SHINGRAN 16:6 - Jinghpaw Hanson Version Bible

⁶ kaning rai nme law, chyoi pra ai ni a asai hte myihtoi ni a asai shanhte ru kau ma ai rai nna, nang shanhte hpe asai bai lu shangun mu ai; dai gaw shanhte hkrum ging ai hku rai nga ai,” nga nna tsun ai, ngai na nngai.

Jinghpaw Common Language Bible 2009

⁶ Shanhte gaw Karai Kasang a masha ni hte myihtoi ni a asai hkaw kau ma ai majaw, nang shanhte hpe asai bai lu shangun mu ai. Dai gaw shanhte hta hkrum ging ai hpe hkrum sha ai lam rai nga ai,” nga nna tsun ai hpe ngai na nngai.

SHINGRAN 16:6 ပူးပေါင်းရင်းမြစ်များ

2 HKAWHKAM 24:4

Yehowa gaw dai yubak hpe raw dat na n hkraw ai rai nna, Yuda amyu hpe shi a myi man kaw na yeng seng kau na nga, Yehowa hkang da ai ga hte maren ndai lam ni byin pru wa sai.

PRU MAT 21:24

myi a matu myi, wa a matu wa, lata a matu lata, lagaw a matu lagaw,

PRU MAT 7:17

Yehowa tsun ai gaw, Ngai Yehowa rai nga nngai gaw ndai lam hta nang chye lu na ndai; yu u, nye a dawhkrawng hte ndai hka nu hpe kayat nna dai hka gaw asai tai na ra rai:

ESAIA 49:26

Nang hpe adip arip ai ni hpe, tinang a hkum shan ngai sha shangun na nngai: dwi ai tsabyi jahku zawn tinang a asai hpe nang hkra lu shangun na nngai; shing rai, ngai Yehowa gaw, nang hpe Hkye hkrang la ai Madu, Yaku a Daru Magam rawng ai wa gaw, nang hpe Shaw Mawai la ai wa rai nga ai hpe, hkrung mahkrung chye lu na mara ai,” nga ai.

YEREMIA 2:30

Ngai gaw be be kaman sha nanhte a kashu kasha ni hpe ari jaw ni ai: shanhte gaw sharin achyin ai n hkam la ma ai; nanhte a nhtu gaw, amya sha ai hkanghkyi zawn, nanhte a myihtoi ni hpe shaza kau manu ai.

YEREMIA 26:11

Shaloi hkinjawng ni hte myihtoi ni gaw, Ndai wa gaw si ging ai wa rai nga ai; nanhte na lu ai hte maren, shi gaw, ndai mare hpe nhtan shai ai hku htoi nu ai, ngu nna, agyi salang ni hte mung masha ni mahkra hpe tsun dan mu ai.

YEREMIA 26:16

Shaloi agyi salang ni hte mung masha ni mahkra gaw, Ndai wa si ging ai wa n rai; shi gaw anhte a Karai Kasang Yehowa mying gang let, anhte hpe tsun mi ai, ngu nna hkinjawng ni hte myihtoi ni hpe tsun mu ai.

SHARUNG SHAYAWT 4:13

Dai gaw myihtoi ni a yubak hte hkinjawng ni shut hpyit ai a majaw byin wa sai. Shanhte gaw dai mare ka-ang e, dinghpring ai ni a sai ru kau masai.

EZEKELA 32:6

Dai hta n-ga ngai gaw na a ru hkaw ai sai hte, mungdan ting hpe, bum ga du hkra, madi shangun nna, hkaraw shagu na a sai hte hpring na ra ai.

MAHTE 7:2

Kaning rai nme law, nanhte jeyang ai hku hkan nna, nanhte jeyang ai hkrum na marin dai; nanhte hteng ya ai dang hte, nanhte hpe hteng ya na marin dai.

LUKA 12:48

n chye nna anu ging ai amu galaw kau ai mayam chyawm gaw, loi mi sha anu ai hkrum na ra ai. Law wa hkam la ai wa kaw na, law wa hpyi na ra ai; law wa ap ya shajang ai wa kaw na mung, grau nna bai hpyi na mara ai.

HEBRE 10:29

dai rai yang gaw, Karai Kasang a Kasha hpe kabye shingkawt kau nna, tinang hkum hpe shachyoi shapra ya ai ga shaka a asai hpe awu asin di kau ai hte, chyeju madun ya ai Wenyi hpe n kaw n law di kau ai wa gaw, dai hta grau ai ari gade hkrum ging ai, ngu nna nanhte nawn da myit ta?

SHINGRAN 11:18

masha amyu ni n-yun bu nna, na a sindawng pawt ai dan pru ra ai; si ai ni hpe tara dara nna, na a shangun ma myihtoi ni hpe mung, na a chyoi pra ai ni hpe mung, na a mying nsang hpe hkrit hkungga ai kaji kaba ni hpe mung, shabrai htang jaw na hte, lamu ga jahten shabyak kau ai ni hpe bai jahten shabyak kau na nhtoi du ra ai law,” nga nna shakawn nga ma ai.

SHINGRAN 13:10

Masha wa hpe sharen ai wa gaw, sharen da ai hkrum na ra ai; nhtu hte sat ga ai wa mung, nhtu hte si na ra ai. Ndai lam hta chyoi pra ai ni a shakut sharang shara hte makam masham lam dan pru nga ai.

SHINGRAN 13:15

Dai matse labye a hkrang sumla ga tsun lu na matu, dai matse labye a hkrang sumla hta nsoi nsa ban bang na ahkang hte, dai matse labye a hkrang sumla hpe n naw n ku ai nga manga hte hpe sat kau na ahkang mung, shi hpe jaw wu ai.

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.

SHINGRAN 18:24

Myihtoi ni a asai, chyoi pra ai ni a asai hte ga ntsa e sat kau hkrum mahkrum ni a asai, dai mare kata e mu hkrup lu sai,” nga nna tsun ai.

SHINGRAN 19:2

shi a tara dara ai lam ni tengman ai hte dinghpring nga lu ai; hpye ai amu hte ga ntsa ting hpe shut hpyit shangun ai shawa num kaba hpe shi dawdan nna, shi a shangun ma ni a asai matai, dai num a ntsa e bai htang ya nu ai law,” nga nna tsun ai, ngai na nngai.