SHINGRAN 16:15 - Jinghpaw Hanson Version Bible

¹⁵ Yu mu, lagu lagut zawn ngai du ring ngai. Masha a man e singgu krin n hkawm na hte, tinang a kaya hpa n dawng lu ga, a maja nga let tinang a labu palawng sin nga ai wa gaw, a lu ai.

Jinghpaw Common Language Bible 2009

¹⁵ “Yu mu! Lagut zawn ngai du na ring ngai! Dai rai nna singgu krin hkawm sa nna masha a man e kaya kahpa n hkrum u ga, amaja nga let tinang a labu palawng ni hpe sin nga ai wa gaw a nga ai.”

SHINGRAN 16:15 ပူးပေါင်းရင်းမြစ်များ

PRU MAT 32:25

Shing rai amyu masha ni kabrawng mat wa nna, shanhte a hpyen ni a man e shatan shara rawng hkra, Arun e shaprang dat wu ai hpe, Mawshe mu wu yang,

ESAIA 47:3

nang singgu krin rai nna kaya kahpa hkrum na rin dai: ngai matai dawp yang, kadai hpe mung matsan dum na n rai.

HOSEA 2:3

Nanhte a nhpu nnau ni hpe, Ami, nanhte a nna njan ni hpe, Ruhama, ngu nna shaga mu.

HABAKU 2:15

Tinang a htingbu wa singgu krin re ai hpe mu mayu nna, shi hpe shanang na matu, n dawng n yawt ai myit hte chyaru ru jaw ai wa gaw, dingnye lu u ga.

MAHTE 25:13

Dai rai na, dai shani rai timung, dai ahkying rai timung, nanhte n chye myit dai majaw, a maja nga mu.

MAHTE 26:41

agung alau ai kaw n du myit ga, maja nga ai hte akyu hpyi nga mu: wenyi gaw let nga ai, hkum shan mahtang n-gun kya nga ai,” ngu mu ai.

MARKU 14:38

Agung alau ai kaw n du myit ga, maja, akyu hpyi nga mu: wenyi gaw let nga ai, hkum shan mahtang n-gun n ja nga ai,” ngu nna tsun wu ai.

LUKA 21:36

Dai rai nna, dai byin wa na ra ai lam ni yawng hta na nanhte lawt lu nna, Masha Kasha a man e tsap lu ging ai ni tai lu myit ga, akyu hpyi let, ahkying aten shagu hta a maja nga mu,” ngu mu ai.

KASA 20:31

Dai re ai majaw, ngai nanhte mahkra hpe masum ning tup shani shana n sim n sa myi prwi hte shadum jahprang da ai hpe, dum nna a maja nga mu.

2 KORINHTU 5:3

gaja wa shing rai dagraw ngut jang, anhte hpe singgu krin mu hkrup na mi ai n rai.

1 HTESALONI 5:4

Nanhte chyawm gaw, hpunau ni e, dai shani gaw lagu lagut zawn nanhte hpe dep lu hkra, nanhte nsin hta e lup nga myit dai n rai:

1 HTESALONI 5:6

Anhte gaw shana hte mung, nsin hte mung, n seng ga ai; dai re ai majaw masha gale zawn anhte n yup nga ai sha, a maja nga nna htauli htaula rai nga ga:

1 PETRU 4:7

Arai yawng mayawng htum mat na aten ni magang wa ra ai. Dai re ai majaw, nanhte myit su rai nga nna, akyu hpyi na matu htauli htaula rai nga mu.

2 PETRU 3:10

Dai Madu a nhtoi chyawm gaw, lagu lagut zawn du na ra ai; dai nhtoi hta e sumsing lamu ni kadu ai nsen hte lai mat wa nna, arai guji guyang ni, kahtet lai ai hte krawp ayai mat wa nna, aga hte dai hta e nga ai yawng mayawng hte gaw, hkru hkat mat na ra ai.

SHINGRAN 22:7

“Yu u, ngai alawan du na ring ngai: Ndai laika hta rawng ai myihtoi ga hpe hkan nang nga ai wa gaw, a lu ai,” nga nna ngai hpe tsun nngai.

SHINGRAN 3:11

Ngai alawan du na ring ngai; na a janmau hpe kadai mung n la kau ya u ga, nang lu ai made hpe a sin nga u.

SHINGRAN 3:18

Dai re ai majaw, nang sut su u ga, wan mang hta jen kau sai ja jet hpe mung, na a singgu krin re ai kaya hpa masha man e n dawng lit ga, nang lawai na matu hpraw ai hpun palawng mung, na a myi mu lu lit ga, chya na matu myi tsi mung, ngai kaw na mari la lu na, ngai nang hpe hpaji daw ya de ai.