

Ngai dang lu nna, nye Wa a tingnyang e shi hte rau dung nga lu ai zawn, dang lu ai wa gaw, nye a tingnyang e ngai hte rau dung nga lu na ahkang, ngai jaw na we ai.