SHINGRAN 16:21 - Jinghpaw Hanson Version Bible

²¹ Shaloi lamu de na joi mali tsa daram li ai sin kaba gaw masha ni a ntsa e htu bun nna, dai sin a ari majaw masha ni gaw Karai Kasang hpe matsa shatan ma ai: dai ari zinli gaw nachying yak kaba ai ari rai nga ai.

Jinghpaw Common Language Bible 2009

²¹ Shaloi lamu de nna joi mali tsa daram li ai sin kaba gaw masha ni a ntsa e htu bun mu ai. Masha ni gaw, dai sin kaba htu bun ai ari zinli a majaw Karai Kasang hpe matsa shatan ma ai. Hpa majaw nga yang, dai ari gaw hkrithpa ari rai nga ai.

SHINGRAN 16:21 ပူးပေါင်းရင်းမြစ်များ

YOBA 38:22

Ahkyen rawng ai sutdek de nang shang yu nni? Ru tsang hkrum ai aten hte, hpyen gasat nna,

YOBA 38:23

majan hkrum ai shani matu, ngai mahkawng da ai, sin a sutdek hpe nang mu yu nni?

PRU MAT 9:18

Yu u, Egutu mung de ai kaw nna ya du hkra n hkrat yu ai nachying kaba ai sin marang, hpawt de ndai hkying hta ngai jahtu dat na we ai.

PRU MAT 9:22

Shaloi Yehowa gaw, “Egutu mung ting na, masha ntsa e mung, yamnga ntsa e mung, hkai nmai mahkra a ntsa e mung, Egutu mung ting hta sin marang htu hkrat u ga, na a lata lamu de ladawn u,” ngu nna Mawshe hpe tsun wu ai.

ESAIA 30:30

Yehowa mung shi a daru magam nsen dat dat nna, pawt sindawng ai, wan hkru ai, nbung bung ai, laru ru ai, sin marang hte shi a lahpum shada na ra ai.

ESAIA 8:21

Shanhte gaw hki ba ai hte kawsi hkrum let lai mat wa na mara ai: kawsi hkrum yang, shanhte myit kahtet nna, ntsa de dap mada yu let, tinang a hkawhkam wa hte, tinang a Karai Kasang hpe dagam kau na mara ai:

EZEKELA 13:11

Dai gaw daw wa na ra ai, ngu nna namhtun chya ai ni hpe tsun mu; marang kaba htu lim na ra ai; sin kaba hkrat na ra ai; bungsha gaw dai hpe agrawp kau na ra ai.

EZEKELA 13:13

“Dai rai nna, Madu Yehowa ning nga ai: ‘Ngai pawt sindawng ai bungsha hte, dai bunghku hpe agrawp kau na nngai; ngai pawt bu ai majaw, marang htu lim nna, myit kahtet ai majaw, sin kaba hte jahtum kau na nngai.

YAWSHU 10:11

Shing rai Israela man na shanhte hprawng wa ma yang, Bet-horon kaw na yu wa ai lam e, Yehowa gaw lamu de na lungdin kaba jahkrat bun wu ai rai nna, Azeka mare du hkra adup ai hte si shajang ma ai: Israela kashu kasha ni a nhtu hte si ai hta, sin marang e si ai mahtang grau law ma ai.

SHINGRAN 11:19

Shaloi sumsing lamu hta e Karai Kasang a nawku Htingnu hpaw malang nna, shi a Htingnu kata e, shi a ga shaka hte seng ai sumpu dan pru nga ai; shaloi jang, myihprap kala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 16:11

Shing rai aju machyi ai hte hpye shanam ai ana majaw, shanhte gaw, sumsing lamu na Karai Kasang hpe matsa shatan ma ai; dai hte wa hkrum ma timung, tinang a arawn alai hta na myit malai n lu ma ai.

SHINGRAN 16:9

Dai rai nna masha ni gaw kahtet kang la ai hte jahkat kau ai hkrum nna, ndai ari zinli ni hpe up byeng ai Karai Kasang a amying nsang hpe matsa shatan ma ai; dai hte wa hkrum ma timung, shi a hpung shingkang shagrau na gaw, shanhte myit malai n lu ma ai.

SHINGRAN 8:7

Ya, shawng na wa pahtau dum dat wu ai: shaloi asai kayau ai sin hte awan htu wa ai; dai hpe ga ntsa de jahkrat dat yang, dinghta ga daw masum hta na daw mi hkru mat wa ai; nam maling hpun ni mung htam masum hta na htammi hkru mat wa ai; tsit lali ai tsingdu yawng gaw hkru mat wa ai.