SHINGRAN 16:10 - Jinghpaw Hanson Version Bible

¹⁰ Bai, manga ngu na wa shi a gawm dai matse labye a tingnyang ntsa de ru bun dat wu ai: shaloi shi a mungdan nsin chyip rai mat wa nna, mung masha ni gaw aju machyi la ai majaw, tinang a shinglet kawa udik nga ma ai:

Jinghpaw Common Language Bible 2009

¹⁰ Dai hpang manga ngu na lamu kasa gaw, shi a pawt sindawng kahtet ai gawm hpe dai matse labye a tingnyang ntsa e ru bun dat wu ai. Shaloi matse labye a mungdan ntsa e nsin htim bun nna nsin chyip rai mat ai. Dai mungdan masha ni machyi gying wa nna shanhte a shinglet ni hpe kawa makret ma ai.

SHINGRAN 16:10 ပူးပေါင်းရင်းမြစ်များ

SHAKAWN KUNGDAWN 78:49

Shi gaw sindawng pawt kahtet ai hte, Tsin-yam tsindam, nji nmu, ru tsang ai hpe, n hkru ai kasa hpung zawn, shangun dat wu ai.

MAHTE 13:42

dai yang e hkrap ngu hkrap ngoi ai hte wa udik ai gaw, rai nga ai.

MAHTE 13:50

wan htung hta kabai bang kau na maru ai: dai yang e hkrap ngu hkrap ngoi ai hte wa udik ai gaw rai nga ai.

MAHTE 22:13

Shaloi dai hkawhkam wa gaw shi a ali ama ni hpe, “Shi a lagaw lata hpe gyit hkang nna, shinggan de na nsin de jahkrat bang kau mu,” ngu wu ai: dai yang e hkrap ngu hkrap ngoi ai hte wa udik ai rai nga ai.

MAHTE 24:51

shi hpe katawng daw kau nhtawm, shi a daw hpe hpyi hpun ai ni hte rau tawn da na ru ai: dai yang e hkrap ngu hkrap ngoi ai hte wa udik ai rai na ra ai.

MAHTE 8:12

Dai mungdan a kashu kasha ni chyawm gaw, shinggan de na nsin hta shaden bang kau ai hkrum na mara ai: dai yang e, hkrap ngu hkrap ngoi ai hte wa urin udik rai nga na mara ai,” ngu mu ai.

LUKA 13:28

Abraham, Isak, Yaku hte myihtoi ni nlang, Karai Kasang a mungdan e nga nga ai hpe nanhte mu lu nna, nanhte hkum dai gaw shinggan de shapraw kau hkrum myit dai shaloi, dai yang e hkrap ngu hkrap ngoi ai hte wa urin udik ai, rai na ra ai.

1 PETRU 2:17

Nlang hte hpe hkungga lara di mu; kahpu kanau ni hpe tsawra nga mu. Karai Kasang hpe hkrit kamyin nga mu; hkawhkam wa hpe hkungga lara di mu.

SHINGRAN 11:10

Ga ntsa e nga ai ni gaw shan a majaw kabu gara rai nna pyaw pyaw nga ma ai; shanhte shada da mung kumhpaw kumhpa galai jaw chyai na mara ai: kaning rai nme law, dai myihtoi yan gaw ga ntsa e nga ai ni hpe grai sharu shatsang masai, nga ai.

SHINGRAN 11:2

Dai Htingnu a shinggan wang hpe chyawm gaw, shinggan kau da u, dai hpe hkum shadawn et; dai gaw maigan amyu ni hpe ap ya kau ngut sai rai nna, shanhte gaw dai chyoi pra ai mare hpe shata mali shi lahkawng tup kabye dip na mara ai.

SHINGRAN 11:8

Ga malai hku Sodom hte Egutu ngu shamying ai, wudang hta shan a Madu jen da hkrum ai mare kaba a nmaw lam hta, shan a moi mang taw nga ai.

SHINGRAN 17:17

Kaning rai nme law, Karai Kasang a myit hku shadik na hte, shanhte myit langai sha rawng lu na, Karai Kasang a mungga dik wa ai nhtoi du hkra, tinang a mungdan dai matse labye hpe ap ya mu ga nga, Karai Kasang gaw shanhte a kraw lawang hta hpaji daw bang ya mu ai.

SHINGRAN 17:9

Ndai yang e hpaji rawng ai nyan lawm nga ai. Baw sanit gaw, dai numsha dung ai bum sanit rai nga ai:

SHINGRAN 18:2

Dai wa gaw, “Galu kaba ai Babelon gaw kadawng daw mat sai, kadawng daw mat sai; dai shara gaw, nat tsasam ni a de nga ai shara, n san n seng ai wenyi shagu a shingwung shara hte n san n seng ai matsat shabat re ai u amyu myu a shingbyi shara, tai mat sai.

SHINGRAN 18:21

Dai hpang n-gun ja ai lamu kasa langai mi htumrin lung kaba nsan ai nlung kawaw la nna, nammukdara kata de kabai bang kau dat let, “Ndai hkrat shang wa ai zawn, galu kaba ai Babelon mare mung kabai bang kau ai hkrum na ra ai! htawm hpang galoi mung shi hpe bai mu lu na n rai.

SHINGRAN 18:23

pyengdin a ahtoi mung, nang hta htawm hpang galoi mung htoi tu lu na nrai; la nnan hte num ningnan a nsen mung, nang hta htawm hpang galoi mung na lu na n rai; kaning rai nme law, na a hpaga ni gaw, ga ntsa na daru magam rawng ai ni, rai wa masai; na a mandan lakle amu hte masha amyu baw shagu ni hkalem kau ai hkrum masai.

SHINGRAN 8:12

Bai, mali ngu na lamu kasa pahtau dum dat wu ai: shaloi lamu a nhtoi hkum ni hta na htam masum hta na htammi sin mak mat nna, shani daw masum hta na daw mi nhtoi n htoi lu na hte, shana mung dai hte maren rai mat wa na matu, ajan gaw daw masum hta na daw mi, shata gaw daw masum hta na daw mi, shagan ni mung htam masum hta na htammi grawp nip mat wa ai.

SHINGRAN 9:2

Shaloi, dai sung htum ai shara na nhkun hpe shi hpaw dat wu ai rai nna, wan htung kaba a wan hkut zawn, dai nhkun hta na wan hkut mawng lung wa ai hte, dai nhkun a wan hkut majaw, ajan hte lamu ganghkau lapran e nsin sin wa ai.